¹Wakakumutsai, imwiwo makanga makafa mukudarika nemuzvivi,

¹You were made alive when you were dead in transgressions and sins,

²izvo zvamaifamba mazviri kare nemutowo wenyika ino, nenzira dzemutungamiriri wesimba redenga, dzemweya unobata zvino muvana vekusateerera;

²in which you once walked according to the course of this world, according to the prince of the power of the air, the spirit who now works in the children of disobedience;

³vataifamba tose pakati pavo kare mukuchiva kwenyama yedu, tichiita kuda kwenyama nekwefungwa, nepachisikigo chedu isu taiva vana vekutsamwirwa sevamwewo.

³among whom we also all once lived in the lust of our flesh, doing the desires of the flesh and of the mind, and were by nature children of wrath, even as the rest.

⁴Asi Mwari wakafuma panyasha, nekuda kwerudo rwake rukuru rwaakatida narwo,

⁴But God, being rich in mercy, for his great love with which he loved us,

⁵kunyange takange takafa mukudarika, wakatimutsa pamwe naKristu (makaponeswa nenyasha);

⁵even when we were dead through our trespasses, made us alive together with Christ (by grace you have been saved),

⁶akatimutsa pamwe naye, akatigarisa pamwe naye kunzvimbo dzekumatenga, muna Kristu Jesu;

⁶and raised us up with him, and made us to sit with him in the heavenly places in Christ Jesus,

⁷kuti nenguva dzinovuya aratidze fuma hurusa yenyasha dzake muunyoro kwatiri muna Kristu Jesu;

⁷that in the ages to come he might show the exceeding riches of his grace in kindness toward us in Christ Jesus;

⁸Nekuti nenyasha makaponeswa nerutendo, uye izvi hazvibvi kwamuri, asi chipo chaMwari;

⁸for by grace you have been saved through faith, and that not of yourselves; it is the gift of God,

⁹hazvibvi pamabasa, kuti kusava neunozvikudza.

⁹not of works, that no one would boast.

¹⁰Nekuti tiri basa rake, takasikirwa mabasa akanaka muna Kristu Jesu, akagara agadzirwa naMwari kuti tifambe maari.

¹⁰For we are his workmanship, created in Christ Jesus for good works, which God prepared before that we would walk in them.

¹¹Naizvozvo rangarirai kuti imwi panguva dzakapfuura, maiva vahedheni munyama, vanonzi kusadzingiswa naivo vanonzi vekudzingiswa munyama kunoitwa nemaoko;

¹¹Therefore remember that once you, the Gentiles in the flesh, who are called “uncircumcision” by that which is called “circumcision,” (in the flesh, made by hands);

¹²kuti panguva iyo makange musina Kristu, muri vatorwa paubwo hwevaIsraeri, nevatorwa pasungano dzechivimbiso, musina tariro, uye musina Mwari panyika.

¹²that you were at that time separate from Christ, alienated from the commonwealth of Israel, and strangers from the covenants of the promise, having no hope and without God in the world.

¹³Asi zvino muna Kristu Jesu, imwi maimbova kure, munoswededzwa neropa raKristu.

¹³But now in Christ Jesus you who once were far off are made near in the blood of Christ.

¹⁴Nekuti ndiye rugare rwedu, iye wakaita zviviri zvive chimwe, akaputsa mudhuri wapakati wokuparadzanisa;

¹⁴For he is our peace, who made both one, and broke down the middle wall of partition,

¹⁵aparadza munyama yake ruvengo, iwo mutemo wemirairo pazviga; kuti asike maari pavaviri munhu umwe mutsva, aite rugare,

¹⁵having abolished in the flesh the hostility, the law of commandments contained in ordinances, that he might create in himself one new man of the two, making peace;

¹⁶uye kuti ayananise vaviri kuna Mwari, mumuviri umwe nemuchinjikwa, auraya ruvengo nawo;

¹⁶and might reconcile them both in one body to God through the cross, having killed the hostility thereby.

¹⁷uye wakasvika akaparidza rugare kwamuri, imwi maiva kure, nekune avo vaiva pedo;

¹⁷He came and preached peace to you who were far off and to those who were near.

¹⁸nekuti kubudikidza naye isu tose tine mapindiro neMweya mumwe kuna Baba.

¹⁸For through him we both have our access in one Spirit to the Father.

¹⁹Naizvozvo, zvino hamusisiri vaeni nevatorwa, asi vebwo pamwe nevatsvene neveimba yaMwari.

¹⁹So then you are no longer strangers and foreigners, but you are fellow citizens with the saints, and of the household of God,

²⁰Makavakwa pamusoro penheyo dzevaapositori nevaporofita, Jesu Kristu amene ari mbiru yepakona.

²⁰being built on the foundation of the apostles and prophets, Christ Jesus himself being the chief cornerstone;

²¹Maari imba yose yakabatanidzwa, ikure ive tembere tsvene muna Ishe.

²¹in whom the whole building, fitted together, grows into a holy temple in the Lord;

²²Maari nemwiwo makavakwa pamwe, kuti muve ugaro hwaMwari kubudikidza neMweya.

²²in whom you also are built together for a habitation of God in the Spirit.