¹My God, my God, why have you forsaken me? Why are you so far from helping me, and from the words of my groaning?

¹Mwari wangu, Mwari wangu, mandisiireiko? Munomirireiko kure pakundibatsira, napamashoko okugomba kwangu?

²My God, I cry in the daytime, but you don’t answer; in the night season, and am not silent.

²Mwari wangu, ndinodana masikati, asi hamupinduri; Nousiku, asi handiwani zororo.

³But you are holy, you who inhabit the praises of Israel.

³Asi imwi muri mutsvene, imwi mugere parumbidzo dzaIsiraeri.

⁴Our fathers trusted in you. They trusted, and you delivered them.

⁴Madzibaba edu akavimba nemi; Vakavimba, imwi mukavarwira.

⁵They cried to you, and were delivered. They trusted in you, and were not disappointed.

⁵Vakachema kwamuri, vakarwirwa; Vakavimba nemi, vakasanyadziswa.

⁶But I am a worm, and no man; a reproach of men, and despised by the people.

⁶Asi ini ndiri honye, handizi munhu; Ndiri chinhu chinozvidzwa navanhu, chinoshorwa navanhu vose.

⁷All those who see me mock me. They insult me with their lips. They shake their heads, saying,

⁷Vose, vanondiona vanondiseka; Vanoshamisa muromo, vanodzungudza misoro, vachiti,

⁸“He trusts in Yahweh; let him deliver him. Let him rescue him, since he delights in him.”

⁸Chizviisai kuna Jehovha; iye ngaamurwire; Ngaamurwire, zvaanomufarira iye.

⁹But you brought me out of the womb. You made me trust at my mother’s breasts.

⁹Asi ndimi makandibudisa pachizvaro; Makandivimbisa nemwi ndichiri pamazamu amai vangu.

¹⁰I was thrown on you from my mother’s womb. You are my God since my mother bore me.

¹⁰Ndakaiswa kwamuri kubva pachizvaro; imwi muri Mwari wangu kubva padumbu ramai vangu.

¹¹Don’t be far from me, for trouble is near. For there is none to help.

¹¹Regai kuva kure neni; nekuti njodzi iri pedo; nekuti hapana angabatsira.

¹²Many bulls have surrounded me. Strong bulls of Bashan have encircled me.

¹²Hondo zhinji dzakandikomba; Hondo dzine simba dzaBhashani dzakandipoteredza.

¹³They open their mouths wide against me, lions tearing prey and roaring.

¹³Dzinondishamisira miromo yadzo, Seshumba inoparadza ichiomba.

¹⁴I am poured out like water. All my bones are out of joint. My heart is like wax; it is melted within me.

¹⁴Ndakadururwa semvura, mafupa angu ose akasvodogoka; moyo wangu wakafanana nenamo; Wakanyauka mukati moura hwangu.

¹⁵My strength is dried up like a potsherd. My tongue sticks to the roof of my mouth. You have brought me into the dust of death.

¹⁵Simba rangu rakaoma sechaenga; Rurimi rwangu rwakanamatira pashaya dzangu; Makandiisa paguruva rorufu.

¹⁶For dogs have surrounded me. A company of evildoers have enclosed me. They have pierced my hands and feet. So Dead Sea Scrolls. Masoretic Text reads, “Like a lion, they pin my hands and feet.”

¹⁶Nekuti imbwa dzakandikomberedza; Ungano yavanoita zvakaipa yakandipoteredza; Vakaboora maoko angu namakumbo angu;

¹⁷I can count all of my bones. They look and stare at me.

¹⁷Ndingaverenga mafupa angu ose; Vanonditarira nokundinananidza;

¹⁸They divide my garments among them. They cast lots for my clothing.

¹⁸Vanogovana nguvo dzangu pakati pavo, Vanokanda mijenya pamusoro pehanzu yangu.

¹⁹But don’t be far off, Yahweh. You are my help: hurry to help me.

¹⁹Asi imwi Jehovha, regai kuva kure neni; imwi simba rangu, kurumidzai kundibatsira.

²⁰Deliver my soul from the sword, my precious life from the power of the dog.

²⁰Rwirai mweya wangu pamunondo; Mudikamwa wangu pasimba rembwa.

²¹Save me from the lion’s mouth! Yes, from the horns of the wild oxen, you have answered me.

²¹Ndiponesei pamuromo weshumba; Zvirokwazvo, makandipindura ndiri pakati penyanga dzenyati.

²²I will declare your name to my brothers. In the midst of the assembly, I will praise you.

²²Ndichadudzira zita renyu kuhama dzangu; Ndichakurumbidzai pakati peungano.

²³You who fear Yahweh, praise him! All you descendants of Jacob, glorify him! Stand in awe of him, all you descendants of Israel!

²³imwi munotya Jehovha, murumbidzei; imwi mose vana vaJakove, mukudzei; Mumutyei, imwi mose vana vaIsiraeri.

²⁴For he has not despised nor abhorred the affliction of the afflicted, Neither has he hidden his face from him; but when he cried to him, he heard.

²⁴Nekuti haana kuzvidza kana kusema dambudziko raanotambudzwa; Kana kumuvanzira chiso chake; Asi panguva yaakachema kwaari akamunzwa.

²⁵Of you comes my praise in the great assembly. I will pay my vows before those who fear him.

²⁵Kurumbidza kwangu paungano huru kunobva kwamuri; Ndicharipa mhiko dzangu pamberi pavanomutya.

²⁶The humble shall eat and be satisfied. They shall praise Yahweh who seek after him. Let your hearts live forever.

²⁶Vanyoro vachadya vakaguta; Vanotsvaka Jehovha ndivo vachamurumbidza; moyo yenyu ngairarame nokusingaperi.

²⁷All the ends of the earth shall remember and turn to Yahweh. All the relatives of the nations shall worship before you.

²⁷Migumo yose yenyika icharangarira nokudzokera kuna Jehovha; Marudzi ose avahedheni achanamata kwamuri.

²⁸For the kingdom is Yahweh’s. He is the ruler over the nations.

²⁸Nekuti ushe ndohwaJehovha; Ndiye mubati wavahedheni.

²⁹All the rich ones of the earth shall eat and worship. All those who go down to the dust shall bow before him, even he who can’t keep his soul alive.

²⁹Vakuru vose venyika vachadya nokunamata; Vose vanoburukira kuguruva vachapfugama pamberi pake, Naiye asingagoni kuraramisa mweya wake.

³⁰Posterity shall serve him. Future generations shall be told about the Lord.

³⁰Vana vake vachanamata kwaari; Rudzi runotevera ruchaudzwa zvaJehovha.

³¹They shall come and shall declare his righteousness to a people that shall be born, for he has done it.

³¹Vachauya vachidudzira kururama kwake Kuvanhu vachazozvarwa, kuti ndiye wakazviita.