¹Wakati aburuka mugomo, zvaunga zvikuru zvakamutevera.

¹When he came down from the mountain, great multitudes followed him.

²Zvino tarira, kwakauya une maperembudzi, akamufugamira achiti: Ishe, kana muchida, munogona kundinatsa.

²Behold, a leper came to him and worshiped him, saying, “Lord, if you want to, you can make me clean.”

³Jesu akatandavadza ruoko, akamubata, achiti: Ndinoda, chinatswa. Pakarepo maperembudzi ake akanatswa.

³Jesus stretched out his hand, and touched him, saying, “I want to. Be made clean.” Immediately his leprosy was cleansed.

⁴Zvino Jesu akati kwaari: Ona kuti usaudza munhu, asi enda unozviratidza kumupristi, ubayire chipo Mozisi chaakaraira, chive uchapupu kwavari.

⁴Jesus said to him, “See that you tell nobody, but go, show yourself to the priest, and offer the gift that Moses commanded, as a testimony to them.”

⁵Zvino Jesu wakati apinda muKapenaume, kwakauya kwaari mukuru wezana, achimukumbirisa,

⁵When he came into Capernaum, a centurion came to him, asking him,

⁶achiti: Ishe, muranda wangu uvete kumba, wakafa mutezo, anotambudzika kwazvo.

⁶and saying, “Lord, my servant lies in the house paralyzed, grievously tormented.”

⁷Zvino Jesu akati kwaari: Ndichauya kuzomuporesa.

⁷Jesus said to him, “I will come and heal him.”

⁸Mukuru wezana akapindura akati: Ishe, handina kufanira kuti mupinde pasi pedenga remba yangu; asi taurai shoko chete, zvino muranda wangu uchaporeswa.

⁸The centurion answered, “Lord, I’m not worthy for you to come under my roof. Just say the word, and my servant will be healed.

⁹Nekuti neniwo ndiri munhu uri pasi pesimba, ndine mauto pasi pangu; zvino ndinoti kune uyu: Enda, anoenda; nekune umwe: Uya, anouya; nekumuranda wangu: Ita ichi, anoita.

⁹For I am also a man under authority, having under myself soldiers. I tell this one, ‘Go,’ and he goes; and tell another, ‘Come,’ and he comes; and tell my servant, ‘Do this,’ and he does it.”

¹⁰Jesu wakati achizvinzwa akashamisika, akati kune vaimutevera: Zvirokwazvo ndinoti kwamuri: Handina kuwana rutendo rukuru rwakadai kunyange pakati paIsraeri.

¹⁰When Jesus heard it, he marveled, and said to those who followed, “Most certainly I tell you, I haven’t found so great a faith, not even in Israel.

¹¹Zvino ndinoti kwamuri: Vazhinji vachauya vachibva kumabvazuva nemavirira, vachagara pakudya naAbhurahamu naIsaka naJakobho, muushe hwekumatenga;

¹¹ I tell you that many will come from the east and the west, and will sit down with Abraham, Isaac, and Jacob in the Kingdom of Heaven,

¹²asi vana veushe vachakandirwa kunze kurima rekunze; ikoko kuchava nekuchema nekugeda-geda kwemeno.

¹² but the children of the Kingdom will be thrown out into the outer darkness. There will be weeping and gnashing of teeth.”

¹³Zvino Jesu akati kumukuru wezana: Enda, zviitirwe kwauri sezvawakatenda. Muranda wake akapora nenguva iyoyo.

¹³Jesus said to the centurion, “Go your way. Let it be done for you as you have believed.” His servant was healed in that hour.

¹⁴Jesu wakati apinda mumba maPetro, akaona mbuyawasha vake vakaradzikwa vane fivhiri.

¹⁴When Jesus came into Peter’s house, he saw his wife’s mother lying sick with a fever.

¹⁵Akabata ruoko rwavo, fivhiri ikabva kwavari; vakasimuka vakavashandira.

¹⁵He touched her hand, and the fever left her. She got up and served him. TR reads “them” instead of “him”

¹⁶Zvino ava madekwana vakauyisa kwaari vazhinji vaiva vakabatwa nemadhimoni; akabudisa mweya neshoko, akaporesa vose vairwara;

¹⁶When evening came, they brought to him many possessed with demons. He cast out the spirits with a word, and healed all who were sick;

¹⁷kuti zvizadziswe zvakataurwa naIsaya muporofita achiti: Iye wakatora utera hwedu, akatakura matenda edu.

