¹My son, forget not my law; but let thine heart keep my commandments:

¹Ex cualal incßajol, misach saß êchßôl lin chakßrab. Chi anchal ban lê chßôl chepâbak lê taklanquil inban.

²For length of days, and long life, and peace, shall they add to thee.

²Cui têbânu li naxye lin chakßrab, tânajtokß ru lê yußam saß ruchichßochß. Ut tâcuânk li tuktûquilal êriqßuin.

³Let not mercy and truth forsake thee: bind them about thy neck; write them upon the table of thine heart:

³Mêcanab xpâbanquil li yâl. Junelic ban cuânk saß êchßôl. Mêcanab li uxtânânc u. Junelic ban cuânkex saß tîquilal re nak tâcßutûnk nak châbil lê naßleb.

⁴So shalt thou find favour and good understanding in the sight of God and man.

⁴Cui têbânu aßin, sahak xchßôl li Dios êriqßuin ut châbilak êresilal chiruheb li cristian.

⁵Trust in the LORD with all thine heart; and lean not unto thine own understanding.

⁵Cauhak êchßôl riqßuin li Kâcuaß. Mêcßojob êchßôl êjunes êrib yal xban nak cuan ênaßleb.

⁶In all thy ways acknowledge him, and he shall direct thy paths.

⁶Junelic julticak êre li Dios riqßuin chixjunil li cßaßru têbânu ut aßan tâberesînk êre.

⁷Be not wise in thine own eyes: fear the LORD, and depart from evil.

⁷Mêcßoxla nak kßaxal cuan ênaßleb êjunes êrib. Chexucuâk ban ru li Kâcuaß ut canabomak xbânunquil li incßaß us.

⁸It shall be health to thy navel, and marrow to thy bones.

⁸Cui têcanab xbânunquil li mâusilal, kßaxal us chokß êre. Chanchan nak yôkex chixcßulbal lê ban xban nak cuânk chic êmetzßêu ut êcacuilal.

⁹Honour the LORD with thy substance, and with the firstfruits of all thine increase:

⁹Cheqßuehak xlokßal li Kâcuaß riqßuin li cßaßru cuan êre. Têmayeja li xbên ru lê racuîmk chiru li Kâcuaß.

¹⁰So shall thy barns be filled with plenty, and thy presses shall burst out with new wine.

¹⁰Cui têmayeja li xbên ru lê racuîmk, kßaxal cuißchic nabal li ru lê racuîmk têxoc ut kßaxal cuißchic nabalak lê vino toj retal tâhoyekß.

¹¹My son, despise not the chastening of the LORD; neither be weary of his correction:

¹¹Ex cualal incßajol, mêtzßektâna lê kßusbal li naxqßue li Kâcuaß. Chi moco chextitzßk chirabinquil lê tijbal li naxqßue.

¹²For whom the LORD loveth he correcteth; even as a father the son in whom he delighteth.

¹²Li Kâcuaß naxkßus li ani naxra. Chanchan jun li yucuaßbej naxkßus li ralal xcßajol xban nak naxraheb.

¹³Happy is the man that findeth wisdom, and the man that getteth understanding.

¹³Us xak reheb li nequeßxtau xnaßlebeb. Ut us xak re li ani sêb xchßôl.

¹⁴For the merchandise of it is better than the merchandise of silver, and the gain thereof than fine gold.

¹⁴Kßaxal us nak cuânk kanaßleb chiru nak cuânk kabiomal. Kßaxal cuißchic lokß nak cuânk kanaßleb chiru nak cuânk katumin xban nak kßaxal cuißchic nacßanjelac ke.

¹⁵She is more precious than rubies: and all the things thou canst desire are not to be compared unto her.

¹⁵Li naßleb kßaxal cuißchic terto xtzßak chiru li tertôquil pec. Mâcßaß naru xjuntakßêtanquil cuiß.

¹⁶Length of days is in her right hand; and in her left hand riches and honour.

¹⁶Cui cuan ênaßleb najtak ru lê yußam saß ruchichßochß. Ut naru ajcuiß nacuan lê biomal ut lê lokßal.

¹⁷Her ways are ways of pleasantness, and all her paths are peace.

¹⁷Cui cuan ênaßleb, sahak saß êchßôl junelic. Ut naru ajcuiß nequexcuan saß tuktûquil usilal.

¹⁸She is a tree of life to them that lay hold upon her: and happy is every one that retaineth her.

