¹ Léegi nag bokk yi, maa ngi leen di fàttali xebaar bu baax bi ma leen yégal. Xebaar bu baax boobu, nangu ngeen ko te yéena ngi ciy sax.

¹Now I declare to you, brothers, the Good News which I preached to you, which also you received, in which you also stand,

² Ci moom ngeen jaare, ba mucc, bu ngeen téyee bu dëgër njàngale mi, ni ma leen ko yégale. Walla xanaa boog gëm ngeen ko cig neen?

²by which also you are saved, if you hold firmly the word which I preached to you—unless you believed in vain.

³ Li ma jotoon, jottali naa leen ko, te moo jëkk ci maana yi: Kirist dee na ngir dindi sunuy bàkkaar, ni ko Mbind mi tërale,

³For I delivered to you first of all that which I also received: that Christ died for our sins according to the Scriptures,

⁴ suul nañu ko, mu dekki ca ñetteelu fan ba, ni ko Mbind mi tërale.

⁴that he was buried, that he was raised on the third day according to the Scriptures,

⁵ Feeñu na Sefas, teg ca fukki taalibe ya ak ñaar.

⁵and that he appeared to Cephas, then to the twelve.

⁶ Gannaaw ga feeñu na lu ëpp juróomi téeméeri bokki taalibe ci benn yoon. Te ñu bare ci ñoom ñu ngi dund ba léegi, waaye am na ci ñu nelaw.

⁶Then he appeared to over five hundred brothers at once, most of whom remain until now, but some have also fallen asleep.

⁷ Ba noppi feeñu na Saag ak ndawi Kirist yépp.

⁷Then he appeared to James, then to all the apostles,

⁸ Man nag la mujj a feeñu, ma mel ni liir bu judduwul ci jamonoom.

⁸and last of all, as to the child born at the wrong time, he appeared to me also.

⁹ Ndaxte maa gën a ñàkk solo ci ndawi Kirist yi, te yeyoowuma sax, ñu may wooye ndaw, man mi doon fitnaal mbooloom Yàlla.

⁹For I am the least of the apostles, who is not worthy to be called an apostle, because I persecuted the assembly of God.

¹⁰ Waaye nag yiwu Yàlla moo tax ma doon li ma doon, te yiw, wi mu wone ci man, du cig neen. Waaye sax maa gën a liggéey ñi ci des ñépp: du ci man, waaye yiwu Yàlla, wiy jëf ci man, moo tax.

¹⁰But by the grace of God I am what I am. His grace which was bestowed on me was not futile, but I worked more than all of them; yet not I, but the grace of God which was with me.

¹¹ Noonu nag muy man muy ñoom, dénkaane boobu lanuy yégle, te moom ngeen gëm.

¹¹Whether then it is I or they, so we preach, and so you believed.

¹² Waaye su nu yéglee ne, Kirist dekki na, nan la ñenn ñi ci yéen man a waxe ne, néew yi duñu dekki?

¹²Now if Christ is preached, that he has been raised from the dead, how do some among you say that there is no resurrection of the dead?

¹³ Su fekkee ne ñi dee duñu dekki, kon Kirist it dekkiwul.

¹³But if there is no resurrection of the dead, neither has Christ been raised.

¹⁴ Te su Kirist dekkiwul, sunu waare day neen, te it seen ngëm day neen.

¹⁴If Christ has not been raised, then our preaching is in vain, and your faith also is in vain.

¹⁵ Rax-ca-dolli gis nañu ne, seedeel nanu Yàlla ay fen, ndaxte seede nanu ci mbiram ne, dekkal na Yeesu, te fekk dekkalu ko, su néew yi dul dekki.

¹⁵Yes, we are found false witnesses of God, because we testified about God that he raised up Christ, whom he didn’t raise up, if it is so that the dead are not raised.

¹⁶ Su néew yi dul dekki, Kirist moom it dekkiwul.

¹⁶For if the dead aren’t raised, neither has Christ been raised.

¹⁷ Te su Kirist dekkiwul, seen ngëm du am solo, ba tey yéena ngi ci seeni bàkkaar.

¹⁷If Christ has not been raised, your faith is vain; you are still in your sins.

¹⁸ Te it ñi dee ba noppi ci Kirist sànku nañu.

¹⁸Then they also who are fallen asleep in Christ have perished.

¹⁹ Su fekkee ci giiru dund gii rekk la sunu yaakaar ci Kirist ame solo, kon noo gën a mat a yërëm ñépp.

¹⁹If we have only hoped in Christ in this life, we are of all men most pitiable.

²⁰ Waaye léegi Kirist dekki na, di ku jëkk a dekki, ni gub yi ñu jëkk a tànne ci ngóob mi, jagleel leen Yàlla.

²⁰But now Christ has been raised from the dead. He became the first fruits of those who are asleep.

²¹ Gannaaw ci nit la dee jaar, dugg àddina, kon it ci nit la ndekkite jaar.

²¹For since death came by man, the resurrection of the dead also came by man.

²² Kon ni ñépp deeye ci seen bokk ci Aadama, noonu la ñépp di dundaate ci seen bokk ci Kirist.

