¹Zvino Dhavhidhi wakataura kuna Jehovha mashoko orwiyo urwu nenguva yaakarwirwa naJehovha pamaoko avavengi vake vose, napamaoko aSauro;

¹David spoke to Yahweh the words of this song in the day that Yahweh delivered him out of the hand of all his enemies, and out of the hand of Saul:

²akati: Jehovha idombo rangu, nenhare yangu, nemununuri wangu, iye ndewangu.

²and he said, “Yahweh is my rock, my fortress, and my deliverer, even mine;

³Mwari wedombo rangu, ndichavimba naye; nhovo yangu, norunyanga rwokuponeswa kwangu, shongwe yangu yakakwirira, noutiziro hwangu. Muponesi wangu, anondiponesa pakumanikidzwa.

³God, my rock, in him I will take refuge; my shield, and the horn of my salvation, my high tower, and my refuge. My savior, you save me from violence.

⁴Ndichadana kuna Jehovha, iye anofanira kurumbidzwa; Naizvozvo ndichaponeswa kuna vavengi vangu.

⁴I will call on Yahweh, who is worthy to be praised: So shall I be saved from my enemies.

⁵nekuti mafungu orufu akandikomba, Uye nzizi dzezvakaipa dzakandivhundusa.

⁵For the waves of death surrounded me. The floods of ungodliness made me afraid.

⁶Mabote aSheori akandisunga, Misungo yorufu yakandiwira.

⁶The cords of Sheol Sheol is the place of the dead. were around me. The snares of death caught me.

⁷Pakutambudzika kwangu ndakadana kuna Jehovha, Ndakadana kuna Mwari wangu, Akanzwa inzwi rangu ari mutemberi yake; Kuchema kwangu kukasvika munzeve dzake.

⁷In my distress I called on Yahweh. Yes, I called to my God. He heard my voice out of his temple. My cry came into his ears.

⁸Ipapo nyika yakazununguka, ikadedera; Nheyo dzokudenga dzakadengenyeka, Dzikazununguswa, nekuti iye wakange atsamwa.

⁸Then the earth shook and trembled. The foundations of heaven quaked and were shaken, because he was angry.

⁹Utsi hwakakwira hwuchibva mumhino dzake, Uye moto wakabuda mumuromo make, wakaparadza; Mazimbe akabatidzwa nawo.

⁹Smoke went up out of his nostrils. Fire out of his mouth devoured. Coals were kindled by it.

¹⁰Wakakotamisawo kudenga-denga, akaburuka, Nerima guru rakanga riri pasi petsoka dzake.

¹⁰He bowed the heavens also, and came down. Thick darkness was under his feet.

¹¹Wakatasva kerubhu, akabhururuka; Zvirokwazvo, wakaonekwa ari pamapapiro emhepo.

¹¹He rode on a cherub, and flew. Yes, he was seen on the wings of the wind.

¹²Wakazvipoteredza nerima setende, Mvura yakaunganidzwa, nemvumi dzehore dzedenga.

¹²He made darkness pavilions around himself: gathering of waters, and thick clouds of the skies.

¹³Nokupenya, kwakanga kuri pamberi pake, Mazimbe omoto akabatidzwa.

¹³At the brightness before him, coals of fire were kindled.

¹⁴Jehovha wakatinhira kudenga, Wekumusoro-soro wakataura nenzwi rake.

¹⁴Yahweh thundered from heaven. The Most High uttered his voice.

¹⁵Wakatuma miseve, akavaparadza; Akatuma mheni, akavavhundusa.

¹⁵He sent out arrows, and scattered them; lightning, and confused them.

¹⁶Ipapo pasi pegungwa pakaonekwa, Uye nheyo dzenyika dzakaratidzwa pachena, Nokutuka kwaJehovha, Nokufema kwemweya wemhino dzake.

