¹Akabva apinda mugwa, akayambuka ndokusvika muguta rake pachake.

¹He entered into a boat, and crossed over, and came into his own city.

²Zvino tarira, vakauyisa kwaari wakange akafa mitezo, avete pauchanja; zvino Jesu achiona rutendo rwavo akati kune wakange akafa mitezo: Tsunga moyo, mwana, wakangamwirwa zvivi zvako.

²Behold, they brought to him a man who was paralyzed, lying on a bed. Jesus, seeing their faith, said to the paralytic, “Son, cheer up! Your sins are forgiven you.”

³Zvino tarira, vamwe vevanyori vakati mukati mavo: Uyu unonyomba.

³Behold, some of the scribes said to themselves, “This man blasphemes.”

⁴Asi Jesu achiona mifungo yavo wakati: Munofungirei zvakaipa mumoyo yenyu?

⁴Jesus, knowing their thoughts, said, “Why do you think evil in your hearts?

⁵Nekuti ndechipi chakareruka, kuti: Wakangamwirwa zvivi zvako; kana kuti: Simuka ufambe?

⁵ For which is easier, to say, ‘Your sins are forgiven;’ or to say, ‘Get up, and walk?’

⁶Asi kuti muzive kuti Mwanakomana wemunhu une simba panyika rekukangamwira zvivi (wakabva ati kune wakange akafa mitezo): Simuka, tora uchanja hwako, uende kumba kwako.

⁶ But that you may know that the Son of Man has authority on earth to forgive sins...” (then he said to the paralytic), “Get up, and take up your mat, and go up to your house.”

⁷Akasimuka, akaenda kumba kwake.

⁷He arose and departed to his house.

⁸Zvaunga zvakati zvichizviona zvikashamisika, zvikarumbidza Mwari, wakapa simba rakadai kuvanhu.

⁸But when the multitudes saw it, they marveled and glorified God, who had given such authority to men.

⁹Zvino Jesu wakati achipfuurapo akaona munhu unonzi Matewu agere pahofisi yemutero, akati kwaari: Nditevere! Ndokusimuka, akamutevera.

⁹As Jesus passed by from there, he saw a man called Matthew sitting at the tax collection office. He said to him, “Follow me.” He got up and followed him.

¹⁰Zvino zvakaitika agere pakudya mumba, tarira, vateresi vazhinji nevatadzi vakauya vakagara pakudya naJesu nevadzidzi vake.

¹⁰It happened as he sat in the house, behold, many tax collectors and sinners came and sat down with Jesus and his disciples.

¹¹Zvino vaFarisi vakati vachizviona, vakati kuvadzidzi vake: Nemhaka yei mudzidzisi wenyu achidya nevateresi nevatadzi?

¹¹When the Pharisees saw it, they said to his disciples, “Why does your teacher eat with tax collectors and sinners?”

¹²Asi Jesu wakati anzwa, akati kwavari: Vakagwinya havadi murapi asi vanorwara.

¹²When Jesus heard it, he said to them, “Those who are healthy have no need for a physician, but those who are sick do.

¹³Asi endai mudzidze kuti zvinorevei kuti: Ndinoda tsitsi uye kwete chibayiro; nekuti handina kuuya kuzodana vakarurama, asi vatadzi vauye mukutendeuka.

¹³ But you go and learn what this means: ‘I desire mercy, and not sacrifice,’ Hosea 6:6 for I came not to call the righteous, but sinners to repentance. NU omits “to repentance”. ”

¹⁴Ipapo kwakasvika kwaari vadzidzi vaJohwani, vachiti: Nemhaka yei isu nevaFarisi tichitsanya kazhinji, asi vadzidzi venyu vasingatsanyi?

¹⁴Then John’s disciples came to him, saying, “Why do we and the Pharisees fast often, but your disciples don’t fast?”

¹⁵Jesu ndokuti kwavari: Vana veimba yemuchato vangachema here apo muwani anavo? Asi mazuva achasvika achabviswa muwani kwavari, ipapo vachatsanya.

¹⁵Jesus said to them, “Can the friends of the bridegroom mourn, as long as the bridegroom is with them? But the days will come when the bridegroom will be taken away from them, and then they will fast.

¹⁶Hakuna unoisa chigamba chemucheka usakaunyana panguvo sharu, nekuti icho chinonamirwa pairi chinobvarura panguvo, buri rikanyanya.

¹⁶ No one puts a piece of unshrunk cloth on an old garment; for the patch would tear away from the garment, and a worse hole is made.

¹⁷Uye havadiri waini itsva muhombodo tsaru; zvikasadaro hombodo dzinoputika, waini ikateuka, nehombodo dzikaparara; asi vanodira waini itsva muhombodo itsva, zvichengeteke zviri zviviri.

¹⁷ Neither do people put new wine into old wineskins, or else the skins would burst, and the wine be spilled, and the skins ruined. No, they put new wine into fresh wineskins, and both are preserved.”

¹⁸Wakati achitaura zvinhu izvozvi kwavari, tarira, kwakasvika umwe mutungamiriri akamufugamira, akati: Mukunda wangu uchangofa; asi uyai muise ruoko rwenyu pamusoro pake, uye uchararama.

