1Uchirai, imwi vanhu vose! Pururudzai kuna Mwari nenzwi romufaro mukuru!2nekuti Jehovha Wekumusoro-soro anotyisa; Ndiye Mambo mukuru panyika yose.3Ndiye anotikundisa ndudzi dzavanhu, Nendudzi pasi petsoka dzedu.4Ndiye anotitsaurira nhaka yedu, Iyo fuma yaJakove waanoda.5Mwari akwira nokudanidzira, Jehovha nokurira kwehwamanda.6Imbirai Mwari nziyo dzokurumbidza, muimbirei nziyo dzokurumbidza; Imbirai Mambo wedu nziyo dzokurumbidza, muimbirei nziyo dzokurumbidza.7nekuti Mwari ndiye Mambo wapasi pose; Muimbirei rwiyo rwakanaka rwokumurumbidza.8Mwari anobata ushe hwevahedheni; Mwari agere pachigaro chake chitsvene choushe.9Machinda avanhu aungana pamwechete navanhu vaMwari waAbhurahamu; nekuti nhovo dzapasi pose ndedzaMwari; Ndiye mukuru-kuru kwazvo.