¹ Bul gëdd mag, waaye waxtaanal ak moom ni sa baay. Ndaw it, nga digal ko ni sa rakk,

¹An aged person thou mayest not rebuke, but be entreating as a father; younger persons as brethren;

² jigéen ju mag, def ko ni sa yaay; ju ndaw, ni sa jigéen ak cell gu mat sëkk.

²aged women as mothers, younger ones as sisters — in all purity;

³ Ci wàllu ñi seen jëkkër faatu nag, ku ci sësul ci kenn, teral ko ngir Yàlla.

³honour widows who are really widows;

⁴ Waaye ku ci am ay doom mbaa ay sët, na njaboot googu jëkk a wone seen ragal Yàlla ci seen biir kër, ci delloo njukkal seen waajur, ndaxte loolu lu rafet la fa kanam Yàlla.

⁴and if any widow have children or grandchildren, let them learn first to their own house to show piety, and to give back a recompense to the parents, for this is right and acceptable before God.

⁵ Jigéen ju sësul ci kenn day wékk yaakaaram jépp ci Yàlla, sax ci di ko wéetal te di ko ñaan guddi ak bëccëg.

⁵And she who is really a widow and desolate, hath hoped upon God, and doth remain in the supplications and in the prayers night and day,

⁶ Waaye ki bànneex jiital, ndee luy dox la.

⁶and she who is given to luxury, living — hath died;

⁷ Dénk leen loolu, ngir ñu bañ a am benn gàkk.

⁷and these things charge, that they may be blameless;

⁸ Ndaxte ki defalul ay bokkam dara, rawatina ay waajuram, weddi na yoonu ngëm wi, ba yées ku gëmadi.

⁸and if any one for his own — and especially for those of the household — doth not provide, the faith he hath denied, and than an unbeliever he is worse.

⁹ Ku bëgg a bindu ci ñi seen jëkkër faatu, nii la war a mel: war na wees juróom-benn-fukki at, di jigéen ju yemoon ci jëkkëram,

⁹A widow — let her not be enrolled under sixty years of age, having been a wife of one husband,

¹⁰ te mu ràññiku ci jëf yu rafet yu deme ni yar ay guneem, man gan, geestu gaayi Yàlla yu sell yi, dimbali ñi nekk ci tiis; maanaa di ku takku ci mboolem jëf yu rafet yi.

¹⁰in good works being testified to: if she brought up children, if she entertained strangers, if saints` feet she washed, if those in tribulation she relieved, if every good work she followed after;

¹¹ Waaye bul bind jigéen ju ndaw, ndaxte bu ko ay bëgg-bëggam xiiree ci sore Kirist, dina bëgg a séyaat,

¹¹and younger widows be refusing, for when they may revel against the Christ, they wish to marry,

¹² te dina daje ak mbugal ndaxte fecci na kóllëre.

¹²having judgment, because the first faith they did cast away,

¹³ Te du yem ci bëgg a séyaat rekk, waaye ku tayel lay doon; di ku wër kër ak kër, rax-ca-dolli réy làmmiñ te deñ kumpa, di wax lu yoonam nekkul.

¹³and at the same time also, they learn [to be] idle, going about the houses; and not only idle, but also tattlers and busybodies, speaking the things they ought not;

¹⁴ Looloo tax ma bëgg, jigéen yu ndaw yi séyaat, am ay doom, yor seeni kër, ba seen benn noon du leen man a gàkkal.

¹⁴I wish, therefore, younger ones to marry, to bear children, to be mistress of the house, to give no occasion to the opposer to reviling;

¹⁵ Ndaxte fi mu ne sax am na ñu jeng xaat, ba topp Seytaane.

¹⁵for already certain did turn aside after the Adversary.

¹⁶ Kon nag jigéen ju gëm te am mbokk mu jëkkëram faatu, na ko dimbali te bañ koo bàyyeek mbooloom ñi gëm. Noonu mbooloo mi dina man a dimbali jigéen ñi sësul ci kenn.

¹⁶If any believing man or believing woman have widows, let them relieve them, and let not the assembly be burdened, that those really widows it may relieve.

¹⁷ Li jëm ci njiiti mbooloo mi nag, joxal teraanga ju mat sëkk ñi ciy rafetal seen liggéey, rawatina ñi sax dàkk ci waare bi ak njàngale mi.

¹⁷The well-leading elders of double honour let them be counted worthy, especially those labouring in word and teaching,

¹⁸ Ndaxte Mbind mi nee na: «Bul sunjuñ gémmiñu nag wu ñu takk bojjukaay,» nee na it: «Ku ñaq, jariñu.»

¹⁸for the Writing saith, `An ox treading out thou shalt not muzzle,` and `Worthy [is] the workman of his reward.`

¹⁹ Kuy tuumaal njiit fi yaw, bu ko gëm, li feek ñaar walla ñetti seede dëggaluñu ko.

¹⁹Against an elder an accusation receive not, except upon two or three witnesses.

²⁰ Waaye ñiy bàkkaar, yedd leen fa kanam ñépp, ngir artu ñi ci des.

²⁰Those sinning, reprove before all, that the others also may have fear;

²¹ Léegi nag maa ngi lay dénk fa kanam Yàlla ak Kirist Yeesu ak malaaka yu tedd ya, nga sàmm loolu ma wax te bañ cee gënale walla di ci parlàqu.

²¹I testify fully, before God and the Lord Jesus Christ, and the choice messengers, that these things thou mayest keep, without forejudging, doing nothing by partiality.

²² Bul gaaw a teg loxo kenn, ba fal ko, di séddu noonu ci bàkkaari jaambur, waaye dëkkal cig sell.

²²Be laying hands quickly on no one, nor be having fellowship with sins of others; be keeping thyself pure;

²³ Ba tey bul yemati ci ndox mu ñuul rekk, waaye nangay naan tuuti biiñ, ngir faj say metiti biir ak say jagadi yu bare.

²³no longer be drinking water, but a little wine be using, because of thy stomach and of thine often infirmities;

²⁴ Am na, ñu seeni bàkkaar fés ci kanamu ñépp, ba jiitu leen ca àtte ba; ñi seeni bàkkaar nëbbu nag, bés baa ngi leen di xaar.

²⁴of certain men the sins are manifest beforehand, leading before to judgment, and certain also they follow after;

²⁵ Naka noonu it am na, ñu seen jëf yu rafet leer, te yi feeñul mënuñoo nekk kumpa ba fàww.

²⁵in like manner also the right works are manifest beforehand, and those that are otherwise are not able to be hid.