¹Moyo wenyu ngaurege kutambudzika; imwi munotenda kuna Mwari, tendaiwo kwandiri.

¹ “Don’t let your heart be troubled. Believe in God. Believe also in me.

²Mumusha maBaba vangu mune dzimba zhinji; dai zvisina kudaro, ndingadai ndakakuudzai. Ndinoenda kunokugadzirirai nzvimbo.

² In my Father’s house are many homes. If it weren’t so, I would have told you. I am going to prepare a place for you.

³Zvino kana ndikaenda ndikanokugadzirirai nzvimbo, ndichauyazve ndikugamuchirei kwandiri; kuti apo ini pandiri, imwi muvepowo.

³ If I go and prepare a place for you, I will come again, and will receive you to myself; that where I am, you may be there also.

⁴Uye ini pandinoenda munoziva, nenzira munoziva.

⁴ Where I go, you know, and you know the way.”

⁵Tomasi akati kwaari: Ishe, hatizivi kwamunoenda; ko tinogona kuziva sei nzira?

⁵Thomas said to him, “Lord, we don’t know where you are going. How can we know the way?”

⁶Jesu akati kwaari: Ini ndiri nzira, nechokwadi, neupenyu; hapana unouya kuna Baba, asi nekwandiri.

⁶Jesus said to him, “I am the way, the truth, and the life. No one comes to the Father, except through me.

⁷Dai maindiziva, maiziva Baba vanguwo; uye kubva ikozvino munovaziva, uye makavaona.

⁷ If you had known me, you would have known my Father also. From now on, you know him, and have seen him.”

⁸Firipi akati kwaari: Ishe, tiratidzei Baba, uye zvakatikwanira.

⁸Philip said to him, “Lord, show us the Father, and that will be enough for us.”

⁹Jesu akati kwaari: Ndava nemwi nguva refu yakadai, hausati wandiziva here, Firipi? Waona ini, waona Baba; zvino unoreva sei uchiti: Tiratidzei Baba?

⁹Jesus said to him, “Have I been with you such a long time, and do you not know me, Philip? He who has seen me has seen the Father. How do you say, ‘Show us the Father?’

¹⁰Hautendi here kuti ini ndiri muna Baba, naBaba vari mandiri? Mashoko andinotaura kwamuri ini, handiatauri pachangu; asi Baba, vanogara mandiri, ndivo vanoita mabasa.

¹⁰ Don’t you believe that I am in the Father, and the Father in me? The words that I tell you, I speak not from myself; but the Father who lives in me does his works.

¹¹Nditendei kuti ndiri muna Baba, naBaba vari mandiri; kana zvisakadaro nditendei nekuda kwemabasa omene.

¹¹ Believe me that I am in the Father, and the Father in me; or else believe me for the very works’ sake.

¹²Zvirokwazvo, zvirokwazvo, ndinoti kwamuri: Unotenda kwandiri, mabasa ini andinoita iye uchaaitawo, uye makuru kune awa uchaaita; nekuti ini ndinoenda kuna Baba vangu.

¹² Most certainly I tell you, he who believes in me, the works that I do, he will do also; and he will do greater works than these, because I am going to my Father.

¹³Uye chero chipi chamunokumbira muzita rangu, icho ndichachiita, kuti Baba varumbidzwe muMwanakomana.

¹³ Whatever you will ask in my name, that will I do, that the Father may be glorified in the Son.

¹⁴Kana muchikumbira chero chipi muzita rangu, ini ndichachiita.

¹⁴ If you will ask anything in my name, I will do it.

¹⁵Kana muchindida, chengetai mirairo yangu.

¹⁵ If you love me, keep my commandments.

¹⁶Neni ndichakumbira Baba, naivo vachakupai umwe Munyaradzi, kuti agare nemwi nekusingaperi,

¹⁶ I will pray to the Father, and he will give you another Counselor, Greek Parakleton: Counselor, Helper, Intercessor, Advocate, and Comforter. that he may be with you forever,—

¹⁷Mweya wechokwadi, iyo nyika yausingagoni kugamuchira, nekuti haimuoni, kana kumuziva. Asi imwi munomuziva, nekuti ugere nemwi, uchava mukati menyu.

