¹Mi giloute siatna dingin enlah ken, a kiang ua om ut sam ken:

²A lungtang un lah nuaisiahna a sin ngala, huan a mukte un siatna thu a gen ahi.

³Pilna jiakin in lamin a oma; theihsiamnain hihkipin a om:

⁴Huan theihnain dantante hihdimin a om hausakna manpha leh nuamte tengtengin.

⁵Mi pil a hat: ahi, theihna miin hatna a pungsak.

⁶Pina pilin na galdouna bawl ding na hi ngala: huan thuhilhmi tampite ah bitna a om.

⁷Mi hai adingin pilna a sang lua: kongpi ah a kam ka kei.

⁸Kuapeuh hoihlou hih ngaihtuah, miten siatna deihmi a chi ding uh.

⁹Mi hai ngaihtuahna khelhna ahi: huan musitmi mite adingin kihhuai ahi.

¹⁰Vangsiat nia na bah leh, na hatna a neu.

¹¹Sihna lama puak manga omte suaktasak in, huan thaha om dia mansate nangman suaktasak in.

¹²Ngaiin, hiai ka theikei uh, na chih leh: lungtangte bukpan huaituh a hgaihtuah kei maw? huan na kha kempan, huaituh a theikei maw? huan michih kiangah a thilhih bangin a pe kei ding maw?

¹³Ka tapa, khuaiju ne in, a hoih ngala; huan cheap khum khuaikhak:

¹⁴Huchiin pilna na kha lama ding ahi chih na thei ding: na muh leh, huchiin kipahman a om ding, huan na lametna sat khiak ahi kei ding hi.

¹⁵Aw giloupa, mi diktat omna dou dingin tang ken; a khawlna mun hihsiatsak hen:

¹⁶Mi diktat lah sagih vei a puka, huan a thou nawn ngala; himahleh migilou tuahsia zohin a om ding hi.

¹⁷Na melma a puk lain nuamsa ken, zoha a om lain na lungtang kipak kei hen:

¹⁸TOUPAN huai a mu khain, amah a kipahpih kei khain, huan amah akipan a thanpaihna a hei mang kha ding hi.

¹⁹Gilou hihte jiakin kilungkhamsak dah in: giloute ah leng eng sam ken:

²⁰Mi gilou adinga kipahman om lou ding ahi ngala: mi gilou khawnvak hek lupin a om ding.

²¹Ka tapa, TOUPA leh kumpipa kihta in: huan a koimahmah leng thumanlou ken.

²²A mau apana-siatna lah thakhata om guih ding ahi ngala: huan amaute apan tuah siatna kua ahia thei?

²³Hiaite leng mi pil thugente ahi. Vaihawmna mite deihsaktuam neih a hoih kei.

²⁴Kuapeuh mi gilou kianga, Na diktat hi, chi peumah; miten amah a hamsiat ding ua, namten amah a kih ding.

²⁵Himahlel amah salte adingin kipahna ahi ding, huan a tunguah vualjawlna hoih a hongtung ding.

²⁶Dawnna dik pia mukte a tawpa.

²⁷Polamah na thilhih bawlkhol inla, lou sungah nang adingin huai tuh mansain bawl in; huan huainungin na in lam in.

²⁸A bul beiin na inveng siatna dingin theihpihmi hi ken; huan na mukte in khem ken.

²⁹Ka tunga a hih bangin amah tungah leng ka hih ding, chi ken; mi a nasep bangin ka thuk ding.

³⁰Thadahmi lou kiangah ka paia, huan theihsiamna bei mi grephuan kiangah;

³¹Huan, ngaiin, lignin a khannelh khin veka, huaia aloma louling-neiin a khuhtaa, huan huaia asuang bangte a chim khinta.

³²Huchihlaiin ka ena, hoih takin ka ngaihtuaha: ka mua, hilhna ka sangta hi.

³³Alah ihmut neu chik, lusuk neu chik, ihmut khut khawng khek zek.Huchibangin suamhatmi bangin na gentheihna a hongpai dinga; huan mi kigalvan bangin na taksapna.

³⁴Huchibangin suamhatmi bangin na gentheihna a hongpai dinga; huan mi kigalvan bangin na taksapna.