¹Bless the LORD, O my soul. O LORD my God, thou art very great; thou art clothed with honour and majesty.

¹BENDISE si Jeova, O antijo: O Jeova Yuusso, jago y sendangculo; jago minagagago ni y onra, yan y minagas.

²Who coverest thyself with light as with a garment: who stretchest out the heavens like a curtain:

²Ni y untampen maesajao ni y manana taegüije y bestido: ni y jumuto juyong y langet sija taegüije y cottina.

³Who layeth the beams of his chambers in the waters: who maketh the clouds his chariot: who walketh upon the wings of the wind:

³Ni y plumanta y jayo y aposentuña gui jalom janom: ni y fumatinas y mapagajes para caruajeña: ni y mamomocat gui jilo y papan y manglo.

⁴Who maketh his angels spirits; his ministers a flaming fire:

⁴Ni y fumatinas y manglo sija para tentagoña: y ministroña y mañila y guafe.

⁵Who laid the foundations of the earth, that it should not be removed for ever.

⁵Ni y pumolo y plinantan tano, ya ti siña manacalamten para taejinecog.

⁶Thou coveredst it with the deep as with a garment: the waters stood above the mountains.

⁶Ya tumampe güe ni y tinadong taegüije y bestido: y janom sija manotojgue gui sanjilo y beca sija.

⁷At thy rebuke they fled; at the voice of thy thunder they hasted away.

⁷Ya pot y linalatdemo, sija manjanao; ya pot y inagang y julumo mañadig manjanao.

⁸They go up by the mountains; they go down by the valleys unto the place which thou hast founded for them.

⁸Sija manjanao julo gui beca sija, sija apan papa gui oriyan y bayesija, gui sagayan ni y jago fumamauleg para sija.

⁹Thou hast set a bound that they may not pass over; that they turn not again to cover the earth.

⁹Jago pumolo y uttimonñija ya ti siña manmalofan guato; para ti siña jabira sija talo para utampe y tano.

¹⁰He sendeth the springs into the valleys, which run among the hills.

¹⁰Jatago y tutujon y janom gui jalom y bayesija; ni y manmalalago gui entalo y egso sija.

¹¹They give drink to every beast of the field: the wild asses quench their thirst.

¹¹Sija numae guimenñija y todo gâgâ sija gui fangualuan: y manmachaleg na asno sija manmagong y majoñija.

¹²By them shall the fowls of the heaven have their habitation, which sing among the branches.

¹²Ya iya sija nae y pajaron y langet guaja sagañija ya mangacanta gui entalo y ramas sija.

¹³He watereth the hills from his chambers: the earth is satisfied with the fruit of thy works.

¹³Güiya numaye janom y egso sija guinin y aposentuña sija: y tano jaspog ni y tinegcha y chechomo.

¹⁴He causeth the grass to grow for the cattle, and herb for the service of man: that he may bring forth food out of the earth;

¹⁴Güiya y chaguan munafanlâlâ para y guaca sija, yan y tinanom para usinetbe y taotao: para ufañule nengcano gui tano;

¹⁵And wine that maketh glad the heart of man, and oil to make his face to shine, and bread which strengtheneth man's heart.

¹⁵Yan y bino ni y munamamagof y corason y taotao, yan y laña para ulamlam y mataña, yan y pan ni y munamemetgot y corason y taotao.

¹⁶The trees of the LORD are full of sap; the cedars of Lebanon, which he hath planted;

¹⁶Y trongcon jayo Jeova manbula chugo; y sedro sija gui Libano ni y tinanomña;

¹⁷Where the birds make their nests: as for the stork, the fir trees are her house.

¹⁷Anae y pajaro jafatitinas y chechoñija; ya y chuchuco, y trongcon pino guimaña.

¹⁸The high hills are a refuge for the wild goats; and the rocks for the conies.

¹⁸Y taquilo na ogso sija para y manmachaleg na chiba: yan y acho sija guinegüe para y conejo.

¹⁹He appointed the moon for seasons: the sun knoweth his going down.

¹⁹Jatancho y pilan para y tiempo: y atdao tumungo y jinanaoña papa.

²⁰Thou makest darkness, and it is night: wherein all the beasts of the forest do creep forth.

²⁰Jago fumatinas y jemjom yan puenge; anae todo y gâgâ gui jalomtano mangucunanaf mona.

²¹The young lions roar after their prey, and seek their meat from God.

²¹Y manfamaguon na leon sija manaagang ni y manmaconeñija yan jaaliligao y nañija guinin as Yuus.

²²The sun ariseth, they gather themselves together, and lay them down in their dens.

²²Y atdao cajulo, sija manmapos, yan manason sija papa gui jalom y liyangñija.

²³Man goeth forth unto his work and to his labour until the evening.

²³Y taotao jumajanao mona gui finatinasña yan gui chechoña, asta qui puenge.

²⁴O LORD, how manifold are thy works! in wisdom hast thou made them all: the earth is full of thy riches.

²⁴O Jeova, manminegae sija y chechomo! y minenajlom, jago fumatinas sija todo: y tano senbula ni y rinicumo.

²⁵So is this great and wide sea, wherein are things creeping innumerable, both small and great beasts.

²⁵Ayo guato gaegue y tase, dangculo yan ancho, anae y sanjalomña sija y güinaja na mangucunanaf ni ti siña matufong, todoja mandangculo yan mandiquique sija na gâgâ.

²⁶There go the ships: there is that leviathan, whom thou hast made to play therein.

²⁶Ayo nae manjajanao y batco sija: ayo nae gaegue y lebiatan ni y finatinasmo para y jumugando gui sanjalomña.

²⁷These wait all upon thee; that thou mayest give them their meat in due season.

²⁷Este sija todo mumananggajao; sa jago siña unnae sija nañija gui tiempo ni matancho.

²⁸That thou givest them they gather: thou openest thine hand, they are filled with good.

²⁸Sa ayo y jago numae, sija naufandaña: unbaba y canaemo ya sija mannajong ni y minauleg.

²⁹Thou hidest thy face, they are troubled: thou takest away their breath, they die, and return to their dust.

²⁹Unnaatog y matamo, sija mañatsaga: unchule y jinagonñija, sija manmatae, yan manalo guato gui petbosñija.

³⁰Thou sendest forth thy spirit, they are created: and thou renewest the face of the earth.

³⁰Untago mona y espiritumo, sija manfinatinas: yan jago munanuebo y inatan gui sanjilo y tano.

³¹The glory of the LORD shall endure for ever: the LORD shall rejoice in his works.

³¹Polo ya y minalag Jeova ugagaegue para taejinecog: Polo ya si Jeova umagof gui chechona:

³²He looketh on the earth, and it trembleth: he toucheth the hills, and they smoke.

³²Ni y jaatan y jilo y tano yan jayengyong: ni y japacha y egso sija yan janaasgon.

³³I will sing unto the LORD as long as I live: I will sing praise to my God while I have my being.

³³Bae jucantaye si Jeova taemenoja y inanaco y linâlâjo: bae jucantaye tinina y Yuusso mientras lalâlâyo.

³⁴My meditation of him shall be sweet: I will be glad in the LORD.

³⁴Polo ya y jinasoco iya güiya usenmames: bae jugofmagof as Jeova.

³⁵Let the sinners be consumed out of the earth, and let the wicked be no more. Bless thou the LORD, O my soul. Praise ye the LORD.

³⁵Polo y manisao ya ufanlinachae gui tano, polo y manaelaye ya utaya. Bendise si Jeova, O antijo. Alaba si Jeova.