¹Zvino ndiwo mashoko okupedzisira aDhavhidhi, Zvanzi naDhavhidhi mwanakomana waJese, Zvanzi nomunhu wakakudzwa kwazvo, Naiye muzodzwa waMwari waJakove, Muimbi wezvakanaka waIsiraeri,

¹Now these are the last words of David. David the son of Jesse says, the man who was raised on high says, the anointed of the God of Jacob, the sweet psalmist of Israel:

²Mweya waJehovha wakataura mukati mangu, Shoko rake rakanga riri parurimi rwangu.

²“The Spirit of Yahweh spoke by me. His word was on my tongue.

³Mwari waIsiraeri wakataura, dombo raIsiraeri rakataura neni, rikati, Mumwe uchavapo, uchabata vanhu zvakarurama, Uchabata ushe achitya Mwari;

³The God of Israel said, the Rock of Israel spoke to me, ‘One who rules over men righteously, who rules in the fear of God,

⁴Uchava sechiedza chamangwanani, kana zuva robuda, Samangwanani kana kusina makore. Kana bumhudza richibuda pavhu Kana mushana wobuda mvura yapera kunaya.

⁴shall be as the light of the morning, when the sun rises, a morning without clouds, when the tender grass springs out of the earth, through clear shining after rain.’

⁵Ko imba yangu haizakadaro kuna Mwari here? nekuti wakaita neni sungano isingaperi, Yakanatswa pazvinhu zvose, yakasimba; nekuti ndiko kuponeswa kwangu kose, nokuda kwangu kose, Ko haangazvikurisi here?

⁵Most certainly my house is not so with God, yet he has made with me an everlasting covenant, ordered in all things, and sure, for it is all my salvation, and all my desire, although he doesn’t make it grow.

⁶Asi vose vasingadi Mwari vachafanana nemhinzwa inorashwa. Nekuti haigoni kubatwa namaoko;

⁶But all of the ungodly shall be as thorns to be thrust away, because they can’t be taken with the hand,

⁷Asi munhu anoibata Anofanira kutora rutare norwiriko rwepfumo; Ipiswe kwazvo panzvimbo yayo nomoto.

⁷But the man who touches them must be armed with iron and the staff of a spear. They shall be utterly burned with fire in their place.”

⁸Ndiwo mazita emhare dzaDhavhidhi: Joshebhibhashebheti muTakemoni, mukuru wavatongi; iye wakange ari Adhino muEzini, wakauraya vanhu vana mazana masere nenguva imwe.

⁸These are the names of the mighty men whom David had: Josheb Basshebeth a Tahchemonite, chief of the captains; the same was Adino the Eznite, against eight hundred slain at one time.

⁹Wakamutevera wakange ari Ereazari mwanakomana waDhodhai, mwanakomana womuAhohi, mumwe wemhare nhatu dzakanga dzinaDhavhidhi, musi wavakavamba vaFirisitia vakanga vaungana kuzorwa, varume vaIsiraeri vabva;

⁹After him was Eleazar the son of Dodai the son of an Ahohite, one of the three mighty men with David, when they defied the Philistines who were there gathered together to battle, and the men of Israel were gone away.

¹⁰iye akasimuka, akabaya vaFirisitia kusvikira ruoko rwake rwaneta, ruoko rwake rukawomerera pamunondo wake; Jehovha akavakundisa kwazvo nomusi iwoyo, vanhu vakadzoka vachimutevera, kuzopamba koga.

¹⁰He arose, and struck the Philistines until his hand was weary, and his hand froze to the sword; and Yahweh worked a great victory that day; and the people returned after him only to take spoil.

¹¹Wakamutevera wakange ari Shama mwanakomana waAgee, muHarari. VaFirisitia vakanga vaungana paRehi, pakanga pane bindu renyemba; vanhu vakatiza vaFirisitia.

¹¹After him was Shammah the son of Agee a Hararite. The Philistines were gathered together into a troop, where there was a plot of ground full of lentils; and the people fled from the Philistines.

¹²Asi iye wakamira pakati pebindu, akarirwira, akauraya vaFirisitia; Jehovha akavakundisa kwazvo.

¹²But he stood in the midst of the plot, and defended it, and killed the Philistines; and Yahweh worked a great victory.

¹³Zvino vatatu vavakuru vana makumi matatu vakaburuka, vakasvika kuna Dhavhidhi kubako reAdhuramu, nenguva yokukohwa; boka ravaFirisitia; rakanga radzika matende pamupata weRefaimu.

¹³Three of the thirty chief men went down, and came to David in the harvest time to the cave of Adullam; and the troop of the Philistines was encamped in the valley of Rephaim.

¹⁴Zvino nenguva iyo Dhavhidhi wakange ari munhare, uye varwi vavaFirisitia vaiva paBheterehemu nenguva iyo.

¹⁴David was then in the stronghold; and the garrison of the Philistines was then in Bethlehem.

¹⁵Dhavhidhi akapanga, akati, Haiwa! Dai mumwe achindipa mvura yetsime reBheterehemu, riri pasuwo, ndimwe!

¹⁵David longed, and said, “Oh that one would give me water to drink of the well of Bethlehem, which is by the gate!”

¹⁶Ipapo mhare idzo nhatu dzakapasanura napakati pehondo yavaFirisitia, vakandoteka mvura patsime reBheterehemu, riri pasuwo, vakaitora vakauya nayo kuna Dhavhidhi; asi iye wakaramba kuimwa, akaidururira kuna Jehovha.

¹⁶The three mighty men broke through the army of the Philistines, and drew water out of the well of Bethlehem, that was by the gate, and took it, and brought it to David: but he would not drink of it, but poured it out to Yahweh.

