¹ Kon nag képp ku mu man a doon, yaw miy àtte sa moroom ak ñaaw njort, amuloo aw lay, ndaxte àtte sa moroom, daan sa bopp la; yaa ngi koy àtte ndax ay jëfam, fekk yaw itam noonu ngay jëfe.

¹Therefore you are without excuse, O man, whoever you are who judge. For in that which you judge another, you condemn yourself. For you who judge practice the same things.

² Xam nanu ne, ñiy jëfe noonu, Yàlla dina leen àtte, te àtteem jub na.

²We know that the judgment of God is according to truth against those who practice such things.

³ Yaw nag miy àtte ñiy def loolu, te di ko def, ndax defe nga ne, dinga rëcc ci àtteb Yàlla?

³Do you think this, O man who judges those who practice such things, and do the same, that you will escape the judgment of God?

⁴ Ndax dangaa xeeb mbaaxu Yàlla, mi yéex a mer te di la muñal? Xanaa xamuloo ne, Yàllaa ngi lay won baaxaayam, ngir nga réccu say bàkkaar?

⁴Or do you despise the riches of his goodness, forbearance, and patience, not knowing that the goodness of God leads you to repentance?

⁵ Waaye ndegam dëgër nga bopp te bëgguloo réccu, yaa ngi dajale merum Yàlla ci sa bopp. Ndaxte Yàlla sàkk na bés bu muy wone àtteem bu jub bi te meram wàcc ci ñi bon;

⁵But according to your hardness and unrepentant heart you are treasuring up for yourself wrath in the day of wrath, revelation, and of the righteous judgment of God;

⁶ bés booba dina delloo ku nekk ay jëfam.

⁶who “will pay back to everyone according to their works:” Psalm 62:12; Proverbs 24:12

⁷ Ñiy góor-góorlu ciy def lu baax, bëgg Yàlla boole leen ca ndamam te sédde leen ngërëm ak dund gu sax, dina leen tàbbal ci dund gu dul jeex.

⁷to those who by patience in well-doing seek for glory, honor, and incorruptibility, eternal life;

⁸ Waaye ñi dëgër bopp, ba tanqamlu dëgg, di topp lu jubadi, seen pey mooy dooni merum Yàlla ak toroxte.

⁸but to those who are self-seeking, and don’t obey the truth, but obey unrighteousness, will be wrath and indignation,

⁹ Ki doon def lu bon, peyam mooy tiis ak metit wu tar, muy Yawut ci bu jëkk, mbaa ki dul Yawut.

⁹oppression and anguish, on every soul of man who works evil, to the Jew first, and also to the Greek.

¹⁰ Waaye ki doon def lu baax, añam mooy bokk ci ndamu Yàlla, am ngërëm ak jàmm, muy Yawut ci bu jëkk, mbaa ki dul Yawut.

¹⁰But glory, honor, and peace go to every man who works good, to the Jew first, and also to the Greek.

¹¹ Ndaxte ñépp a yem fa kanam Yàlla.

¹¹For there is no partiality with God.

¹² Képp ku doon bàkkaar nag te nekkuloo woon ci yoonu Musaa, Yàlla dina la àtte ci lu dul yoonu Musaa, nga door a sànku. Te képp ku doon bàkkaar te nga nekkoon ci yoonu Musaa, Yàlla dina la àtte ci yoon woowu.

¹²For as many as have sinned without law will also perish without the law. As many as have sinned under the law will be judged by the law.

¹³ Kon déglu yoonu Musaa rekk doyul; du loolu mooy tax nit jub ci kanam Yàlla; kiy sàmm yoon wi, moom la Yàlla di àtte ni ku jub.

¹³For it isn’t the hearers of the law who are righteous before God, but the doers of the law will be justified

¹⁴ Ndax ñi dul Yawut te nekkuñu ci yoonu Musaa, ñu ngiy def li yoon woowu tëral, ndaxte Yàlla def na ko ci nit. Te wonee nañu noonu ne, man nañoo ràññee lu baax ak lu bon, su ñu nekkul sax ci yoonu Musaa,

¹⁴(for when Gentiles who don’t have the law do by nature the things of the law, these, not having the law, are a law to themselves,

¹⁵ di wone it ne, Yàlla bind na ci seen xol jëf yi yoonu Musaa santaane. Seen xel it seede na ne noonu la, fekk seeni xalaat ñoo leen di tuumaal, mbaa ñu leen di jéggal.