¹⁷that it might be fulfilled which was spoken through Isaiah the prophet, saying: “He took our infirmities, and bore our diseases.” Isaiah 53:4

¹⁸Jesu wakati achiona zvaunga zvikuru zvakamukomba, akaraira kuti vabve vaende mhiri.

¹⁸Now when Jesus saw great multitudes around him, he gave the order to depart to the other side.

¹⁹Umwe munyori ndokuswedera akati kwaari: Mudzidzisi, ndichakuteverai kose kwamunoenda.

¹⁹A scribe came, and said to him, “Teacher, I will follow you wherever you go.”

²⁰Zvino Jesu akati kwaari: Makava ane mwena, neshiri dzedenga matendere; asi Mwanakomana wemunhu haana paangatsamhidza musoro.

²⁰Jesus said to him, “The foxes have holes, and the birds of the sky have nests, but the Son of Man has nowhere to lay his head.”

²¹Umwe wevadzidzi vake akati kwaari: Ishe, ndiregei nditange ndaenda ndinoviga baba vangu.

²¹Another of his disciples said to him, “Lord, allow me first to go and bury my father.”

²²Asi Jesu wakati kwaari: Nditevere, urege vakafa vavige vakafa vavo.

²²But Jesus said to him, “Follow me, and leave the dead to bury their own dead.”

²³Zvino wakati apinda muchikepe, vadzidzi vake vakamutevera.

²³When he got into a boat, his disciples followed him.

²⁴Zvino tarira, dutu guru remhepo rakamuka mugungwa, zvekuti igwa rakange rofukidzwa nemafungu; asi iye wakange avete.

²⁴Behold, a violent storm came up on the sea, so much that the boat was covered with the waves, but he was asleep.

²⁵Zvino vadzidzi vake vakaswedera vakamumutsa vachiti: Ishe, tiponesei, toparara!

²⁵They came to him, and woke him up, saying, “Save us, Lord! We are dying!”

²⁶Zvino akati kwavari: Munotyirei, imwi verutendo rushoma? Ndokusimuka, akatsiura mitutu negungwa; kudzikama kukuru kukavapo.

²⁶He said to them, “Why are you fearful, O you of little faith?” Then he got up, rebuked the wind and the sea, and there was a great calm.

²⁷Asi vanhu vakashamisika vachiti: Uyu munhu rudzii unoti kunyange mitutu negungwa zvinomuteerera?

²⁷The men marveled, saying, “What kind of man is this, that even the wind and the sea obey him?”

²⁸Wakati asvika kune rimwe divi kunyika yevaGerigesi, vakamuchingamidza vaviri vaiva nemadhimoni, vachibuda kumarinda, vane hasha kwazvo-kwazvo, zvekuti kwakange kusina munhu waigona kupfuura nenzira iyo.

²⁸When he came to the other side, into the country of the Gergesenes, NU reads “Gadarenes” two people possessed by demons met him there, coming out of the tombs, exceedingly fierce, so that nobody could pass that way.

²⁹Zvino tarira, vakadanidzira vachiti: Tinei nemwi, Jesu, Mwanakomana waMwari? Mauya pano kuzotirwadzisa nguva isati yasvika here?

²⁹Behold, they cried out, saying, “What do we have to do with you, Jesus, Son of God? Have you come here to torment us before the time?”

³⁰Zvino kure navo kwakange kune boka renguruve zhinji richifudzwa.

³⁰Now there was a herd of many pigs feeding far away from them.

³¹Madhimoni akamukumbirisa achiti: Kana muchitibudisa, titenderei kuti tiende tinopinda muboka renguruve.

³¹The demons begged him, saying, “If you cast us out, permit us to go away into the herd of pigs.”

³²Zvino akati kwaari: Endai. Zvino akati abuda, akapinda muboka renguruve; zvino tarira, boka rose renguruve rakamhanyira kwazvo kumateru kugungwa, dzikafira mumvura.

³²He said to them, “Go!” They came out, and went into the herd of pigs: and behold, the whole herd of pigs rushed down the cliff into the sea, and died in the water.

³³Zvino vaidzifudza vakatiza, vakaenda kuguta, vakapira zvose zvevakange vane madhimoni.

³³Those who fed them fled, and went away into the city, and told everything, including what happened to those who were possessed with demons.

³⁴Zvino tarira, guta rose rakabuda kunochingamidza Jesu; zvino vakati vamuona, vakagombetedza kuti abve pamiganhu yavo.

³⁴Behold, all the city came out to meet Jesus. When they saw him, they begged that he would depart from their borders.