¹As he passed by, he saw a man blind from birth.

¹Sar O Jesus nakhelas, wo dikhlia iekes manushes kai arakhadilo korho.

²His disciples asked him, “Rabbi, who sinned, this man or his parents, that he was born blind?”

²Leske disipluria phushle les, "Gazda, sostar arakhadiol korho? Kon kerdia bezexa, kado manush vai leske dades vai leska da?

³Jesus answered, “Neither did this man sin, nor his parents; but, that the works of God might be revealed in him.

³O Jesus phendia lenge, "Nai wo ai chi leske dades ai chi leska da kai kerde bezexa, numa wo si korho kashte te dichol e putiera le Devleski pe leste.

⁴ I must work the works of him who sent me, while it is day. The night is coming, when no one can work.

⁴Trobul te kerav e buchi kodaleske kai tradia man zhi kai o dies; e riat avela, kana khonik nashti kerela buchi.

⁵ While I am in the world, I am the light of the world.”

⁵Zhi kai sim ande e lumia, me sim e vediara la lumiaki."

⁶When he had said this, he spat on the ground, made mud with the saliva, anointed the blind man’s eyes with the mud,

⁶Kana phendia kadala vorbi, O Jesus chungardia tele pe phuv, ai kerdia chik peske cungaresa; porme thodia kodia chik pel iakha le korheske,

⁷and said to him, “Go, wash in the pool of Siloam” (which means “Sent”). So he went away, washed, and came back seeing.

⁷ai phendia leske, "Zha, te xalav tu ando pai kai bushol Siloam." (anav kai bushol, "Tradino"). O korho manush gelo, ai xaladiape, ai avilo palpale ai dikhelas.

⁸The neighbors therefore, and those who saw that he was blind before, said, “Isn’t this he who sat and begged?”

⁸Le manush kai sas pasha leste ai kodola kai zhanenas les sar iek korhovetso, phenenas, "Nai kado kai beshelas tele ai kai mangelas?"

⁹Others were saying, “It is he.” Still others were saying, “He looks like him.” He said, “I am he.”

⁹Uni phenen, "Wo si," numa aver phenenas, "Wo miazolpe leste." Numa wo phendia, "Me sim."

¹⁰They therefore were asking him, “How were your eyes opened?”

¹⁰Won phenen leske, "Sarta chire iakha phuterdile?"

¹¹He answered, “A man called Jesus made mud, anointed my eyes, and said to me, ‘Go to the pool of Siloam, and wash.’ So I went away and washed, and I received sight.”

¹¹Wo phendia lenge, "O manush kai akharen les O Jesus kerdia chira chik, ai thodia la pe murhe iakha, ai phendia mange, "Zh ka pai kai busholas Siloam, ai xalav tu." ai gelem, ai xaladem ma, ai dikhlem.

¹²Then they asked him, “Where is he?” He said, “I don’t know.”

¹²Antunchi phende leske, "Kai kodo manush?" Wo phendia, "Chi zhanav."

¹³They brought him who had been blind to the Pharisees.

¹³Ingerde karing le Farizeanuria kodales kai sas korho.

¹⁴It was a Sabbath when Jesus made the mud and opened his eyes.

¹⁴Kana O Jesus kerdia e chik ai phuterdia leske iakha sas o dies Savatone.

¹⁵Again therefore the Pharisees also asked him how he received his sight. He said to them, “He put mud on my eyes, I washed, and I see.”

¹⁵Sa anda kodia le Farizeanuria phushle le korhes, "Sar premisardian cho dikhimos?" Ai wo phendia lenge, "Thodia chik pe murhe iakha, xaladem ma, ai akana dikhav."

¹⁶Some therefore of the Pharisees said, “This man is not from God, because he doesn’t keep the Sabbath.” Others said, “How can a man who is a sinner do such signs?” There was division among them.

¹⁶Uni andal le Farizeanuria phende, "Kado manush chi avel katar O Del, ke chi kerel o zakono kai si Savato." Aver phenen, "Sar iek manush bezexa lo sai kerel kasave mirakluria?" Anda kodia chi haliarenas mashkar pende iek fialo.

¹⁷Therefore they asked the blind man again, “What do you say about him, because he opened your eyes?” He said, “He is a prophet.”

¹⁷Mai iek data le Farizeanuria phushen le korhes kai sastilo, "So phenes tu pa leste, kai phuterdia chire iakha?" Wo phendia lenge, "Wo si iek profeto."

¹⁸The Jews therefore did not believe concerning him, that he had been blind, and had received his sight, until they called the parents of him who had received his sight,

¹⁸Le Zhiduvuria chi pachanaspe ke wo sas korho, ai ke akana dikhel, zhi kai andine leske dades ai leska da.

¹⁹and asked them, “Is this your son, whom you say was born blind? How then does he now see?”

¹⁹Ai phushle lendar, phenen, "Kako si tumaro shav, kai phenen ke arakhadilo korho? Sar wo dikhel akana?"

²⁰His parents answered them, “We know that this is our son, and that he was born blind;

²⁰Leske dat ai dei phende, "Ame zhanas ke si amaro shav, ai zhanas ke arakhadilo korho.

