¹Ini ndiri muzambiringa wechokwadi, uye Baba vangu murimi.

¹ “I am the true vine, and my Father is the farmer.

²Davi rimwe nerimwe riri mandiri risingabereki chibereko, vanoribvisa; uye rimwe nerimwe rinobereka chibereko, vanorichekerera, kuti riwedzere kubereka chibereko.

² Every branch in me that doesn’t bear fruit, he takes away. Every branch that bears fruit, he prunes, that it may bear more fruit.

³Imwi matochena neshoko randataura kwamuri.

³ You are already pruned clean because of the word which I have spoken to you.

⁴Garai mandiri, neni mamuri. Sedavi risingagoni kubereka zvibereko pacharo, kana risingagari mumuzambiringa, saizvozvo nemwi kwete, kana musingagari mandiri.

⁴ Remain in me, and I in you. As the branch can’t bear fruit by itself, unless it remains in the vine, so neither can you, unless you remain in me.

⁵Ini ndiri muzambiringa, imwi matavi. Unogara mandiri, neni maari, ndiye unobereka chibereko chakawanda; nekuti kunze kwangu hamugoni kuita chinhu.

⁵ I am the vine. You are the branches. He who remains in me, and I in him, the same bears much fruit, for apart from me you can do nothing.

⁶Kana munhu asingagari mandiri, unorashwa kunze sedavi, ndokusvava, vanoaunganidza, ndokukandira mumoto, apiswe.

⁶ If a man doesn’t remain in me, he is thrown out as a branch, and is withered; and they gather them, throw them into the fire, and they are burned.

⁷Kana muchigara mandiri, nemashoko angu achigara mamuri, muchakumbira chero zvamunoda, uye muchazviitirwa.

⁷ If you remain in me, and my words remain in you, you will ask whatever you desire, and it will be done for you.

⁸Baba vangu vanokudzwa neizvi, kuti mubereke chibereko chakawanda; uye muchava vadzidzi vangu.

⁸ “In this is my Father glorified, that you bear much fruit; and so you will be my disciples.

⁹Baba sezvavakandida, iniwo ndakakudai; garai murudo rwangu.

⁹ Even as the Father has loved me, I also have loved you. Remain in my love.

¹⁰Kana muchichengeta mirairo yangu, muchagara murudo rwangu, seni ndakachengeta mirairo yaBaba vangu, ndinogara murudo rwavo.

¹⁰ If you keep my commandments, you will remain in my love; even as I have kept my Father’s commandments, and remain in his love.

¹¹Zvinhu izvi ndazvitaura kwamuri, kuti mufaro wangu ugare mamuri, uye mufaro wenyu uzare.

¹¹ I have spoken these things to you, that my joy may remain in you, and that your joy may be made full.

¹²Uyu ndiwo murairo wangu, kuti mudanane, sezvandakakudai.

¹² “This is my commandment, that you love one another, even as I have loved you.

¹³Hakuna une rudo rukuru kune urwu, kuti munhu anoradzikira pasi shamwari dzake upenyu hwake.

¹³ Greater love has no one than this, that someone lay down his life for his friends.

¹⁴Imwi muri shamwari dzangu, kana muchiita chipi nechipi ini chandinokurairai.

¹⁴ You are my friends, if you do whatever I command you.

¹⁵Handichakuidziizve varanda, nekuti muranda haazivi ishe wake chaanoita; asi ndakuidzai shamwari; nekuti zvose zvandakanzwa naBaba vangu, ndakakuzivisai.

¹⁵ No longer do I call you servants, for the servant doesn’t know what his lord does. But I have called you friends, for everything that I heard from my Father, I have made known to you.

¹⁶Imwi hamuna kundisarudza, asi ini ndakakusarudzai, ndikakugadzai, kuti imwi muende mubereke chibereko, uye chibereko chenyu chigare; kuti chipi nechipi chamunokumbira kuna Baba muzita rangu, vakupei.

¹⁶ You didn’t choose me, but I chose you, and appointed you, that you should go and bear fruit, and that your fruit should remain; that whatever you will ask of the Father in my name, he may give it to you.

¹⁷Izvi zvinhu ndinokurairai, kuti mudanane.

¹⁷ “I command these things to you, that you may love one another.

¹⁸Kana nyika ichikuvengai, muzive kuti yavenga ini isati yakuvengai imwi.

¹⁸ If the world hates you, you know that it has hated me before it hated you.

¹⁹Dai maiva venyika, nyika yaida zvayo pachayo; asi nekuti hamusi venyika, asi ini ndakakusarudzai kubva panyika, naizvozvo nyika inokuvengai.

¹⁹ If you were of the world, the world would love its own. But because you are not of the world, since I chose you out of the world, therefore the world hates you.

²⁰Rangarirai shoko ini randakareva kwamuri: Muranda haasi mukuru kuna ishe wake. Kana vakashusha ini, vachashusha imwiwo; kana vakachengeta shoko rangu vachachengeta renyuwo.

²⁰ Remember the word that I said to you: ‘A servant is not greater than his lord.’ John 13:16 If they persecuted me, they will also persecute you. If they kept my word, they will keep yours also.

²¹Asi izvi zvose vachakuitirai nekuda kwezita rangu, nekuti havamuzivi wakandituma.

²¹ But all these things will they do to you for my name’s sake, because they don’t know him who sent me.

²²Dai ndisina kuuya ndikataura kwavari, vangadai vasina chivi; asi ikozvino havana manzvengero pachivi chavo.

²² If I had not come and spoken to them, they would not have had sin; but now they have no excuse for their sin.

²³Unondivenga, unovenga Baba vanguwo.

²³ He who hates me, hates my Father also.

²⁴Dai ndisina kuita pakati pavo mabasa asina umwe wakaaita, vangadai vasina chivi; asi ikozvino vakaona ndokuvenga zvose ini naBaba vangu.

²⁴ If I hadn’t done among them the works which no one else did, they wouldn’t have had sin. But now have they seen and also hated both me and my Father.

²⁵Asi kuti shoko rizadziswe rakanyorwa pamurairo wavo, rinoti: Vakandivenga pasina chikonzero.

²⁵ But this happened so that the word may be fulfilled which was written in their law, ‘They hated me without a cause.’ Psalms 35:19; 69:4

²⁶Asi kana Munyaradzi auya, ini wandichatumira kwamuri kubva kuna Baba, Mweya wechokwadi, unobuda kuna Baba, uyu uchapupura nezvangu.

²⁶ “When the Counselor Greek Parakletos: Counselor, Helper, Advocate, Intercessor, and Comforter. has come, whom I will send to you from the Father, the Spirit of truth, who proceeds from the Father, he will testify about me.

²⁷Nemwiwo muchapupura, nekuti maiva neni kubva pakutanga.

²⁷ You will also testify, because you have been with me from the beginning.