¹Munototaura zvakarurama here, imwi vane simba, Munotongera vanakomana vavanhu zvakarurama here?

²Zvirokwazvo, mumoyo menyu munoita zvakaipa; Munoyerera vanhu pasi pose kumanikidza kwamaoko enyu.

³Vakaipa vakava vatorwa kubva padumbu ramai; Vanotsauka vachangozvarwa, vachireva nhema.

⁴Uturu hwavo hwakafanana nouturu bwenyoka; Vakafanana nechiva chisinganzwi, chinodzivira nzeve yacho;

⁵Chisingateereri inzwi ren'anga, Kunyange achiimba nouchenjeri hukuru.

⁶Mwari vhunai meno avo avo mumuromo mavo; Jehovha gurai meno makuru avana veshumba.

⁷Ngavapwe semvura inoyerera; kana achishumba gangauta kufura museve wavo, ngavave sevakagurika.

⁸Ngavafanane nehozhwa inonyakatika ichipera; Segambamwedzi romukadzi risina kuona zuva.

⁹Hari dzenyu dzisati dzanzwa moto newemhinzwa, Iye achadzibvisa nechamupupuri nyama igere, nomoto pamwechete.

¹⁰Akarurama achafara kana achiona kutsiva; Achashambidza tsoka dzake muropa ravakaipa.

¹¹Naizvozvo vanhu vachati, Zvirokwazvo mubayiro wowakarurama uripo; Zvirokwazvo Mwari aripo, anotonga pasi pose.