¹ Wax ju wóor a ngii: kuy sabablu yenub sàmm mbooloo mi, mu ngi yóotu liggéey bu rafet.

¹The word [is] faithful: if any one aspires to exercise oversight, he desires a good work.

² Sàmm bi nag, nii la war a mel: war na ñàkk ŋàññ, yem ci benn soxna, moom boppam te maandu; war na am faayda, man gan te am mayu jàngale;

²The overseer then must be irreproachable, husband of one wife, sober, discreet, decorous, hospitable, apt to teach;

³ warul di ab màndikat mbaa xeexkat, waaye na lewet te jàmmu, bañ a bëgge ci xaalis.

³not given to excesses from wine, not a striker, but mild, not addicted to contention, not fond of money,

⁴ Na yor këram yorin wu rafet, te ay doomam déggal ko ak teggin yu mat.

⁴conducting his own house well, having [his] children in subjection with all gravity;

⁵ Ndaxte ku mënta yor njabootam, naka lay man a yore njabootu Yàlla?

⁵(but if one does not know how to conduct his own house, how shall he take care of the assembly of God?)

⁶ Te it bumu nekk kuy door a gëm, ngir mu bañ a yég boppam, bay dajeek mbugalu Yàlla, ni ko Seytaane defe woon.

⁶not a novice, that he may not, being inflated, fall into [the] fault of the devil.

⁷ Te it war na am seede su rafet ci waa àddina, ngir ñu bañ koo diiŋat, ba muy daanu ci fiiru Seytaane.

⁷But it is necessary that he should have also a good testimony from those without, that he may fall not into reproach and [the] snare of the devil.

⁸ Kiy topptoo li mbooloo miy jëfandikoo itam na am faayda te fonk kàddoom; bumu di ku yàqu ci sangara, mbaa ku alal jiital.

⁸Ministers, in like manner, grave, not double-tongued, not given to much wine, not seeking gain by base means,

⁹ Na sàmm mbóoti ngëm gi ak xel mu dal.

⁹holding the mystery of the faith in a pure conscience.

¹⁰ Moom itam nañu ko jëkk a seetlu, ba mu leer ne amul ŋàññ, ñu door koo fal.

¹⁰And let these be first proved, then let them minister, being without charge [against them].

¹¹ Naka noonu, na jigéen ñi am faayda, bañ a jëw mbaa xér ci dara, waaye nañu takku ci lépp.

¹¹[The] women in like manner grave, not slanderers, sober, faithful in all things.

¹² Ku ñu dénk sasu topptoo yëfi mbooloo mi nag, nay ku yem ci benn soxna, jiite bu baax këram ak i doomam.

¹²Let [the] ministers be husbands of one wife, conducting [their] children and their own houses well:

¹³ Ndaxte ku ci rafetal sasam dina am tur wu tedd ak kóolute gu mat sëkk ci yoonu ngëm, gi ci Kirist Yeesu.

¹³for those who shall have ministered well obtain for themselves a good degree, and much boldness in faith which [is] in Christ Jesus.

¹⁴ Bëgg naa laa seetsi balaa yàgg,

¹⁴These things I write to thee, hoping to come to thee more quickly;

¹⁵ waaye amaana mu yéex. Moo tax ma lay bind bataaxal bii, ngir xamal la, ni ñu war a nekke ci kër Yàlla gi, maanaam ci mbooloom Yàlla Aji Dund ji, miy kenug dëgg te di sëslaayam.

¹⁵but if I delay, in order that thou mayest know how one ought to conduct oneself in God's house, which is [the] assembly of [the] living God, [the] pillar and base of the truth.

¹⁶ Ci dëgg-dëgg ragal Yàlla ëmb na mbóot yu xóot:Ki wàcc, yor bindu nit,mu bir ne xelam jub na,te malaaka ya gis ko;xamlees na ko ci xeet yi,ñu gëm ko ci kaw suuf,te Yàlla teeru ko ci ndamam.

¹⁶And confessedly the mystery of piety is great. God has been manifested in flesh, has been justified in [the] Spirit, has appeared to angels, has been preached among [the] nations, has been believed on in [the] world, has been received up in glory.