¹ Nanga xam lii: bési tiis yu tar ñu ngi nuy tëru ci muju jamono.

¹But know this, that in the last days, grievous times will come.

² Ndaxte nit ñi dinañu siis te fonk xaalis, di ñu réy tey yég seen bopp, ñuy xaste tey xëtt ndigalu waajur; duñu am kóllëre, sellaay

²For men will be lovers of self, lovers of money, boastful, arrogant, blasphemers, disobedient to parents, unthankful, unholy,

³ mbaa cofeel; dañuy jàpp mer ak a sos; ñu xér lañuy doon, ñu soxor te bañ lu baax;

³without natural affection, unforgiving, slanderers, without self-control, fierce, no lovers of good,

⁴ ay workat lañuy doon, di ñu ëppal te bare tiitar; seen bànneex a leen gënal Yàlla.

⁴traitors, headstrong, conceited, lovers of pleasure rather than lovers of God;

⁵ Dañuy mbubboo diine waaye nanguwuñu koo dugal seen xol. Ñu deme noonu, dëddu leen.

⁵holding a form of godliness, but having denied its power. Turn away from these, also.

⁶ Nit ñu mel noonu ñooy yoxoosu ci biir kër yi, ba fàbbi jigéen ñu ñàkk pasteef, ñi seeni bàkkaar ub seen bopp, te bëgg-bëgg yu wuute jiital leen.

⁶For some of these are people who creep into houses, and take captive gullible women loaded down with sins, led away by various lusts,

⁷ Duñu noppee gëstu, waaye duñu man a yegg ci xam-xamu dëgg mukk.

⁷always learning, and never able to come to the knowledge of the truth.

⁸ Nit ñooñu dañuy bëreek dëgg, ni Sànnes ak Sàmbares bëree woon ak Musaa; ay boroom xel yu gumba lañu, yu seen ngëm tekkiwul dara.

⁸Even as Jannes and Jambres opposed Moses, so do these also oppose the truth; men corrupted in mind, who concerning the faith, are rejected.

⁹ Waaye duñu dem fu sore, ndax seen ñàkk xel dina bir ñépp, ni mu dale woon Sànnes ak Sàmbares.

⁹But they will proceed no further. For their folly will be evident to all men, as theirs also came to be.

¹⁰ Waaye yaw nag xam nga bu baax sama njàngale, sama dund, sama takkute, sama ngëm, sama muñ, sama mbëggeel ak sama dékku tiis.

¹⁰But you did follow my teaching, conduct, purpose, faith, patience, love, steadfastness,

¹¹ Xam nga li ma daj ciy fitna ak i coono ci dëkki Ancos, Ikoñum ak Listar. Céy li ma jànkoonteel ciy fitna! Waaye Boroom bi musal na ma ci lépp.

¹¹persecutions, and sufferings: those things that happened to me at Antioch, Iconium, and Lystra. I endured those persecutions. Out of them all the Lord delivered me.

¹² Te ku bokk ci Kirist Yeesu, te bëgg dund dund gu ànd ak ragal Yàlla, alamikk ñu fitnaal la.

¹²Yes, and all who desire to live godly in Christ Jesus will suffer persecution.

¹³ Waaye nit ñu bon ñi ak naaféq yi dinañu fi yées, di naxe ak a nax seen bopp.

¹³But evil men and impostors will grow worse and worse, deceiving and being deceived.

¹⁴ Yaw nag saxal ci li nga jàng te mu wóor la, xam fi nga tibbe.

¹⁴But you remain in the things which you have learned and have been assured of, knowing from whom you have learned them.

¹⁵ Li dale ci sa ngune xam nga Mbind mu sell, mi la man a yee ci yoonu mucc, jaar ci gëm Kirist Yeesu.

¹⁵From infancy, you have known the holy Scriptures which are able to make you wise for salvation through faith, which is in Christ Jesus.

¹⁶ Mbind mu sell mépp, ci gémmiñu Yàlla la jóge, te am na njariñ ngir jàngal nit ñi, yedd leen, jubbanti leen te yee leen ci njub.

¹⁶Every Scripture is God-breathed and or, Every writing inspired by God is profitable for teaching, for reproof, for correction, and for instruction in righteousness,

¹⁷ Noonu waayu Yàlla ji dina mat, ba jekk ci bépp jëf ju rafet.

¹⁷that the man of God may be complete, thoroughly equipped for every good work.