1耶和華再次向所羅門顯現（代下7:11~22）所羅門建造完了耶和華的殿、王宮和所羅門渴想建造的一切以後，
1 Waato kaŋ Suleymanu na Rabbi windo da bonkoono windo cina ka ban, da muraadu kulu kaŋ kaan nga, Suleymanu se kaŋ a ga ba nga ma du ka te,
2耶和華就第二次向所羅門顯現，像先前在基遍向他顯現一樣。
2 kala Rabbi ye ka bangay Suleymanu se koyne sorro hinkanta, sanda mate kaŋ cine a bangay a se waato Jibeyon ra.
3耶和華對他說：“你在我面前所作的禱告和懇求，我都已經聽見了。你建造的這殿，我已經把它分別為聖，要使我的名永遠留在那裡；我的眼和我的心也必常在那裡。
3 Rabbi ne a se: «Ay maa ni adduwa da ni ŋwaarayyaŋey kaŋ ni te ay jine. Ay na fu woone kaŋ ni cina hanandi, zama ay m'ay maa sinji a ra hal abada. Ay moy d'ay bina mo ga bara noodin duumi.
4至於你，如果你像你父親大衛那樣，存誠實和正直的心在我面前行事為人，遵行我一切所吩咐你的，謹守我的律例和典章，
4 Ni ciine binde, hala day ni dira ay jine, mate kaŋ cine ni baaba Dawda te, bine hananyaŋ da adilitaray ra, hala mo ni ga te hay kulu boŋ kaŋ ay na ni lordi d'a, m'ay hin sanney d'ay farilley haggoy,
5我就必堅固你統治以色列的國位，直到永遠，正如我應許你父親大衛說：‘你的子孫，總不斷有人坐以色列的王位。
5 ay mo, kal ay ma ni mayray karga sinji Israyla boŋ hal abada. Ay g'a te alkawlo kaŋ ay sambu ni baaba Dawda se din boŋ, kaŋ ay ne a si jaŋ boro kaŋ ga goro Israyla karga boŋ.
6你們或是你們的子孫，若是轉去不跟從我，不遵守我賜給你們的誡命和律例，去事奉別的神，敬拜他們，
6 Amma d'araŋ bare ka fay d'ay ganayaŋ, da nin no wala ni izey no, araŋ mana ay lordey d'ay hin sanney haggoy, kaŋ yaŋ ay daŋ araŋ jine, amma araŋ koy ka may tooru fooyaŋ se, ka sumbal i jine,
7我就必把以色列人從我賜給他們的這地上剪除，甚至為自己的名分別為聖的這殿，我也必從我面前把它丟棄不顧，使以色列人在萬族中成為笑談和譏笑的對象。
7 ay mo ga Israyla gaaray ka kaa laabo kaŋ ay n'i no din ra. Fu woone mo kaŋ ay hanandi ay maa sabbay se, ay m'a furu ay banda. Israyla ga ciya yaasay da hahaarayaŋ hari dumey kulu game ra.
8這巍峨的殿必成為廢墟，經過的人都必驚訝，取笑說：耶和華為甚麼向這地和這殿這樣作啊？
8 Fu wo mo kaŋ gonda beeray ya-cine, boro kulu kaŋ bisa ga te dambara ka cuusu ka ne: ‹Ifo se no Rabbi na woodin te laabo nda fu wo se?›
9人要回答說：是因為他們離棄了那把他們的列祖從埃及地領出來的耶和華他們的 神，去親近別的神，敬拜他們，事奉他們，因此耶和華使這一切災禍臨到他們。’”
9 I ga tu ka ne: ‹Zama i fay da Rabbi ngey Irikoyo, nga kaŋ n'i kaayey kaa Misira laabo ra. I na de-koy* fooyaŋ sambu ka sumbal i se, ka may i se mo. Woodin se no Rabbi na masiiba woone kulu candi ka kande i boŋ.› »
10所羅門以二十座城回報希蘭所羅門用了二十年的時間來建造耶和華的殿和王宮這兩座建築物。
10 Jiiri waranka bananta, kaŋ Suleymanu na windi hinka din cina, danga Rabbi windo da bonkoono windo nooya,
11因為推羅王希蘭曾照著所羅門所喜愛的，以香柏木、松木和金子幫助他，於是所羅門王把加利利地的二十座城給了希蘭。
11 waato din gaa no, bonkoono Suleymanu na Tir bonkoono Hiram no kwaara waranka Galili laabo ra. Zama Hiram na sedre da sipres* bundu samba ka no Suleymanu se, da wura mo haŋ kaŋ cine a ga ba kulu.
12希蘭從推羅出來，看看所羅門給他的這些城。他不喜歡這些城，
12 Hiram mo fun Tir ka kaa zama nga ma di kwaarey kaŋ yaŋ Suleymanu na nga no, i binde mana kaan a se.
13他說：“我的兄弟啊，這些就是你送給我的城嗎？”於是他給這些城起名叫迦步勒，直到今日。
13 Kal a ne: «Ya ay nya-izo, kwaara woofo dumiyaŋ no ni n'ay no wo?» A ne i se Kabul laabu, maa kaŋ i gonda hala ka kaa sohõ.
