¹Therefore you are without excuse, O man, whoever you are who judge. For in that which you judge another, you condemn yourself. For you who judge practice the same things.

¹Tu kai keres kris pel kolaver chi san iertime; kon godi avesa ke kana keres kris pel kolaver, ai vi tu keres sa kodola dieli, tu korkorho keres kris pe tute.

²We know that the judgment of God is according to truth against those who practice such things.

²Ke zhanas ke O Del kerel kris vorta ai chachi pe kodola kai keren kodolendar dieli.

³Do you think this, O man who judges those who practice such things, and do the same, that you will escape the judgment of God?

³Tu gindis ke skepisar katar e kris le Devleski, tu kai keres kris pe kodola kai keren kadala dieli, kana vi tu keres sar lende?

⁴Or do you despise the riches of his goodness, forbearance, and patience, not knowing that the goodness of God leads you to repentance?

⁴Vai tu, nai tuke drago o lashimos le Devlesko kai azhukerel ai rhevdil; tu chi zhanes ke o lashimos le Devlesko trobul te parhuvel cho traio.

⁵But according to your hardness and unrepentant heart you are treasuring up for yourself wrath in the day of wrath, revelation, and of the righteous judgment of God;

⁵Numa zuralo cho ilo, chi manges te parhudios anda kodia, tu lashares tuke kris mai bari kana avela o dies, kai O Del sikavela peski xoli ai peski kris kai si chachi.

⁶who “will pay back to everyone according to their works:” Psalm 62:12; Proverbs 24:12

⁶Ai kai O Del dela sakones pala so kerdia.

⁷to those who by patience in well-doing seek for glory, honor, and incorruptibility, eternal life;

⁷Dela o traio kai chi mai getolpe kodolen kai roden te keren o mishtimos, ai roden o barimos ai o luvudimos, ai o traio kai chi merel.

⁸but to those who are self-seeking, and don’t obey the truth, but obey unrighteousness, will be wrath and indignation,

⁸Numa sikavela xoliariko zurales pe kodola kai xoliavon pe leste, ai chi keren o chachimos, numa keren le chorhe dieli,

⁹oppression and anguish, on every soul of man who works evil, to the Jew first, and also to the Greek.

⁹O chino ai o nekazo avela pe kodola kai keren o baio; pel Zhiduvuria mai anglal, numa vi pe kodola kai nai Zhiduvuria.

¹⁰But glory, honor, and peace go to every man who works good, to the Jew first, and also to the Greek.

¹⁰Numa O Del dela o barimos, ai o luvudimos, ai e pacha kodolenge kai keren o lashimos; kal Zhiduvuria mai anglal, numa vi ka kodola kai Nai Zhiduvuria.

¹¹For there is no partiality with God.

¹¹Ke le Devleske savorhe iek fialuri.

¹²For as many as have sinned without law will also perish without the law. As many as have sinned under the law will be judged by the law.

¹²Kodola kai keren bezexa bi te zhanen o zakono le Mosesosko xasavona bi le zakonosko; numa kodola kai keren bezexa ai zhanen o zakono avena dine pe kris pala zakono kai zhanen.

¹³For it isn’t the hearers of the law who are righteous before God, but the doers of the law will be justified

¹³Ke le manush kai si drago le Devleske, nai kodola kai ferdi ashunen o zakono, numa kodola kai keren so mothol o zakone.

¹⁴(for when Gentiles who don’t have the law do by nature the things of the law, these, not having the law, are a law to themselves,

¹⁴Kana kodola kai Nai Zhiduvuria, kai chi zhanen o zakono le Zhidovongo, keren anda pende so mothol o zakono, si le iek zakono lenge, marka ke nai le o zakono.

¹⁵in that they show the work of the law written in their hearts, their conscience testifying with them, and their thoughts among themselves accusing or else excusing them)

¹⁵Sikaven kadia, ke sar trobul te keres kai si phendo, katar e kris ramome ande lenge ile. Lengo ilo sikavel lenge, vi ke lenge ginduria kai univar kerel kris pe lende, ai univar chacharel le.

