¹Mi khempeuhte aw, hiai ngaikhia unla; khovela om tengtengte aw, bil na doh un.

²Mi neu leh mi lian, mi hau leh mi jawng in leng.

³Ka kamin pilna thu a gen dinga; ka lungtang ngaihtuah tuh theihsiamna thu ahi ding hi.

⁴Genteh thu ah ka bil ka doh dinga: ka thugil gen tuh kaihging in ka gentel ding hi.

⁵Ni hoihloute ah, ka khetul bula thulimlouhna in honum suak inleng, bangdingin ka lau dia!

⁶Amau sum muanga, amau hauhna thupitak suangten.

⁷Kuamah in a unau leng a tan theikei hial ding uh, Pathian kiangah tatna leng a piaksak thei sam kei ding uhi.

⁸(A hinna uh tatna dingin thil thupi zat ding ahi a, khantawn a leng a ngimangim louh mai ding ahi).

⁹A dam gige a, muatna a muhlouhna ding in.

¹⁰Mi pilte leng a si ua, mi hai leh mi mawlte leng a mang tuaktuak ua, a sum uh midangte a nawtsiat jelte utuh a thei ngala.

¹¹A lungsim ngaihtuah dan utuh, a inte uh khantawna om ding bang leh, a om nate uh suan tengteng tana om ding bang in ahi; a gamte uh amau min mah a tamsak uhi.

¹²Himahleh mihing pahtawi in a om gige kei ua: gamsa mangthangte bang phet ahi uhi.

¹³Hiai tuh kihaimuante tuah ahia, a tan ua kipakte tawpna. Selah.

¹⁴Belam hon bangin Sheol a dinga seh ahi ua, sihna amau in a kivak ding hi: jingsang lamin mi diktatten a tunguah thu a nei ding ua; a omna himhim uh a omlouh na dingin, a kilawmna uh Sheol hihsiat ding ahi ding hi.

¹⁵Ka hinna bel Pathianin Sheol khua akipan a tan khe dinga; aman honkipahpih ding ahi ngala. Selah.

¹⁶Mi hihhauha a hong oma, a insung thupina a hongthupi huthut inleng, lau ken.

¹⁷A sih hun chiang in bangmah a keng kei ding hi; a thupina in jui khe lou ding ahi ngala.

¹⁸A damlaiin nuamsa kisa mahleh, amah adia hoih a hih laiin phat loh mahleh.

¹⁹A suangte suante lam ah a pai dia, vak a mu ngeikei ding uh.Mihing, pahtawia oma, theihsiamna nei tuanlou jaw, gamsa mangthang jelte bang phet ahi uhi.

²⁰Mihing, pahtawia oma, theihsiamna nei tuanlou jaw, gamsa mangthang jelte bang phet ahi uhi.