¹And having risen, the whole multitude of them did lead him to Pilate,

¹Kisha, wote kwa jumla, wakasimama, wakampeleka Yesu mbele ya Pilato.

²and began to accuse him, saying, `This one we found perverting the nation, and forbidding to give tribute to Caesar, saying himself to be Christ a king.`

²Wakaanza kumshtaki wakisema: "Tulimkuta mtu huyu akiwapotosha watu wetu, akipinga kulipa kodi kwa Kaisari na kujiita ati yeye ni Kristo, Mfalme."

³And Pilate questioned him, saying, `Thou art the king of the Jews?` and he answering him, said, `Thou dost say [it].`

³Pilato akamwuliza Yesu, "Wewe ni Mfalme wa Wayahudi?" Yesu akamjibu, "Wewe umesema."

⁴And Pilate said unto the chief priests, and the multitude, `I find no fault in this man;`

⁴Pilato akawaambia makuhani wakuu na umati wa watu, "Sioni kosa lolote katika mtu huyu."

⁵and they were the more urgent, saying — `He doth stir up the people, teaching throughout the whole of Judea — having begun from Galilee — unto this place.`

⁵Lakini wao wakasisitiza wakisema: "Anawachochea watu kwa mafundisho yake katika nchi yote ya Yudea; alianza Galilaya, na sasa yuko hapa."

⁶And Pilate having heard of Galilee, questioned if the man is a Galilean,

⁶Pilato aliposikia hayo, akauliza, "Je, mtu huyu ni mwenyeji wa Galilaya?"

⁷and having known that he is from the jurisdiction of Herod, he sent him back unto Herod, he being also in Jerusalem in those days.

⁷Alipojua kwamba Yesu alikuwa chini ya utawala wa Herode, akampeleka kwa Herode, ambaye wakati huo alikuwa Yerusalemu.

⁸And Herod having seen Jesus did rejoice exceedingly, for he was wishing for a long [time] to see him, because of hearing many things about him, and he was hoping some sign to see done by him,

⁸Herode alifurahi sana alipomwona Yesu. Alikuwa amekwisha sikia habari zake, na hivyo alikuwa anatazamia kwa muda mrefu kumwona kwa macho yake mwenyewe. Zaidi ya hayo, alikuwa anatumaini kumwona Yesu akitenda mwujiza.

⁹and was questioning him in many words, and he answered him nothing.

⁹Basi, akamwuliza maswali mengi kwa muda mrefu, lakini Yesu hakumjibu neno.

¹⁰And the chief priests and the scribes stood vehemently accusing him,

¹⁰Makuhani wakuu na walimu wa Sheria wakajitokeza mbele, wakatoa mashtaka yao kwa nguvu sana.

¹¹and Herod with his soldiers having set him at nought, and having mocked, having put around him gorgeous apparel, did send him back to Pilate,

¹¹Basi, herode pamoja na maaskari wake, wakamwaibisha Yesu na kumfanyia mzaha; kisha wakamvika vazi la kifalme, wakamrudisha kwa Pilato.

¹²and both Pilate and Herod became friends on that day with one another, for they were before at enmity between themselves.

¹²Herode na Pilato, ambao hapo awali walikuwa maadui, tangu siku hiyo wakawa marafiki.

¹³And Pilate having called together the chief priests, and the rulers, and the people,

¹³Basi, Pilato akaitisha mkutano wa makuhani wakuu, viongozi na watu,

¹⁴said unto them, `Ye brought to me this man as perverting the people, and lo, I before you having examined, found in this man no fault in those things ye bring forward against him;

¹⁴akawaambia, "Mmemleta mtu huyu kwangu mkisema kwamba alikuwa anawapotosha watu. Sasa sikilizeni! Baada ya kuchunguza jambo hilo mbele yenu, sikumpata na kosa lolote kuhusu mashtaka yenu juu yake.

¹⁵no, nor yet Herod, for I sent you back unto him, and lo, nothing worthy of death is having been done by him;

¹⁵Wala si mimi tu, bali hata Herode hakuona kosa lolote, kwa maana amemrudisha kwangu. Ni dhahiri kwamba mtu huyu hakufanya chochote kinachostahili adhabu ya kifo.

¹⁶having chastised, therefore, I will release him,`

¹⁶Hivyo, nitaamuru apigwe viboko, halafu nitamwachilia."

¹⁷for it was necessary for him to release to them one at every feast,

¹⁷Kila sikukuu ya Pasaka, ilimlazimu Pilato kuwafungulia mfungwa mmoja.

¹⁸and they cried out — the whole multitude — saying, `Away with this one, and release to us Barabbas,`

¹⁸Lakini wote wakapiga kelele pamoja: "Mwondoe huyo, utufungulie Baraba!"