14希蘭送給所羅門約有四千公斤金子。
14 Hiram na wura danga ton gu nda jare cine samba bonkooni se.
15所羅門其他建樹與功績（代下8:3~18）這是所羅門王徵召服勞役的建築耶和華的殿和他自己的王宮，以及米羅、耶路撒冷的城牆、夏瑣、米吉多和基色的記錄。
15 Woone no ga ti doole goy kaŋ bonkoono Suleymanu te din sabaabu, zama i ma Rabbi windo da bonkoono windo, da Millo, da Urusalima windanta cinaro, da Hazor, da Mejiddo, da Gezer mo cina.
16先前埃及王法老上來攻取基色，放火燒城，殺了住在城裡的迦南人，把城送給自己的女兒、所羅門的妻子作嫁妝。
16 Misira bonkoono Firawna jin ka kaaru ka Gezer ŋwa, k'a ton da danji. A na Kanaanancey kaŋ goono ga goro noodin kwaara ra wi, k'a no nga ize wayo Suleymanu wande se a ma ciya a hiijay-daŋ-banda.
17所以所羅門重建基色、下伯．和崙、
17 Suleymanu na Gezer da Bayt-Horon ganda ce,
18巴拉和在猶大地曠野裡的他瑪，
18 da Baalat, da Tadmor kaŋ go saajo ra, Yahuda laabo ra,
19以及屬於所羅門所有的一切積貨城、屯車城、馬兵城，與所羅門在耶路撒冷、黎巴嫩和他統治的各地他喜愛建造的。
19 da Suleymanu arzaka jisiyaŋ kwaarey kulu cina, sanda kwaarey kaŋ i cina a wongu torkey se, da wo kaŋ yaŋ i cina a bari-karey se, da hay kulu kaŋ Suleymanu ga ba nga ma cina ndunnya kaani maayaŋ se Urusalima ra nda Liban ra, d'a mayray laabey kulu ra.
20所有亞摩利人、赫人、比利洗人、希未人和耶布斯人餘下的人，他們不是以色列人。
20 Amorancey, da Hittancey, da Perizancey, da Hibancey, da Yebusancey do haray borey kulu kaŋ cindi ciine ra, kaŋ yaŋ manti Israyla izeyaŋ no,
21他們的子孫仍然留在那地，以色列人不能滅絕他們。於是所羅門徵召他們作苦工的奴僕，直到今日。
21 i izey kaŋ cindi i banda laabo ra, kaŋ yaŋ Israyla izey mana hin ka halaci ka ban parkatak, i boŋ no Suleymanu na doole goy dake hala hunkuna.
22至於以色列人，所羅門卻沒有使他們作奴僕，而是作他的戰士、臣僕、統領、軍長、戰車長和騎兵長。
22 Amma Israyla izey ra Suleymanu mana tam kaa, amma ngey no ga ti soojey kaŋ ga goy a se, d'a laabukoy kayney d'a yaarukomey, da torkey maykoy, da bari-karey.
23所羅門有督工五百五十人，負責管理作工的人和監督工程。
23 Woodin yaŋ no ga ti jine borey kaŋ go Suleymanu goyo boŋ, i boro zangu gu nda waygu no kaŋ yaŋ ga borey kaŋ goono ga taabi goyo te may.
24法老的女兒從大衛城搬到所羅門為她建造的宮裡以後，所羅門才重建米羅。
24 Amma Firawna ize wayo ziji ka fun Dawda birno ra ka kaa nga windo kaŋ Suleymanu cina a se din ra. Alwaato din no Suleymanu na Millo cina.
25所羅門每年三次在他為耶和華建造的祭壇上獻上燔祭和平安祭；又在耶和華面前的壇上燒香，這樣，他完成了建殿的工程。
25 Sorro hinza jiiro ra Suleymanu ga sargay kaŋ i ga ton da saabuyaŋ sargayyaŋ te feema kaŋ a cina Rabbi se din boŋ. A ga dugu ton mo i banda feema kaŋ go Rabbi jine din ra. Yaadin no a na windo cina ka ban d'a.
26所羅門王又在以東地、紅海邊，靠近以祿的以旬．迦別，建造船隊。
26 Bonkoono Suleymanu na hari hiyaŋ te mo Eziyon-Geber ra, kaŋ go Elat jarga, Teeku Cira me gaa, Edom laabo ra.
27希蘭派遣他船隊的僕人，就是熟悉航海的船員，與所羅門的僕人一同航海。
27 Hiram na nga tamyaŋ donton hiyey marga din ra, hi goy-teerey kaŋ ga waani teeku goy, i go Suleymanu goy-teerey banda.
28他們到達了俄斐，從那裡取得黃金約有一萬四千公斤，運到所羅門王那裡。
28 I kaa Ofir. Noodin i na wura ku, danga ton waranka afo si cine no, ka kand'a bonkoono Suleymanu do.