¹⁷ the Spirit of truth, whom the world can’t receive; for it doesn’t see him, neither knows him. You know him, for he lives with you, and will be in you.

¹⁸Handingakusii muri nherera; ndichauya kwamuri.

¹⁸ I will not leave you orphans. I will come to you.

¹⁹Kuchine chinguvana, nenyika haichazondioni; asi imwi muchandiona; nekuti ndinorarama, imwiwo muchararama.

¹⁹ Yet a little while, and the world will see me no more; but you will see me. Because I live, you will live also.

²⁰Nezuva iro imwi muchaziva kuti ndiri muna Baba vangu, nemwi mandiri, neni mamuri.

²⁰ In that day you will know that I am in my Father, and you in me, and I in you.

²¹Une mirairo yangu achiichengeta, ndiye unondida; uye unondida uchadikamwa naBaba vangu; neni ndichamuda, uye ndichazviratidza kwaari.

²¹ One who has my commandments, and keeps them, that person is one who loves me. One who loves me will be loved by my Father, and I will love him, and will reveal myself to him.”

²²Judhasi, kwete Isikariyoti, akati kwaari: Ishe, chii kuti munozozviratidza kwatiri, asi kwete kunyika?

²²Judas (not Iscariot) said to him, “Lord, what has happened that you are about to reveal yourself to us, and not to the world?”

²³Jesu akapindura akati kwaari: Kana munhu achindida, uchachengeta shoko rangu, naBaba vangu vachamuda, uye tichauya kwaari, tikaita ugaro naye.

²³Jesus answered him, “If a man loves me, he will keep my word. My Father will love him, and we will come to him, and make our home with him.

²⁴Usingandidi, haachengeti mashoko angu; neshoko ramunonzwa harizi rangu, asi raBaba vakandituma.

²⁴ He who doesn’t love me doesn’t keep my words. The word which you hear isn’t mine, but the Father’s who sent me.

²⁵Zvinhu izvozvi ndazvitaura kwamuri ndigere nemwi.

²⁵ I have said these things to you, while still living with you.

²⁶Asi Munyaradzi, Mweya Mutsvene, iwo Baba wavachatuma muzita rangu, iye uchakudzidzisai zvinhu zvose, uye akuyeudzirei zvose zvandakataura kwamuri.

²⁶ But the Counselor, the Holy Spirit, whom the Father will send in my name, he will teach you all things, and will remind you of all that I said to you.

²⁷Rugare ndinosiya kwamuri; rugare rwangu ndinopa kwamuri; kwete nyika sezvainopa, ini ndinopa kwamuri. Moyo yenyu ngairege kutambudzika, kana kutya.

²⁷ Peace I leave with you. My peace I give to you; not as the world gives, give I to you. Don’t let your heart be troubled, neither let it be fearful.

²⁸Manzwa kuti ini ndati kwamuri: Ndinoenda, uye ndichauya kwamuri. Kana maindida, maifara, nekuti ndati: Ndinoenda kuna Baba; nekuti Baba vangu vakuru kwandiri.

²⁸ You heard how I told you, ‘I go away, and I come to you.’ If you loved me, you would have rejoiced, because I said ‘I am going to my Father;’ for the Father is greater than I.

²⁹Uye ikozvino ndakuudzai zvisati zvaitika; kuti kana zvoitika mutende.

²⁹ Now I have told you before it happens so that, when it happens, you may believe.

³⁰Handichazotaurizve zvizhinji nemwi; nekuti mutongi wenyika ino unouya, asi haana chinhu kwandiri;

³⁰ I will no more speak much with you, for the prince of the world comes, and he has nothing in me.

³¹asi kuti nyika izive kuti ndinoda Baba, uye Baba sezvavakandiraira, ndinoita saizvozvo. Simukai, ngatibve pano.

³¹ But that the world may know that I love the Father, and as the Father commanded me, even so I do. Arise, let us go from here.