¹⁵in that they show the work of the law written in their hearts, their conscience testifying with them, and their thoughts among themselves accusing or else excusing them)

¹⁶ Ndax bés dina ñëw, bu xalaat yu làqu yi di feeñ, te Yàlla àtte nit ñi jaarale ko ci Yeesu Kirist. Xebaar bu baax, bi may waare, moo ko wax.

¹⁶in the day when God will judge the secrets of men, according to my Good News, by Jesus Christ.

¹⁷ Maa ngi ñëw nag ci yaw mi ne Yawut nga; yaa ngi sukkandiku ci yoonu Musaa ak di damu ci Yàlla.

¹⁷Indeed you bear the name of a Jew, and rest on the law, and glory in God,

¹⁸ Xam nga coobareem, ndaxte jàng nga ci yoonu Musaa, ba fonk yëf yi gën a baax.

¹⁸and know his will, and approve the things that are excellent, being instructed out of the law,

¹⁹ Yaa ngi teg sa bopp wommatkatu gumba yi ak leeru ñi nekk cig lëndëm.

¹⁹and are confident that you yourself are a guide of the blind, a light to those who are in darkness,

²⁰ Yaa di jàngalekatu ñi jàngul ak xamlekatu ñi xamul, ndaxte xalaat nga ne, Yàlla jagleel na leen ci yoonu Musaa bépp xam-xam ak gépp dëgg.

²⁰a corrector of the foolish, a teacher of babies, having in the law the form of knowledge and of the truth.

²¹ Kon nag yaw miy jàngal say moroom, xanaa doo jàngal sa bopp? Yaw miy waare di tere sàcc, mbaa doo sàcc yaw itam? Yaw miy tere njaaloo, mbaa doo njaaloo?

²¹You therefore who teach another, don’t you teach yourself? You who preach that a man shouldn’t steal, do you steal?

²² Yaw miy araamal xërëm yi, mbaa doo sàcc li nekk ci seeni xàmb?

²²You who say a man shouldn’t commit adultery. Do you commit adultery? You who abhor idols, do you rob temples?

²³ Yaw miy damoo yoonu Musaa, mbaa doo ko moy, ba indi gàcce ci turu Yàlla?

²³You who glory in the law, through your disobedience of the law do you dishonor God?

²⁴ Moo tax Mbind mi ne: «Yéena tax ñi nekkul Yawut di suufeel turu Yàlla.»

²⁴For “the name of God is blasphemed among the Gentiles because of you,” Isaiah 52:5; Ezekiel 36:22 just as it is written.

²⁵ Bëggoon naa ngeen xam ne, xaraf am na njariñ, boo ca boolee sàmm yoon. Waaye boo ko ca boolewul, sa xaraf amatul njariñ.

²⁵For circumcision indeed profits, if you are a doer of the law, but if you are a transgressor of the law, your circumcision has become uncircumcision.

²⁶ Te itam ku xaraful, tey def jëf yu jub yi yoonu Musaa santaane, ndax Yàlla du ko teg ni ku xaraf?

²⁶If therefore the uncircumcised keep the ordinances of the law, won’t his uncircumcision be accounted as circumcision?

²⁷ Ku dul Yawut te xaraful waaye di sàmm yoon wi, kooku dina la man a àtte yaw Yawut bi. Ndaxte li ngay xam-xam yoonu Musaa ci Mbind mi te xaraf, terewul nga koy moy.

²⁷Won’t the uncircumcision which is by nature, if it fulfills the law, judge you, who with the letter and circumcision are a transgressor of the law?

²⁸ Juddu nekk Yawut taxul sag Yawut dëggu, te xaraf ci saw yaram taxul sa xaraf wóor.

²⁸For he is not a Jew who is one outwardly, neither is that circumcision which is outward in the flesh;

²⁹ Waaye Yawut dëgg, ci xol lay nekk. Te xaraf dëgg itam, ci xol lay nekk. Du ngistal, lu dëggu la. Te képp ku mel noonu, dees na la gërëm, waxumala nit ñi, waaye Yàlla ci boppam.

²⁹but he is a Jew who is one inwardly, and circumcision is that of the heart, in the spirit not in the letter; whose praise is not from men, but from God.