¹⁶Then the channels of the sea appeared. The foundations of the world were laid bare by the rebuke of Yahweh, At the blast of the breath of his nostrils.

¹⁷Wakatambanudza ruoko rwake ari kumusoro, akanditora, Akandinyukura pamvura zhinji;

¹⁷He sent from on high and he took me. He drew me out of many waters.

¹⁸Akandirwira pamuvengi wangu ane simba, Nokuna vanondivenga; nekuti vakanga vondikurira.

¹⁸He delivered me from my strong enemy, from those who hated me, for they were too mighty for me.

¹⁹Vakandivinga nezuva renjodzi yangu, Asi Jehovha wakange ari mutsigiro wangu.

¹⁹They came on me in the day of my calamity, but Yahweh was my support.

²⁰Akandibudisira kunzvimbo yakafarikana, Akandirwira, nekuti wakange achindifarira.

²⁰He also brought me out into a large place. He delivered me, because he delighted in me.

²¹Jehovha wakandiitira zvakaenzana nokururama kwangu, Akandipa mubayiro wakaenzana nokuchena kwamaoko angu.

²¹Yahweh rewarded me according to my righteousness. He rewarded me according to the cleanness of my hands.

²²Nekuti ndakachengeta nzira dzaJehovha, Handina kubva kuna Mwari wangu nokunyengera.

²²For I have kept the ways of Yahweh, and have not wickedly departed from my God.

²³Nekuti zvose zvaakatonga zvakanga zviri pamberi pangu; Kana zviri zvaakatema, handina kutsauka kwazviri.

²³For all his ordinances were before me. As for his statutes, I did not depart from them.

²⁴Ndakanga ndakarurama kwazvo pamberi pake, Ndakazvichengeta pazvakaipa zvangu.

²⁴I was also perfect toward him. I kept myself from my iniquity.

²⁵Naizvozvo Jehovha wakandiitira zvakaenzana nokururama kwangu, Zvakaenzana nokuchena kwangu pamberi pake.

²⁵Therefore Yahweh has rewarded me according to my righteousness, According to my cleanness in his eyesight.

²⁶Ane tsitsi, munomuitirawo tsitsi; Munhu, wakarurama kwazvo, munomuitirawo zvakarurama;

²⁶With the merciful you will show yourself merciful. With the perfect man you will show yourself perfect.

²⁷Wakanaka, munomuitirawo zvakanaka; Wakatsauka, munomuitira hasha.

²⁷With the pure you will show yourself pure. With the crooked you will show yourself shrewd.

²⁸Muchaponesa vanhu vanotambudzika, Asi meso enyu anoona vanozvikudza kuti muvaderedze.

²⁸You will save the afflicted people, But your eyes are on the haughty, that you may bring them down.

²⁹Nekuti muri mwenje wangu, Jehovha; Jehovha uchavhenekera rima rangu.

²⁹For you are my lamp, Yahweh. Yahweh will light up my darkness.

³⁰Nekuti nemwi ndichavamba hondo, Kana ndina Mwari wangu ndichadarika rusvingo.

³⁰For by you, I run against a troop. By my God, I leap over a wall.

³¹Kana ari Mwari, nzira yake yakarurama kwazvo; Shoko raJehovha rakaidzwa; Ndiye nhovo yavose vanotenda kwaari.

³¹As for God, his way is perfect. The word of Yahweh is tested. He is a shield to all those who take refuge in him.

³²Nekuti ndiani Mwari, asi iye Jehovha? Ndianiko dombo, asi iye Mwari wedu?

³²For who is God, besides Yahweh? Who is a rock, besides our God?

³³Mwari ndiye nhare yangu ine simba; Iye unondifambisa nenzira yakarurama.

³³God is my strong fortress. He makes my way perfect.

³⁴Unoita tsoka dzangu setsoka dzenondokadzi, Unondiisa pakakwirira.

³⁴He makes his feet like hinds’ feet, and sets me on my high places.