¹⁸Cui cuan ênaßleb, naru nacuan êyußam chi junelic. Us xak re li ani naxnau xxocbal saß xchßôl li naßleb aßin.

¹⁹The LORD by wisdom hath founded the earth; by understanding hath he established the heavens.

¹⁹Xban nak cuan xnaßleb li Kâcuaß Dios quixqßue li ruchichßochß saß xnaßaj, ut quixyîb ajcuiß li choxa saß xnaßaj riqßuin lix sêbal xchßôl.

²⁰By his knowledge the depths are broken up, and the clouds drop down the dew.

²⁰Xban nak cuan xnaßleb quixjach li haß riqßuin li chßochß. Ut quixyîb ajcuiß li chok re nak tixqßue li hab saß ruchichßochß.

²¹My son, let not them depart from thine eyes: keep sound wisdom and discretion:

²¹Ex cualal incßajol, mêcanab xbânunquil li châbil naßleb. Junelic ban cuânk saß êchßôl li us.

²²So shall they be life unto thy soul, and grace to thy neck.

²²Cui têbânu chi joßcan, tâcuânk lê yußam chi junelic ut sahak saß êchßôl.

²³Then shalt thou walk in thy way safely, and thy foot shall not stumble.

²³Ut cauhak lê chßôl nak texxic yalak bar. Nequenau nak mâcßaß têcßul.

²⁴When thou liest down, thou shalt not be afraid: yea, thou shalt lie down, and thy sleep shall be sweet.

²⁴Nak texyoclâk, mâcßaßak lê xiu ut sa texcuârk.

²⁵Be not afraid of sudden fear, neither of the desolation of the wicked, when it cometh.

²⁵Incßaß texxucuak xban li raylal tâchâlk saß êbên chi mâcßaß saß êchßôl. Chi moco texxucuak xban li raylal li nachal saß xbêneb li incßaß useb xnaßleb.

²⁶For the LORD shall be thy confidence, and shall keep thy foot from being taken.

²⁶Incßaß texxucuak xban nak li Kâcuaß tixqßue xcacuilal lê chßôl ut aßan tâcolok êre re nak incßaß textßanekß saß junak raßal.

²⁷Withhold not good from them to whom it is due, when it is in the power of thine hand to do it.

²⁷Mêkßetkßeti êrib chixbânunquil usilal reheb li tenkßâc teßraj, cui cuan chêru li cßaßru têtenkßa cuiß.

²⁸Say not unto thy neighbour, Go, and come again, and to morrow I will give; when thou hast it by thee.

²⁸Cui naru têqßue re li cßaßru têtenkßa cuiß, qßuehomak re saß li hônal aßan. Mêcanab chokß re cuulaj.

²⁹Devise not evil against thy neighbour, seeing he dwelleth securely by thee.

²⁹Ut mêcßoxla xbânunquil raylal reheb lê rechcabal, xban nak mâre cßojcßo xchßôl êriqßuin.

³⁰Strive not with a man without cause, if he have done thee no harm.

³⁰Incßaß texpletik chi mâcßaß rajbal riqßuineb li incßaß yôqueb xbânunquil raylal êre.

³¹Envy thou not the oppressor, and choose none of his ways.

³¹Mêcakaliheb li nequeßxbânu mâusilal, chi moco chetzol êre li cßaßru nequeßxbânu.

³²For the froward is abomination to the LORD: but his secret is with the righteous.

³²Li Kâcuaß xicß narileb li nequeßxbânu li incßaß us, ut cuan chi sum âtin riqßuineb li cuanqueb saß tîquilal.

³³The curse of the LORD is in the house of the wicked: but he blesseth the habitation of the just.

³³Li Kâcuaß naxqßue raylal saß xbêneb lix jun cablal li nequeßxbânu mâusilal. Ut narosobtesiheb lix jun cablal li tîqueb xchßôl.

³⁴Surely he scorneth the scorners: but he giveth grace unto the lowly.

³⁴Li Kâcuaß naxseßeheb li nequeßxnimobresi rib. Abanan naruxtâna ruheb li nequeßxcubsi ribeb.Châbil tâyehekß chirixeb li cuanqueb xnaßleb. Abanan xutânal teßxcßul li incßaß nequeßxtau xnaßleb.

³⁵The wise shall inherit glory: but shame shall be the promotion of fools.

³⁵Châbil tâyehekß chirixeb li cuanqueb xnaßleb. Abanan xutânal teßxcßul li incßaß nequeßxtau xnaßleb.