¹Kunyange ndikataura nendimi dzevanhu nedzevatumwa, asi ndisina rudo, ndava sendarira inorira, kana chigwagwagwa chinongwerengwedza.

¹If I speak with the languages of men and of angels, but don’t have love, I have become sounding brass, or a clanging cymbal.

²Kunyange ndine chiporofita, ndichinzwisisa zvakavanzika zvose, neruzivo rwose; uye kunyange ndine rutendo rwose, zvekuti ndibvise makomo, ndisina rudo, handisi chinhu.

²If I have the gift of prophecy, and know all mysteries and all knowledge; and if I have all faith, so as to remove mountains, but don’t have love, I am nothing.

³Kunyange ndagovera varombo zvose zvandinazvo, kunyange ndikapa muviri wangu kuti ndipiswe ndisina rudo, hazvindibatsiri chinhu.

³If I dole out all my goods to feed the poor, and if I give my body to be burned, but don’t have love, it profits me nothing.

⁴Rudo rwune moyo murefu, rwune unyoro; rudo harwuna godo; rudo harwuzvikudzi, harwututumadzwi,

⁴Love is patient and is kind; love doesn’t envy. Love doesn’t brag, is not proud,

⁵harwuzvibati zvisakafanira, harwuzvitsvakiri zvarwo; harwugumbuswi nhando, harwunanzereri zvakaipa;

⁵doesn’t behave itself inappropriately, doesn’t seek its own way, is not provoked, takes no account of evil;

⁶harwufari mukusarurama, asi rwunofara muchokwadi;

⁶doesn’t rejoice in unrighteousness, but rejoices with the truth;

⁷rwunotakura zvinhu zvose, rwunotenda zvinhu zvose, rwunotarisira zvinhu zvose, rwunotsungirira zvinhu zvose.

⁷bears all things, believes all things, hopes all things, endures all things.

⁸Rudo harwutongokundikani. Zvino kana zviri zviporofita, zvichakundikana; kana dziri ndimi, dzichaguma; kana guri ruzivo, rwuchanyangariswa.

⁸Love never fails. But where there are prophecies, they will be done away with. Where there are various languages, they will cease. Where there is knowledge, it will be done away with.

⁹Nekuti tinoziva muchidimbu, uye tinoporofita muchidimbu;

⁹For we know in part, and we prophesy in part;

¹⁰asi kana zvakazara zvasvika, izvo zviri muchidimbu zvichashayiswa maturo.

¹⁰but when that which is complete has come, then that which is partial will be done away with.

¹¹Pandakanga ndiri mucheche, ndaitaura semucheche, ndainzwisisa semucheche, ndaifunga semucheche; zvino pandakava murume, ndakabvisa zveucheche.

¹¹When I was a child, I spoke as a child, I felt as a child, I thought as a child. Now that I have become a man, I have put away childish things.

¹²Nekuti ikozvino tinoona nepachioni-oni madzedzerera; asi nenguva iyo tichaona zviso zvakatarisana; ikozvino ndinoziva muchidimbu, asi ipapo ndichaziva sezvandakazikamwa neniwo.

¹²For now we see in a mirror, dimly, but then face to face. Now I know in part, but then I will know fully, even as I was also fully known.

¹³Ikozvino rutendo, tariro, rudo, zvitatu izvi ndizvo zvinogara; asi chikuru chezvizvi rudo.

¹³But now faith, hope, and love remain—these three. The greatest of these is love.