¹ Mbaa du danoo tàmbalee tëgguwaat nag? Mbaa du danoo soxla ni ñenn ñi ay dénkaane yu ñu nuy gërëme, te ñuy bataaxal yu jóge ci yéen walla yu jëm ci yéen?

¹Do we begin again to commend ourselves? or do we need, as some, commendatory letters to you, or [commendatory] from you?

² Déedéet, yéenay sunu bataaxal, te ci sunu xol lañu ko bind, di bataaxal bu nit ñépp man a xam te jàng ko;

²*Ye* are our letter, written in our hearts, known and read of all men,

³ ndaxte leer na ne, bataaxal bu jóge ci Kirist ngeen, bu mu jaarale ci nun. Bindeesu ko daa, waaye ci Xelum Yàlla miy dund lees ko binde; te du ci àlluway doj lañu ko rëdd, waaye ci xolu doom Aadama.

³being manifested to be Christ's epistle ministered by us, written, not with ink, but [the] Spirit of [the] living God; not on stone tables, but on fleshy tables of [the] heart.

⁴ Googu kóolute lanu am fa kanam Yàlla ndax Kirist.

⁴And such confidence have we through the Christ towards God:

⁵ Du caageen nag ne, àttan nanu dara ci sunu man-man, ba nu yaakaar dara ci sunu bopp, waaye sunu kàttan ci Yàlla lay jóge.

⁵not that we are competent of ourselves to think anything as of ourselves, but our competency [is] of God;

⁶ Moo nu jox kàttan, nu nekk ndaw yuy xamle kóllëre gu bees gi. Te kóllëre googu ajuwul ci ay sàrti diine, waaye mi ngi aju ci jëfu Xelum Yàlla. Ndaxte sàrti kese day jëme ci dee, waaye Xelum Yàlla dafay joxe dund.

⁶who has also made us competent, [as] ministers of [the] new covenant; not of letter, but of spirit. For the letter kills, but the Spirit quickens.

⁷ Ba ñu bindee arafi sàrt yi ciy àlluway doj, leeraayu ndamu Yàlla nekk fa. Xar-kanamu Musaa di leer, ba bànni Israyil duñu ko man a xool, fekk leer ga di wéy. Ndegam sàrti yoon yooyuy jëme ci dee, ñoo ànd ak ndam,

⁷(But if the ministry of death, in letters, graven in stones, began with glory, so that the children of Israel could not fix their eyes on the face of Moses, on account of the glory of his face, [a glory] which is annulled;

⁸ rawatina nag ne, jëfu Xelum Yàlla dina gën a ànd ak ndam.

⁸how shall not rather the ministry of the Spirit subsist in glory?

⁹ Su fekkee ne tëralin, wiy teg nit tooñ, àndoon na ak ndam, rawatina ci tëralin wiy àtte nit jub.

⁹For if the ministry of condemnation [be] glory, much rather the ministry of righteousness abounds in glory.

¹⁰ Ndaxte ndam li amoon keroog suux na ci ndam li ko raw léegi.

¹⁰For also that [which was] glorified is not glorified in this respect, on account of the surpassing glory.

¹¹ Te it ndegam li wéy dafa amoon ndam, astemaak li fi sax.

¹¹For if that annulled [was introduced] with glory, much rather that which abides [subsists] in glory.

¹² Kon nag gannaaw wékku nanu ci yaakaar ju mel noonu, danuy waare ak kóolute gu mag.

¹²Having therefore such hope, we use much boldness:

¹³ Dunu def ni Musaa, mi daan muur xar-kanamam, ngir bànni Israyil bañ a gis jeexug leer googu saxul.

¹³and not according as Moses put a veil on his own face, so that the children of Israel should not fix their eyes on the end of that annulled.

¹⁴ Waaye seen xel dafa daldi gumba. Ba tey jii sax, bu ñuy jàng téereb kóllëre gu jëkk gi, muuraay moomu dafay des; deñul, ndaxte ci Kirist rekk la man a deñe.

¹⁴But their thoughts have been darkened, for unto this day the same veil remains in reading the old covenant, unremoved, which in Christ is annulled.

¹⁵ Waaw, ba tey jii, su ñuy jàng yoonu Musaa, seen xol dafay muuru.

¹⁵But unto this day, when Moses is read, the veil lies upon their heart.

¹⁶ Waaye saa su kenn walbatikoo ci Boroom bi, muuraay gi daldi muriku.

¹⁶But when it shall turn to [the] Lord, the veil is taken away.)

¹⁷ Fekk nag Boroom, bi ñuy wax foofu, moo di Xelum Yàlla, te fu Xelu Boroom bi nekk, foofa yaatu gu mat am na fa.

¹⁷Now the Lord is the Spirit, but where the Spirit of [the] Lord [is, there is] liberty.

¹⁸ Te nun ñépp nag, danuy lerxat ndamu Boroom bi ak xar-kanam bu muuruwul, bay soppiku ci melokaanam, ànd ak ndam luy yokku te sax ci dooley Boroom biy Xelum Yàlla.

¹⁸But *we* all, looking on the glory of the Lord, with unveiled face, are transformed according to the same image from glory to glory, even as by [the] Lord [the] Spirit.