¹Mugove wechipiri wakapiwa Simioni, irwo rudzi rwavana vaSimioni nemhuri dzavo; nhaka yavo yakanga iri pakati penhaka yavana vaJudha.

²Panhaka yavo vakanga vane Bheeri-shebha, kana Shebha, neMoradha,

³neHazari-shuari, neBhara, neEzemi,

⁴neEritoradhi, neBheturi, neHoma,

⁵neZikiragi, neBheti-marikabhoti, neHazari-susa,

⁶neBheti-rebhaoti, neSharuheni; maguta ane gumi namatatu nemisha yawo.

⁷Aini, neRimoni, neEteri, neAshani; maguta mana nemisha yawo ;

⁸misha yose yakapoteredza maguta iwayo kusvikira paBhaarati-bheeri, raiva Rama rezasi. Ndiyo yakanga iri nhaka yorudzi rwavana vaSimioni nemhuri dzavo.

⁹Nhaka yavana vaSimioni yakanga yato rwa pamugove wavana vaJudha, nekuti mugove wavana vaJudha wakange uri mukurusa; naizvozvo vana vaSimioni vakapiwa nhaka pakati penhaka yavo.

¹⁰Mugove wechitatu wakapiwa vana vaZebhuruni, nemhuri dzavo; muganhu wenhaka yavo wakasvika paSaridhi.

¹¹Muganhu wavo wakakwira kumavirazuva, kusvikira paMarara, ndokusvikira paDhabhesheti, ndokusvikira kurukova rwaiva pamberi peJokineamu;

¹²kubva paSaridhi wakadzokera kumabvazuva, kunobuda zuva, kusvikira kumuganhu weKisiroti-tabhori, ndokubudira kuDhabherati, ndokukwira Jafia;

¹³kubva ipapo wakapfuura kumabvazuva uchienda Gatiheferi, kusvikira paEti-kazini, ndokuguma paRimoni, rinosvika paNea;

¹⁴zvino muganhu ndokudzoka kurutivi rwokumusoro, ndokuenda Hanatoni, ndokuguma pamupata weIfitaeri;

¹⁵neKatati, neNaharari, neShimuroni, neIdhara, neBheterehemu; maguta ane gumi namaviri nemisha yawo.

¹⁶Ndiyo yakanga iri nhaka yavana vaZebhuruni, nemhuri dzavo, maguta iwayo nemisha yawo.

¹⁷Mugove wechina wakapiwa Isakari, ivo vana vaIsakari, nemhuri dzavo.

¹⁸Muganhu wavo wakasvika paJezireeri, neKesuroti, neShunemi,

¹⁹neHafaraimi, neShioni, neAnaharoti,

²⁰neRabhiti, neKishioni, neEbhesi,

²¹neRemeti, neEniganimi, neEni-hadha, neBheti-pazezi;

²²muganhu ukasvika paTabhori, neShahazuma, neBheti-shemeshi; muganhu ndokugumira paJoridhani; maguta ane gumi namatanhatu nemisha yawo.

²³Ndiyo yakanga iri nhaka yorudzi rwavana vaIsakari nemhuri dzavo, maguta nemisha yawo.

²⁴Mugove wechishanu wakapiwa rudzi rwavana vaAsheri nemhuri dzavo.

²⁵Muganhu wavo wakange uri: Harakati, neHari, neBheteni, neAkishafi,

²⁶neMamereki, neAmadhi, neMishari, ndokusvikira paKarimeri kumavirazuva, nokuShihori-ribhinati;

²⁷ndokudzokera kumabvazuva kuBheti-dhagoni ndokusvikira kwaZebhuruni, nokumupata weIfitaeri kumusoro, kusvikira paBheti-emeki, neNeyeri, nokubudira paKabhuri kuruboshwe,

²⁸neEbhuroni, neRehobhi, neHamoni, neKana, kusvikira paZidhoni guru;

²⁹zvino muganhu ndokudzokera kuRama, nokuguta reTire rakakombwa norusvingo; muganhu ndokudzokera Hosa, ndokuguma pagungwa panyika yeAkizibhi;

³⁰uye Uma, neAfeki, neRehobhi; maguta makumi maviri namaviri nemisha yawo.

³¹Ndiyo yakanga iri nhaka yorudzi rwavana vaAsheri, nemhuri dzavo maguta iwaya nemisha yawo.

³²Mugove wechitanhatu wakapiwa vana vaNafutari, ivo vana vaNafutari nemhuri dzavo.

³³Muganhu wavo wakabva paHerefi, kubva pamuouki weZaananimi, neAdhami-nekebhi, neJabhuneeri, kusvikira paRakumi, ndokuguma paJoridhani;

³⁴ipapo muganhu wakadzoka kumabvazuva, ndokuenda Azinoti-tabhori; ndokubvapo, ndokuenda Hukoki; ndokusvika kwaZebhuruni kurutivi rwezasi, ndokusvika kwaAsheri kumavirazuva, ndokusvika kwaJudha paJoridhani kumabvazuva.

³⁵Maguta akanga akakombwa namasvingo akanga ari Zidhimu, neZera, neHamati, neRakati, neKinereti,

³⁶neAdhama, neRama, neHazori,

³⁷neKedheshi, neEdhirei, neEni-harori,

³⁸neIroni, neMigadhari-eri, neHoremu, neBheti-anati, neBheti-shemeshi; maguta ane gumi namapfumbamwe, nemisha yawo.

³⁹Ndiyo yakanga iri nhaka yorudzi rwavana vaNafutari nemhuri dzavo, maguta iwaya nemisha yawo.

⁴⁰Mugove wechinomwe wakapiwa rudzi rwavana vaDhani nemhuri dzavo.

⁴¹Muganhu wenhaka yavo wakange uri Zora, neEshitaori, neIri-shemeshi;

⁴²neShaarabhini, neAjaroni, neItira,

⁴³neEroni, neTimuna, neEkironi,

⁴⁴neEriteke, neGibhetoni, neBhaarati,

⁴⁵neJehudhi, neBheni-bheraki, neGati-rimoni,

⁴⁶neMejarikoni, neRakoni, nenyika yakatarisana neJopa.

⁴⁷Asi nyika yavana vaDhani yakanga iri dukusa; naizvozvo vana vaDhani vakandorwa neReshemi, vakarikunda, vakariparadza neminondo inopinza, vakapiwa guta iro, vakagaramo; vakatumidza Reshemi zita rinonzi Dhani, zita rababa vavo Dhani.

⁴⁸Ndiyo yakanga iri

⁴⁹Naizvozvo vakapedza kugovera nyika, yakanga iri nhaka yavo nemiganhu yayo; vana vaIsiraeri vakapa Joshua mwanakomana waNuni nhaka yake pakati pavo;

⁵⁰sezvavakanga varairwa naJehovha, vakamupa guta raakakumbira, Timunati-sera, panyika yamakomo yaEfuremu; akavaka guta iro, akagaramo.

⁵¹Ndidzo nhaka dzakagoverwa nemijenya paShiro pamberi paJehovha, pamukova wetende rokusangana, nomupristi Ereazari, naJoshua mwanakomana waNuni, navakuru vedzimba dzamadzibaba amarudzi avana valsiraeri, kuti dzive nhaka dzavo. Naizvozvo vakapedza kugovera nyika.