²²For as in Adam all die, so also in Christ all will be made alive.

²³ Waaye ku nekk ak ayam. Kirist moo jëkk, mel ni gub yi ñu jëkk a tànne ci ngóob mi, ba noppi, bu Kirist dellusee, ñi bokk ci moom jël seen ay.

²³But each in his own order: Christ the first fruits, then those who are Christ’s, at his coming.

²⁴ Gannaaw ga, mujug jamono taxaw, te Kirist dina noot gépp kilifa ak bépp sañ-sañ ak doole, ba noppi delloo nguur gi kiy Yàlla di Baayam.

²⁴Then the end comes, when he will deliver up the Kingdom to God, even the Father; when he will have abolished all rule and all authority and power.

²⁵ Ndaxte fàww Kirist nguuru, ba kera Yàlla di daaneel noonam yépp ciy tànkam.

²⁵For he must reign until he has put all his enemies under his feet.

²⁶ Noon bu mujj, bi mu fiy jële, mooy dee.

²⁶The last enemy that will be abolished is death.

²⁷ Ndaxte Mbind mi nee na: «Yàlla nootal na ko lépp, mu teg ci tànk.» Waaye bu Mbind mi nee, «noot na lépp,» wóor na ne, moom mi ko nootal lépp, génne na ci boppam.

²⁷For, “He put all things in subjection under his feet.” Psalm 8:6 But when he says, “All things are put in subjection,” it is evident that he is excepted who subjected all things to him.

²⁸ Léegi bu ñu ko nootalee lépp nag, moom Kirist muy Doom ji dina delloo kilifteef gi Yàlla, mi ko nootal lépp, ngir Yàlla nekk buur ci lépp.

²⁸When all things have been subjected to him, then the Son will also himself be subjected to him who subjected all things to him, that God may be all in all.

²⁹ Su ndekkite amul, kon ñi ñu sóob ci ndox ngir ñi dee, lu mu leen di jariñ? Su dekki amul, kon lu tax ñu leen di sóob ngir ñi dee?

²⁹Or else what will they do who are baptized for the dead? If the dead aren’t raised at all, why then are they baptized for the dead?

³⁰ Te nun it lu tax fu nu tollu nu jaay sunu bakkan?

³⁰Why do we also stand in jeopardy every hour?

³¹ Bokk yi, ni ma damoo ci yéen ndax Yeesu Kirist, ni la ma wóore ne, bés bu nekk ma riisu dee.

³¹I affirm, by the boasting in you which I have in Christ Jesus our Lord, I die daily.

³² Su fekkee ne ci ni ñu ko waxe, xeex naa ca dëkku Efes ak rabi àll, kon ban njariñ la may amal? Su néew yi dul woon dekki, am na lu ci léeb wax:«Nanu lekk di naan, ndaxte ëllëg dinanu dee.»

³²If I fought with animals at Ephesus for human purposes, what does it profit me? If the dead are not raised, then “let us eat and drink, for tomorrow we die.” Isaiah 22:13

³³ Bu leen ko réere mbir: «Ànd bu bon dina yàq nit ku baax.»

³³Don’t be deceived! “Evil companionships corrupt good morals.”

³⁴ Delloosileen xel yi te bàyyi bàkkaar, ndaxte am na ci yéen, ñu umple Yàlla. Kon war ngeen a rus!

³⁴Wake up righteously, and don’t sin, for some have no knowledge of God. I say this to your shame.

³⁵ Waaye dina am kuy naan: «Nan la néew yi di dekkee? Wan yaram lañuy dellusee?»

³⁵But someone will say, “How are the dead raised?” and, “With what kind of body do they come?”

³⁶ Yaa gàtt xel! Li ngay ji, du jebbi dund gu bees, fi ak deewul ba noppi.

³⁶You foolish one, that which you yourself sow is not made alive unless it dies.

³⁷ Te li ngay ji du jëmmi gàncax giy ñëwi, waaye pepp kese la, maanaam dugub, walla weneen jiwu.

³⁷That which you sow, you don’t sow the body that will be, but a bare grain, maybe of wheat, or of some other kind.

³⁸ Noonu Yàlla jox ko jëmm ju ko neex, jiwu wu nekk ak jëmmam.

³⁸But God gives it a body even as it pleased him, and to each seed a body of its own.

³⁹ Jëmmi mbindeef yépp a wuute: nit ak jëmmam, mala, picc, jën — yu ci nekk ak sa jëmmi bopp.

³⁹All flesh is not the same flesh, but there is one flesh of men, another flesh of animals, another of fish, and another of birds.

⁴⁰ Am na itam ay jëmm ca asamaan ak ay jëmm ci suuf. Leeru jëmm ca asamaan wuute na ak gi ci suuf.

⁴⁰There are also celestial bodies, and terrestrial bodies; but the glory of the celestial differs from that of the terrestrial.

⁴¹ Jant bi, weer wi ak biddiiw, lu nekk ak sag leer. Te it leeru biddiiw bu nekk dina wuute ak moroomam.

⁴¹There is one glory of the sun, another glory of the moon, and another glory of the stars; for one star differs from another star in glory.