¹⁶in the day when God will judge the secrets of men, according to my Good News, by Jesus Christ.

¹⁶Eta, so sikadiola o dies kai O Del dela pe kris katar o Kristo, so godi si garado andel traiuria le manushenge ai sar mothol e lashi viasta le Devleski kai me mothav.

¹⁷Indeed you bear the name of a Jew, and rest on the law, and glory in God,

¹⁷Numa tu des tu o anav Zhidovo, inkerdios katar o zakono, ai barimata keres che Devlesa,

¹⁸and know his will, and approve the things that are excellent, being instructed out of the law,

¹⁸zhanes e voia le Devleski, ai o zakono sichardia tu, te alos so si mishto;

¹⁹and are confident that you yourself are a guide of the blind, a light to those who are in darkness,

¹⁹tu gindis ke sai sikaves o drom le korhenge, ai sai aves iek vediara kodolenge kai si ando tuniariko,

²⁰a corrector of the foolish, a teacher of babies, having in the law the form of knowledge and of the truth.

²⁰tu sichares kodolen kai chi zhanen, ai sichares le ternen pa Del, ke tu zhanes ke o zakono sikavel vorta so si, o chachimos ai zhanglimos.

²¹You therefore who teach another, don’t you teach yourself? You who preach that a man shouldn’t steal, do you steal?

²¹Apo, tu kai sichares le kolavren, sostar chi sichares tu tut? Tu kai mothos ke chi trobul te chores, sostar tu chores?

²²You who say a man shouldn’t commit adultery. Do you commit adultery? You who abhor idols, do you rob temples?

²²Tu kai mothos ke chi trobul te phires pala kolavreski rhomni. Sostar tu keres kurvimos? Tu kai nai tuke drago le ikoni, Sostar chores andal tampluria?

²³You who glory in the law, through your disobedience of the law do you dishonor God?

²³Barimata keres ke si tu o zakono, numa nai tuke lazhav katar O Del kai keres so mothol o zakono te na keres.

²⁴For “the name of God is blasphemed among the Gentiles because of you,” Isaiah 52:5; Ezekiel 36:22 just as it is written.

²⁴Ke E Vorba le Devleski mothol, pala tumende le Zhiduvuria o kolaver narodo mothol nasulimos pa Del.

²⁵For circumcision indeed profits, if you are a doer of the law, but if you are a transgressor of the law, your circumcision has become uncircumcision.

²⁵Te keresa so mothol o zakono, o semno nai intaino, numa te na keresa so mothol o zakono, kadia si sar te na avilino semno pe tute.

²⁶If therefore the uncircumcised keep the ordinances of the law, won’t his uncircumcision be accounted as circumcision?

²⁶Ai o manush kai nas semno pe leste (nai Zhidovo), kerel o zakono sar lende ai kerel so phenel o zakono, O Del gindil pa leste sar ek Zhidovo.

²⁷Won’t the uncircumcision which is by nature, if it fulfills the law, judge you, who with the letter and circumcision are a transgressor of the law?

²⁷O manush kai nai semno pe leste ando stato kerel o zakono solaxasa, numa tu kai san ek Zhidovo chi keres o zakono, marka ke si tu o zakono ramome, ai ke te san semnosa.

²⁸For he is not a Jew who is one outwardly, neither is that circumcision which is outward in the flesh;

²⁸Chaches, o chacho Zhidovo nai ferdi kodo kai miazol, ai kai si semnome kai dichol avrial o stato,

²⁹but he is a Jew who is one inwardly, and circumcision is that of the heart, in the spirit not in the letter; whose praise is not from men, but from God.

²⁹numa o chacho Zhidovo si kodo kai si andral, ai kan si semno ande lesko ilo, iek semno kai avel katar O Swunto Duxo le Devlesko, ai na katar o zakono kai si ramome, o chacho Zhidovo avel lesko barimos na katar le manush, numa katar O Del.