¹ Nanga xam lii: bési tiis yu tar ñu ngi nuy tëru ci muju jamono.

¹And this know thou, that in the last days there shall come perilous times,

² Ndaxte nit ñi dinañu siis te fonk xaalis, di ñu réy tey yég seen bopp, ñuy xaste tey xëtt ndigalu waajur; duñu am kóllëre, sellaay

²for men shall be lovers of themselves, lovers of money, boasters, proud, evil-speakers, to parents disobedient, unthankful, unkind,

³ mbaa cofeel; dañuy jàpp mer ak a sos; ñu xér lañuy doon, ñu soxor te bañ lu baax;

³without natural affection, implacable, false accusers, incontinent, fierce, not lovers of those who are good,

⁴ ay workat lañuy doon, di ñu ëppal te bare tiitar; seen bànneex a leen gënal Yàlla.

⁴traitors, heady, lofty, lovers of pleasure more than lovers of God,

⁵ Dañuy mbubboo diine waaye nanguwuñu koo dugal seen xol. Ñu deme noonu, dëddu leen.

⁵having a form of piety, and its power having denied; and from these be turning away,

⁶ Nit ñu mel noonu ñooy yoxoosu ci biir kër yi, ba fàbbi jigéen ñu ñàkk pasteef, ñi seeni bàkkaar ub seen bopp, te bëgg-bëgg yu wuute jiital leen.

⁶for of these there are those coming into the houses and leading captive the silly women, laden with sins, led away with desires manifold,

⁷ Duñu noppee gëstu, waaye duñu man a yegg ci xam-xamu dëgg mukk.

⁷always learning, and never to a knowledge of truth able to come,

⁸ Nit ñooñu dañuy bëreek dëgg, ni Sànnes ak Sàmbares bëree woon ak Musaa; ay boroom xel yu gumba lañu, yu seen ngëm tekkiwul dara.

⁸and, even as Jannes and Jambres stood against Moses, so also these do stand against the truth, men corrupted in mind, disapproved concerning the faith;

⁹ Waaye duñu dem fu sore, ndax seen ñàkk xel dina bir ñépp, ni mu dale woon Sànnes ak Sàmbares.

⁹but they shall not advance any further, for their folly shall be manifest to all, as theirs also did become.

¹⁰ Waaye yaw nag xam nga bu baax sama njàngale, sama dund, sama takkute, sama ngëm, sama muñ, sama mbëggeel ak sama dékku tiis.

¹⁰And thou -- thou hast followed after my teaching, manner of life, purpose, faith, long-suffering, love, endurance,

¹¹ Xam nga li ma daj ciy fitna ak i coono ci dëkki Ancos, Ikoñum ak Listar. Céy li ma jànkoonteel ciy fitna! Waaye Boroom bi musal na ma ci lépp.

¹¹the persecutions, the afflictions, that befel me in Antioch, in Iconium, in Lystra; what persecutions I endured, and out of all the Lord did deliver me,

¹² Te ku bokk ci Kirist Yeesu, te bëgg dund dund gu ànd ak ragal Yàlla, alamikk ñu fitnaal la.

¹²and all also who will to live piously in Christ Jesus shall be persecuted,

¹³ Waaye nit ñu bon ñi ak naaféq yi dinañu fi yées, di naxe ak a nax seen bopp.

¹³and evil men and impostors shall advance to the worse, leading astray and being led astray.

¹⁴ Yaw nag saxal ci li nga jàng te mu wóor la, xam fi nga tibbe.

¹⁴And thou -- be remaining in the things which thou didst learn and wast entrusted with, having known from whom thou didst learn,

¹⁵ Li dale ci sa ngune xam nga Mbind mu sell, mi la man a yee ci yoonu mucc, jaar ci gëm Kirist Yeesu.

¹⁵and because from a babe the Holy Writings thou hast known, which are able to make thee wise -- to salvation, through faith that [is] in Christ Jesus;

¹⁶ Mbind mu sell mépp, ci gémmiñu Yàlla la jóge, te am na njariñ ngir jàngal nit ñi, yedd leen, jubbanti leen te yee leen ci njub.

¹⁶every Writing [is] God-breathed, and profitable for teaching, for conviction, for setting aright, for instruction that [is] in righteousness,

¹⁷ Noonu waayu Yàlla ji dina mat, ba jekk ci bépp jëf ju rafet.

¹⁷that the man of God may be fitted -- for every good work having been completed.