⁴² Noonu la ndekkitel néew yi di deme. Bu ñu suulee néew bi, dañoo ji lu yàqu. Bu dekkee, du yàqooti ba abadan.

⁴²So also is the resurrection of the dead. It is sown in corruption; it is raised in incorruption.

⁴³ Lu ñàkk solo lañuy suul; mu dekki ak ndam. Lu néew doole lañuy suul, mu dekki ak kàttan.

⁴³It is sown in dishonor; it is raised in glory. It is sown in weakness; it is raised in power.

⁴⁴ Bu ñu koy suul, yaram lay doon wu soloo woon ruu. Bu dekkee, doon yaram wu soloo ndamu Xelum Yàlla. Ndegam am na yaram wu soloo ruu, kon dina am yaram wu soloo ndamu Xelum Yàlla.

⁴⁴It is sown a natural body; it is raised a spiritual body. There is a natural body and there is also a spiritual body.

⁴⁵ Mbind mi nee na: «Nit ku jëkk ka, Aadama, doon na boroom ruu,» waaye Aadama mu mujj mi doon na Xel muy joxe dund.

⁴⁵So also it is written, “The first man, Adam, became a living soul.” Genesis 2:7 The last Adam became a life-giving spirit.

⁴⁶ Yaram wi soloo ndamu Xelum Yàlla jiituwul; yaramu doom Aadama moo jiitu; yaramu ndam li moo ci topp.

⁴⁶However that which is spiritual isn’t first, but that which is natural, then that which is spiritual.

⁴⁷ Nit ku jëkk ka pëndu suuf la woon; ñaareelu nit ki di Kirist, mi ngi jóge asamaan.

⁴⁷The first man is of the earth, made of dust. The second man is the Lord from heaven.

⁴⁸ Waa àddina yor nañu jëmmi nit, ki ñu sàkke ci suuf; noonu it ñi bokk ci asamaan dinañu yor melokaanu ki jóge ci asamaan.

⁴⁸As is the one made of dust, such are those who are also made of dust; and as is the heavenly, such are they also that are heavenly.

⁴⁹ Te ni nu yore melokaanu ki ñu sàkke ci suuf, noonu lanuy yoreji melokaanu ki jóge ca asamaan.

⁴⁹As we have borne the image of those made of dust, let’s NU, TR read “we will” instead of “let’s” also bear the image of the heavenly.

⁵⁰ Li may wax nag bokk yi, moo di ne, sunu yaram wii mënul a am wàll ci nguuru Yàlla, te lu yàqu mënul a am wàll ci liy sax abadan.

⁵⁰Now I say this, brothers, The word for “brothers” here and where context allows may also be correctly translated “brothers and sisters” or “siblings.” that flesh and blood can’t inherit the Kingdom of God; neither does corruption inherit incorruption.

⁵¹ Lii ma leen di xamal, mbóotu Yàlla la. Dégluleen, dunu jaar ci dee nun ñépp, waaye nun ñépp dinanu soppiku,

⁵¹Behold, I tell you a mystery. We will not all sleep, but we will all be changed,

⁵² ci saa su gàtt, ci xef-ak-xippi, bu liit gu mujj gi jibee. Ndax liit gi dina jib, néew yi dekki, di dund abadan, te nun dinanu soppiku.

⁵²in a moment, in the twinkling of an eye, at the last trumpet. For the trumpet will sound, and the dead will be raised incorruptible, and we will be changed.

⁵³ Yaram wu yàqu war na sol jëmm ja dul yàqooti, te yaram wiy dee sol dund gu sax abadan.

⁵³For this corruptible must put on incorruption, and this mortal must put on immortality.

⁵⁴ Bu li yàqu solee melokaanu li dul yàqu, te liy dee sol melokaanu liy sax abadan, kon lii ñu wax ci Mbind mi mat:«Yàlla noot na dee, ba labal ko ci ndamam.

⁵⁴But when this corruptible will have put on incorruption, and this mortal will have put on immortality, then what is written will happen: “Death is swallowed up in victory.” Isaiah 25:8

⁵⁵ Céy yaw dee! Ana sa ndam?Céy yaw dee! Ana sa daŋar ji ngay fitte?»

⁵⁵“Death, where is your sting? Hades or, Hell , where is your victory?” Hosea 13:14

⁵⁶ Daŋaru dee mooy bàkkaar, te dooley bàkkaar mooy Yoon wi.

⁵⁶The sting of death is sin, and the power of sin is the law.

⁵⁷ Waaye jërë-jëf yaw Yàlla, ji nu jox ndam li jaarale ko ci sunu Boroom Yeesu Kirist!

⁵⁷But thanks be to God, who gives us the victory through our Lord Jesus Christ.

⁵⁸ Kon nag sama bokk yi ma sopp, nangeen takku, sampu ba dëgër, te gën a sawar ci liggéeyu Boroom bi, xam ne seen liggéey, bi jëm ci Boroom bi, du neen.

⁵⁸Therefore, my beloved brothers, be steadfast, immovable, always abounding in the Lord’s work, because you know that your labor is not in vain in the Lord.