¹ Dawda wane no. Ma si ni boŋ taabandi laalakoyey sabbay se. Ma si canse mo da borey kaŋ ga adilitaray-jaŋay te.

¹Av David. La ikke din vrede optendes over de onde, bli ikke harm over dem som gjør urett!

² Zama i g'i dumbu da waasi sanda subu cine. I ma lakaw mo sanda kobto tayo.

²For som gresset blir de hastig avskåret, og som grønne urter visner de bort.

³ Ma de Rabbi gaa, ma booriyaŋ goy te, Ma goro laabo ra, ma munye da naanay mo.

³Sett din lit til Herren og gjør godt, bo i landet og legg vinn på trofasthet!

⁴ Ni bina ma kaan Rabbi ra, Nga mo ga ni bina muraado feeri ni se.

⁴Og gled dig i Herren! Så skal han gi dig hvad ditt hjerte attrår.

⁵ Ma ni fundo daŋ Rabbi kambe ra, Ma de a gaa, nga mo ga goy.

⁵Sett din vei i Herrens hånd og stol på ham! Han skal gjøre det;

⁶ A ga naŋ ni adilitara ma bangay sanda annura cine, Ni cimo mo sanda zaari bindi cine.

⁶han skal la din rettferdighet gå frem som lyset og din rett som middagens lys.

⁷ Ma fulanzam hinne Rabbi ra, Ma hin suuru ka hangan a se. Ma si ni boŋ taabandi boro kaŋ goono ga te albarka nga fonda ra sabbay se, Nga kaŋ ga dabari laaloyaŋ kaa taray, I ga ŋwa mo.

⁷Vær stille for Herren og vent på ham! La ikke din vrede optendes over den som har lykke på sin vei, over den mann som uttenker onde råd.

⁸ Ma fay da bine fortay, ma futay naŋ mo. Ma si ni boŋ taabandi, Woodin si kande hay kulu kala laala teeyaŋ.

⁸Lat av fra vrede og la harme fare, la ikke din vrede optendes! Det fører bare til det som ondt er.

⁹ Zama Irikoy ga laala goykoyey halaci, Amma borey kaŋ yaŋ ga hangan Rabbi se, Ngey no ga laabo tubu.

⁹For de onde skal utryddes, men de som bier efter Herren, skal arve landet.

¹⁰ Zama d'a gay kayna, kulu laalakoy si no. Daahir, anniya no ni g'a nangora guna nd'a, A si ye ka bara noodin mo.

¹⁰Og om en liten stund, så er den ugudelige ikke mere, og akter du på hans sted, så er han borte.

¹¹ Amma borey kaŋ yaŋ sinda boŋbeeray ga laabo tubu, I ga ngey biney kaanandi mo baani yulwanta ra.

¹¹Men de saktmodige skal arve landet og glede sig ved megen fred.

¹² Boro laalo ga me-hawyaŋ te adilante boŋ, A ga hinje kaama a se mo.

¹²Den ugudelige optenker ondt imot den rettferdige og skjærer tenner imot ham.

¹³ Amma Koy Beero g'a haaru, Zama a di kaŋ a alwaato goono ga kaa.

¹³Herren ler av ham; for han ser at hans dag kommer.

¹⁴ Laalakoyey na takuba foobu, i na haw daŋ biraw ra zama ngey ma taabante da laamikoy zeeri, Ngey ma fonda ra cimikoyey halaci.

¹⁴De ugudelige drar sverdet og spenner sin bue for å felle den elendige og fattige og slå dem ihjel som vandrer opriktig.

¹⁵ I takubey ga furo ngey bumbey biney ra, I birawey mo ga ceeri-ceeri.

¹⁵Deres sverd skal komme i deres eget hjerte, og deres buer skal sønderbrytes.

¹⁶ Dambe hari kayna kaŋ go adilante se, A ga bisa arzaka gusam kaŋ go laalakoy boobo se.

¹⁶Bedre er det lille som den rettferdige har, enn mange ugudeliges rikdom.

¹⁷ Zama laalakoyey kambey ga ceeri-ceeri, Amma Rabbi ga adilante gaabandi.

¹⁷For de ugudeliges armer skal sønderbrytes, men Herren støtter de rettferdige.

¹⁸ Rabbi ga cimi-toonante-koyey jirbey bay, I tubo mo tabbatante no hal abada.

¹⁸Herren kjenner de ulasteliges dager, og deres arv skal bli til evig tid.

¹⁹ I si haaw masiiba jirbey ra bo, Haray jirbey ra mo i ga kungu.

¹⁹De skal ikke bli til skamme i den onde tid, og i hungerens dager skal de mettes.

²⁰ Amma laalakoyey ga halaci, Rabbi ibarey mo ga ciya sanda kuray do darza. I ga say ka daray, i ga say sanda dullu cine.

²⁰For de ugudelige skal gå til grunne og Herrens fiender som engenes blomsterskrud; de skal forsvinne, som røk skal de forsvinne.