¹⁷Akati, Ngazvisadaro, Jehovha, handingaiti chinhu ichi! Ndingamwa ropa ravarume ava vakaenda vasingarangariri upenyu hwavo here? Naizvozvo akaramba kuimwa. Ndizvo zvakaitwa nemhare idzo.

¹⁷He said, “Be it far from me, Yahweh, that I should do this! Isn’t it the blood of the men who went in jeopardy of their lives?” Therefore he would not drink it. The three mighty men did these things.

¹⁸Abhishai munin'ina waJoabhu, mwanakomana waZeruya, wakange ari mukuru wavatatu avo. Ndiye wakasimudza pfumo rake akarwa navanhu vana mazana matatu, akavauraya, akava nomukurumbira pakati pavatatu avo.

¹⁸Abishai, the brother of Joab, the son of Zeruiah, was chief of the three. He lifted up his spear against three hundred and killed them, and had a name among the three.

¹⁹Iye wakarumbidzwa zvikuru pakati pavatatu avo; naizvozvo akaitwa mukuru wavo, asi haana kuenzana navatatu vokutanga.

¹⁹Wasn’t he most honorable of the three? therefore he was made their captain: however he didn’t attain to the three.

²⁰Bhenaya mwanakomana waJehoyadha, mwanakomana wemhare yeKabhizeeri, wakange aita mabasa makuru, iye wakauraya vanakomana vaviri vaArieri waMoabhu, akandourayawo shumba mukati mehuzha panguva yechando;

²⁰Benaiah the son of Jehoiada, the son of a valiant man of Kabzeel, who had done mighty deeds, he killed the two sons of Ariel of Moab: he went down also and killed a lion in the midst of a pit in time of snow.

²¹akaurayawo muEgipita, murume wakange akanaka, muEgipita uyu wakange akabata pfumo muruoko rwake, asi iye wakaburukira kwaari akabata tsvimbo, akabvuta pfumo muruoko rwomuEgipita, akamuuraya nepfumo rake iro.

²¹He killed an Egyptian, a goodly man: and the Egyptian had a spear in his hand; but he went down to him with a staff, and plucked the spear out of the Egyptian’s hand, and killed him with his own spear.

²²Zvinhu izvi zvakaitwa naBhenaya mwanakomana waJehoyadha, wakange akakurumbira pakati pemhare idzo nhatu.

²²Benaiah the son of Jehoiada did these things, and had a name among the three mighty men.

²³Iye wakange achirumbidzwa kupfuura vana makumi matatu, asi haana kuenzana navatatu vokutanga. Dhavhidhi akamuita mutariri wavarindi vake.

²³He was more honorable than the thirty, but he didn’t attain to the three. David set him over his guard.

²⁴Ashaheri munin'ina waJoabhu wakange ari mumwe wavana makumi matatu, naErihanani mwanakomana waDhodho weBheterehemu;

²⁴Asahel the brother of Joab was one of the thirty; Elhanan the son of Dodo of Bethlehem,

²⁵naShama muHarodhi, naErika muHarodhi;

²⁵Shammah the Harodite, Elika the Harodite,

²⁶naHerezi muPariti, naIra mwanakomana waIkeshe muTekoi;

²⁶Helez the Paltite, Ira the son of Ikkesh the Tekoite,

²⁷naAbhiezeri muAnatoti, naMebhunai muHushati;

²⁷Abiezer the Anathothite, Mebunnai the Hushathite,

²⁸naZarimoni muAhohi, naMaharai muNetofati;

²⁸Zalmon the Ahohite, Maharai the Netophathite,

²⁹naHerebhu, mwanakomana waBhaana muNetofati, naItai mwanakomana waRibhai weGibhiya wavana vaBhenjamini;

²⁹Heleb the son of Baanah the Netophathite, Ittai the son of Ribai of Gibeah of the children of Benjamin,

³⁰naBhenaya muPiratoni, naHidai wehova dzeGaashi;

³⁰Benaiah a Pirathonite, Hiddai of the brooks of Gaash.

³¹naAbhiaribhoni muAribhati, naAzimavheti muBharihumi;

³¹Abialbon the Arbathite, Azmaveth the Barhumite,

³²naEriabha muShaaribhoni, naJonatani kuvana vaJasheni;

³²Eliahba the Shaalbonite, the sons of Jashen, Jonathan,

³³naShama muHarari, naAhiami mwanakomana waSharari muArari;

³³Shammah the Hararite, Ahiam the son of Sharar the Ararite,

³⁴naErifereti mwanakomana waAhashabhai, mwanakomana womuMaakati, naEriami mwanakomana waAhitoferi muGironi;

³⁴Eliphelet the son of Ahasbai, the son of the Maacathite, Eliam the son of Ahithophel the Gilonite,

³⁵naHezero muKarimeri, naParai muAribhi;

³⁵Hezro the Carmelite, Paarai the Arbite,

³⁶naIgari mwanakomana waNatani weZobha, naBhani muGadhi;

³⁶Igal the son of Nathan of Zobah, Bani the Gadite,

³⁷naZereki muAmoni, naNaharai muBheeroti, vaibata nhumbi dzokurwa nadzo dzaJoabhu mwanakomana waZeruya;

³⁷Zelek the Ammonite, Naharai the Beerothite, armor bearers to Joab the son of Zeruiah,

³⁸naIra muItiri, naGarebhi muItiri;

³⁸Ira the Ithrite, Gareb the Ithrite,

³⁹naUriya muHiti, vose makumi matatu navanomwe.

³⁹Uriah the Hittite: thirty-seven in all.