²¹but how he now sees, we don’t know; or who opened his eyes, we don’t know. He is of age. Ask him. He will speak for himself.”

²¹Numa chi zhanas so sai dikhel akana, ai chi zhanas kon phuterdia leske iakha. Phushen lestar, si peske bershengo , wo sai del atweto."

²²His parents said these things because they feared the Jews; for the Jews had already agreed that if any man would confess him as Christ, he would be put out of the synagogue.

²²Lesko dat ai dei denas duma kadia ke daranas katar le Zhiduvuria; ke le Zhiduvuria dinepe duma mashkar pende, ke te mothona avri kon ke O Jesus si O Kristo, den les avri anda e tampla.

²³Therefore his parents said, “He is of age. Ask him.”

²³Sa anda kodia leske dat ai dei phende, "Si peske bershengo, phushen lestar!"

²⁴So they called the man who was blind a second time, and said to him, “Give glory to God. We know that this man is a sinner.”

²⁴Le Farizeanuria akharen pe duito data le manushes kai sas korho, ai phende leske, "Phen o chachimos angla Del! Ame zhanas ke kodo manush si bezexa lo."

²⁵He therefore answered, “I don’t know if he is a sinner. One thing I do know: that though I was blind, now I see.”

²⁵Wo phendia lenge, "Chi zhanav te si ek bezexalo vai nai, numa zhanav iek diela, ke simas korho, akana dikhav."

²⁶They said to him again, “What did he do to you? How did he open your eyes?”

²⁶Ai mai phushle les, "So kerdia tuke? Sar kerdia te phutrel che iakha?"

²⁷He answered them, “I told you already, and you didn’t listen. Why do you want to hear it again? You don’t also want to become his disciples, do you?”

²⁷Phendia lenge, "Phendem tumenge iek data, ai chi ashundian mande. Sostar mai mangen te ashunen? Vi tume mangen te aven leske disipluria?"

²⁸They insulted him and said, “You are his disciple, but we are disciples of Moses.

²⁸Akushle les, ai phende leske, "Tu san disiplo; ame sam le disipluria le Mosesoske.

²⁹We know that God has spoken to Moses. But as for this man, we don’t know where he comes from.”

²⁹Ame zhanas ke O Del dia duma le Mosesosa; numa kado, chi zhanas katar lo!"

³⁰The man answered them, “How amazing! You don’t know where he comes from, yet he opened my eyes.

³⁰O manush phendia lenge, "Shodo diela si! Ke chi zhanen katar lo, numa wo phuterdia murhe iakha!

³¹We know that God doesn’t listen to sinners, but if anyone is a worshipper of God, and does his will, he listens to him. Psalm 66:18, Proverbs 15:29; 28:9

³¹Ame zhanas ke O Del chi ashunel le bezexalen; numa ashunel le manushes kai chetil les ai kerel leski voia.

³²Since the world began it has never been heard of that anyone opened the eyes of someone born blind.

³²De anda gor la lumiake shoxar chi ashundian ke vari kon phuterdia le iakha le korheske kana arakhadilo korho.

³³If this man were not from God, he could do nothing.”

³³Kodo manush te na avilino katar O Del, nashtisardino te kerel kanchi."

³⁴They answered him, “You were altogether born in sins, and do you teach us?” They threw him out.

³⁴Ai won phende leske, "Tu arakhadilian antrego ando bezex, ai manges te sichares amen?" Ai dine les avri anda tampla.

³⁵Jesus heard that they had thrown him out, and finding him, he said, “Do you believe in the Son of God?”

³⁵O Jesus ashundia ke dine les avri, ai kana arakhlia les, phendia leske, "Pachas tu ando Shav le Manushesko?"

³⁶He answered, “Who is he, Lord, that I may believe in him?”

³⁶Wo phendia ka Jesus, "Phen mange, savo si, Gazda? Kaste te sai pachav ma ande leste!"

³⁷Jesus said to him, “You have both seen him, and it is he who speaks with you.”

³⁷O Jesus phendia leske, "Dikhes les, wo si kai del duma tusa akana."

³⁸He said, “Lord, I believe!” and he worshiped him.

³⁸Phendia leske, "Gazda, Pachav ma!" ai dia changa angla leste.

³⁹Jesus said, “I came into this world for judgment, that those who don’t see may see; and that those who see may become blind.”

³⁹Porme O Jesus phendia, "Avilem ande kadia lumia te kerav e kris, kaste le korhe te sai dikhen; ai kodala kai dikhen te aven korhe.

⁴⁰Those of the Pharisees who were with him heard these things, and said to him, “Are we also blind?”

⁴⁰Uni andal Farizeanuria kai sas lesa, ashunde kodala vorbi, ai phende leske, "Vi ame, sam korhe?"

⁴¹Jesus said to them, “If you were blind, you would have no sin; but now you say, ‘We see.’ Therefore your sin remains.

⁴¹O Jesus phendia lenge, "Te avilianas korhe, nas te aven doshale: numa akana tume phenen, "Ame dikhas," sa anda kodia tumare bezexa ashen.