¹⁸While he told these things to them, behold, a ruler came and worshiped him, saying, “My daughter has just died, but come and lay your hand on her, and she will live.”

¹⁹Jesu ndokusimuka akamutevera, nevadzidzi vake.

¹⁹Jesus got up and followed him, as did his disciples.

²⁰Zvino, tarira, mukadzi waiva nekubuda ropa makore gumi nemaviri, wakaswedera shure kwake, akabata mupendero wenguvo yake.

²⁰Behold, a woman who had an issue of blood for twelve years came behind him, and touched the fringe or, tassel of his garment;

²¹Nekuti wakati mukati make: Kana ndikangobata nguvo yake, ndichaporeswa.

²¹for she said within herself, “If I just touch his garment, I will be made well.”

²²Asi Jesu wakatendeuka akati amuona, akati: Mukunda, tsunga moyo; rutendo rwako rwakuponesa. Mukadzi ndokuponeswa kubva panguva iyo.

²²But Jesus, turning around and seeing her, said, “Daughter, cheer up! Your faith has made you well.” And the woman was made well from that hour.

²³Jesu ndokusvika mumba memutungamiriri akaona varidzi venyere nechaunga chichiita nyonga-nyonga,

²³When Jesus came into the ruler’s house, and saw the flute players, and the crowd in noisy disorder,

²⁴akati kwavari: Ibvai; nekuti musikana haana kufa, asi uvete. Ndokumuseka vachimusvabaidza.

²⁴he said to them, “Make room, because the girl isn’t dead, but sleeping.” They were ridiculing him.

²⁵Asi chaunga chakati chabudiswa, akapinda, ndokubata ruoko rwake, musikana ndokumuka.

²⁵But when the crowd was put out, he entered in, took her by the hand, and the girl arose.

²⁶Mukurumbira uyu ukabudira kunyika iyo yose.

²⁶The report of this went out into all that land.

²⁷Zvino Jesu wakati opfuurapo, mapofu maviri akamutevera, achidanidzira achiti: Tinzwirei tsitsi, Mwanakomana waDhavhidhi!

²⁷As Jesus passed by from there, two blind men followed him, calling out and saying, “Have mercy on us, son of David!”

²⁸Zvino wakati apinda mumba, mapofu akauya kwaari; Jesu akati kwaari: Munotenda kuti ndinogona kuita izvozvi here? Akati kwaari: Hongu, Ishe.

²⁸When he had come into the house, the blind men came to him. Jesus said to them, “Do you believe that I am able to do this?” They told him, “Yes, Lord.”

²⁹Ipapo wakabata meso avo achiti: Ngazviitike kwamuri maererano nerutendo rwenyu.

²⁹Then he touched their eyes, saying, “According to your faith be it done to you.”

³⁰Zvino meso avo akasvinudzwa; Jesu akavarairisa achiti: Onai kuti hakuna unozviziva.

³⁰Their eyes were opened. Jesus strictly commanded them, saying, “See that no one knows about this.”

³¹Asi vakati vabuda, vakaparidzira mukurumbira wake munyika iyo yose.

³¹But they went out and spread abroad his fame in all that land.

³²Zvino vakati vachibuda, tarira, vakauyisa kwaari munhu chimumumu waiva nedhimoni.

³²As they went out, behold, a mute man who was demon possessed was brought to him.

³³Zvino dhimoni rakati rabudiswa, chimumumu chikataura; zvaunga zvikashamisika zvikati: Hakuna kumboonekwa zvakadai muna Israeri.

³³When the demon was cast out, the mute man spoke. The multitudes marveled, saying, “Nothing like this has ever been seen in Israel!”

³⁴Asi vaFarisi vakati: Unobudisa madhimoni nemukuru wemadhimoni.

³⁴But the Pharisees said, “By the prince of the demons, he casts out demons.”

³⁵Zvino Jesu wakapota nemaguta ose nemisha, achidzidzisa mumasinagoge avo, nekuparidza evhangeri yeushe, nekuporesa matenda ose neurwere hwoga hwoga pakati pevanhu.

³⁵Jesus went about all the cities and the villages, teaching in their synagogues, and preaching the Good News of the Kingdom, and healing every disease and every sickness among the people.

³⁶Asi wakati achiona zvaunga, akavanzwira tsitsi, nekuti vakange vaneta, vakapararira semakwai asina mufudzi.

³⁶But when he saw the multitudes, he was moved with compassion for them, because they were harassed TR reads “weary” instead of “harassed” and scattered, like sheep without a shepherd.

³⁷Ipapo akati kuvadzidzi vake: Zvirokwazvo mukoho mukuru, asi vashandi vashoma;

³⁷Then he said to his disciples, “The harvest indeed is plentiful, but the laborers are few.

³⁸naizvozvo kumbirisai kuna Ishe wemukoho, kuti atumire vabati pamukoho wake.

³⁸ Pray therefore that the Lord of the harvest will send out laborers into his harvest.”