³⁵Unodzidzisa maoko angu kurwa; Naizvozvo maoko angu anowembura uta bwendarira.

³⁵He teaches my hands to war, so that my arms bend a bow of brass.

³⁶Makandipawo nhovo yokuponesa kwenyu, Unyoro bwenyu hwakandikurisa.

³⁶You have also given me the shield of your salvation. Your gentleness has made me great.

³⁷Makandiitira nzvimbo yakafarikana pasi pangu pandingatsika; Tsoka dzangu hadzina kutedzemuka.

³⁷You have enlarged my steps under me. My feet have not slipped.

³⁸Ndakateverera vavengi vangu, ndikavaparadza, Handina kudzokazve kusvikira vapedzwa.

³⁸I have pursued my enemies and destroyed them. I didn’t turn again until they were consumed.

³⁹Ndakavapedza, ndakavabaya, havagoni kumuka; Vakawira pasi petsoka dzangu.

³⁹I have consumed them, and struck them through, so that they can’t arise. Yes, they have fallen under my feet.

⁴⁰nekuti makandisunga chiwuno nesimba rokurwa naro; Makandikundisa vaindimukira.

⁴⁰For you have armed me with strength for the battle. You have subdued under me those who rose up against me.

⁴¹Makatizisa vavengi vangu, Kuti ndiparadze vanondivenga.

⁴¹You have also made my enemies turn their backs to me, that I might cut off those who hate me.

⁴²Vakatarira, asi kwakanga kusino muponesi, Kuna Jehovha, asi haana kuvapindura.

⁴²They looked, but there was none to save; even to Yahweh, but he didn’t answer them.

⁴³Ipapo ndakavapwanya seguruva renyika; Ndikavatswa samatope enzira dzomumusha, ndikavaparadzira kure.

⁴³Then I beat them as small as the dust of the earth. I crushed them as the mire of the streets, and spread them abroad.

⁴⁴Makandirwirawo pakukakavadzana kwavanhu vangu, Makandichengeta kuti ndive mukuru wendudzi; Vanhu vandakanga ndisingazivi, vachandishumira.

⁴⁴You also have delivered me from the strivings of my people. You have kept me to be the head of the nations. A people whom I have not known will serve me.

⁴⁵Vatorwa vachanamata kwandiri; Vachateerera pakarepo kana vachindinzwa.

⁴⁵The foreigners will submit themselves to me. As soon as they hear of me, they will obey me.

⁴⁶Vatorwa vachatorerwa simba, Vachabuda pavaivanda vachidedera.

⁴⁶The foreigners will fade away, and will come trembling out of their close places.

⁴⁷Jehovha mupenyu; dombo rangu ngarikudzwe; Mwari, dombo rokuponeswa kwangu, ngaarumbidzwe.

⁴⁷Yahweh lives! Blessed be my rock! Exalted be God, the rock of my salvation,

⁴⁸Ndiye Mwari unonditsivira, Unondikundisa vanhu.

⁴⁸even the God who executes vengeance for me, who brings down peoples under me,

⁴⁹Unondibvisa kuvavengi vangu; Zvirokwazvo, munondisimudzira kumusoro kwavanondimukira; Munondirwira pamunhu unondimanikidza.

⁴⁹who brings me away from my enemies. Yes, you lift me up above those who rise up against me. You deliver me from the violent man.

⁵⁰Naizvozvo ndichakuvongai Jehovha, pakati pendudzi, Ndichakudza zita renyu nenziyo;

⁵⁰Therefore I will give thanks to you, Yahweh, among the nations. Will sing praises to your name.

⁵¹Unopa mambo wake kuponeswa kukuru; Unoitira muzodzwa wake unyoro, Kuna Dhavhidhi navana vake nokusingaperi.

⁵¹He gives great deliverance to his king, and shows loving kindness to his anointed, to David and to his seed, forevermore.”