²¹ Laalakoy ga garaw sambu, a si bana mo, Amma adilante ya gomnikoy no, a ga nooyaŋ no.

²¹Den ugudelige låner og betaler ikke, men den rettferdige forbarmer sig og gir.

²² Zama borey kaŋ yaŋ du albarka Irikoy do, Ngey no ga laabo tubu, Amma borey kaŋ yaŋ a laali, a g'i tuusu.

²²For de han* velsigner, skal arve landet, men de han forbanner, skal utryddes. / {* Gud.}

²³ Rabbi ga boro ce taamuyaŋey tabbatandi, A ga farhã d'a fonda mo.

²³Herren gjør en manns gang fast, og han har velbehag i hans vei.

²⁴ Baa a kaŋ, a si gay ganda bo, Zama Rabbi goono g'a gaay nga kambe ra.

²⁴Når han snubler, faller han ikke til jorden; for Herren støtter hans hånd.

²⁵ Doŋ ay ya zanka no, sohõ mo ay zeen, Amma ay mana di i ma adilante furu baa ce fo, Wala mo a banda ma nga ŋwaaro ŋwaaray.

²⁵Jeg har vært ung og er blitt gammel, men ikke har jeg sett den rettferdige forlatt eller hans avkom søke efter brød.

²⁶ Zaari me-a-me a goono ga gomni goy te, A goono ga garaw daŋ, A bandey mo albarkanteyaŋ no.

²⁶Den hele dag forbarmer han sig og låner ut, og hans avkom blir velsignet.

²⁷ Ma fay da laala, ma booriyaŋ te. Woodin gaa no ni ga goro hal abada.

²⁷Vik fra ondt og gjør godt! Så skal du bli boende* til evig tid. / {* SLM 37, 3.}

²⁸ Zama Rabbi ga ba cimi ciiti, A si nga hanantey furu mo. I g'i haggoy no hal abada, Amma a ga boro laalo ganji banda.

²⁸For Herren elsker rett og forlater ikke sine fromme; til evig tid blir de bevart. Men de ugudeliges avkom utryddes.

²⁹ Adilantey ga laabo tubu, i ma goro a ra hal abada.

²⁹De rettferdige skal arve landet og bo i det evindelig.

³⁰ Adilante me ga laakal sanni salaŋ, A deena mo ga cimi ciiti sanni te.

³⁰Den rettferdiges munn taler visdom, og hans tunge sier hvad rett er.

³¹ A Irikoyo asariya go a bina ra, A taamuyaŋey kulu si te tansi.

³¹Hans Guds lov er i hans hjerte, hans trin vakler ikke.

³² Boro laalo ga gum ka adilante batandi, A goono ga ceeci nga m'a wi.

³²Den ugudelige lurer på den rettferdige og søker å drepe ham;

³³ Rabbi si adilanta naŋ a kambe ra. A s'a zeeri mo waati kaŋ i goono g'a ciiti.

³³Herren overlater ham ikke i hans hånd, og fordømmer ham ikke når han blir dømt.

³⁴ Ma hangan Rabbi se, m'a fondey haggoy, Nga mo ga ni beerandi ni ma laabo tubu. Waati kaŋ a ga boro laaley tuusu, ni ga di a.

³⁴Bi på Herren og ta vare på hans vei! Så skal han ophøie dig til å arve landet; du skal se på at de ugudelige utryddes.

³⁵ Ay doona ka di boro laalo kaŋ toonyante no. A go ga daaru ka yandi sanda tuuri tayo kaŋ go nga batama ra.

³⁵Jeg så en ugudelig som var veldig og utbredte sig som et grønt tre som ikke er flyttet;

³⁶ Amma a bisa, a si no mo. Oho, hala ay n'a ceeci zaati, Amma boro si ye ka di a koyne.

³⁶men han forsvant, og se, han var ikke mere, og jeg søkte efter ham, men han fantes ikke.

³⁷ Ma laakal daŋ cimi-toonante-koy gaa, Ma adilante guna mo, Zama baani boro gonda kokora hanno.

³⁷Akt på den ulastelige og se på den opriktige! for fredens mann har en fremtid;

³⁸ Day zunubikooney ga halaci no care banda, Boro laaley kokora ga ti i m'i tuusu.

³⁸men overtrederne skal tilintetgjøres alle sammen, de ugudeliges fremtid skal avskjæres.

³⁹ Amma adilantey faaba wo, Rabbi do no a ga fun. Nga no ga ti i gaabi do taabi alwaati ra.

³⁹Og de rettferdiges frelse kommer fra Herren, deres sterke vern i nødens tid.

⁴⁰ Rabbi g'i gaakasinay, a g'i kaa kambe. Boro laaley kambe ra n'a g'i kaa, A g'i faaba mo zama i tugu a do.

⁴⁰Og Herren hjelper dem og utfrir dem, han utfrir dem fra de ugudelige og frelser dem, fordi de har tatt sin tilflukt til ham.