¹⁹who had been, because of a certain sedition made in the city, and murder, cast into prison.

¹⁹(Baraba alikuwa ametiwa ndani kwa kusababisha uasi katika mji na pia kwa sababu ya kuua.)

²⁰Pilate again then — wishing to release Jesus — called to them,

²⁰Pilato alitaka kumwachilia Yesu, hivyo akasema nao tena;

²¹but they were calling out, saying, `Crucify, crucify him.`

²¹lakini wao wakapiga kelele: "Msulubishe, msulubishe!"

²²And he a third time said unto them, `Why, what evil did he? no cause of death did I find in him; having chastised him, then, I will release [him].`

²²Pilato akawaambia mara ya tatu, "Amefanya kosa gani? Sioni kosa lolote kwake linalomstahili auawe; kwa hiyo nitampiga viboko, halafu nimwachilie."

²³And they were pressing with loud voices asking him to be crucified, and their voices, and those of the chief priests, were prevailing,

²³Lakini wao wakazidi kupiga kelele kwa nguvu sana, kwamba Yesu ni lazima asulubiwe. Mwishowe, sauti zao zikashinda.

²⁴and Pilate gave judgment for their request being done,

²⁴Basi, Pilato akaamua kwamba matakwa yao yatimizwe.

²⁵and he released him who because of sedition and murder hath been cast into the prison, whom they were asking, and Jesus he gave up to their will.

²⁵Akamfungua kutoka gerezani yule waliyemtaka, ambaye alikuwa ametiwa gerezani kwa sababu ya uasi na kuua; akamtoa Yesu kwao, wamfanyie walivyotaka.

²⁶And as they led him away, having taken hold on Simon, a certain Cyrenian, coming from the field, they put on him the cross, to bear [it] behind Jesus.

²⁶Walipokuwa wakimpeleka, walikutana na mtu mmoja, aitwaye Simoni wa Kurene, aliyekuwa anatoka shambani. Basi, walimkamata, wakamtwika ule msalaba auchukue nyuma ya Yesu.

²⁷And there was following him a great multitude of the people, and of women, who also were beating themselves and lamenting him,

²⁷Watu, umati kwa umati, walimfuata; miongoni mwao wakiwemo wanawake waliokuwa wanaomboleza na kumlilia.

²⁸and Jesus having turned unto them, said, `Daughters of Jerusalem, weep not for me, but for yourselves weep ye, and for your children;

²⁸Yesu akawageukia, akasema, "Enyi kina mama wa Yerusalemu! Msinililie mimi, ila lieni kwa ajili yenu wenyewe na kwa ajili ya watoto wenu.

²⁹for, lo, days do come, in which they shall say, Happy the barren, and wombs that did not bare, and paps that did not give suck;

²⁹Maana, hakika siku zitakuja ambapo watasema: Heri yao wale walio tasa, ambao hawakupata kuzaa wala kunyonyesha watoto!

³⁰then they shall begin to say to the mountains, Fall on us, and to the hills, Cover us; —

³⁰Wakati huo, ndipo watu wataanza kuiambia milima: Tuangukieni! na vilima, Tufunikeni!

³¹for, if in the green tree they do these things — in the dry what may happen?`

³¹Kwa maana, kama watu wanautendea mti mbichi namna hiyo, itakuwaje kwa mti mkavu?"

³²And there were also others — two evil-doers — with him, to be put to death;

³²Waliwachukua pia watu wengine wawili, wahalifu, wauawe pamoja naye.

³³and when they came to the place that is called Skull, there they crucified him and the evil-doers, one on the right hand and one on the left.

³³Walipofika mahali paitwapo, "Fuvu la Kichwa," ndipo wakamsulubisha Yesu pamoja na wale wahalifu wawili, mmoja upande wake wa kulia na mwingine upande wake wa kushoto.

³⁴And Jesus said, `Father, forgive them, for they have not known what they do;` and parting his garments they cast a lot.

³⁴Yesu akasema, "Baba, uwasamehe kwa maana hawajui wanalofanya." Kisha wakagawana mavazi yake kwa kuyapigia kura.

³⁵And the people were standing, looking on, and the rulers also were sneering with them, saying, `Others he saved, let him save himself, if this be the Christ, the choice one of God.`

³⁵Watu wakawa wamesimama pale wakitazama. Nao viongozi wakamdhihaki wakisema: "Amewaokoa wengine; sasa na ajiokoe mwenyewe, kama yeye ndiye Kristo, mteule wa Mungu!"

³⁶And mocking him also were the soldiers, coming near and offering vinegar to him,

³⁶Askari nao walimdhihaki pia; walimwendea wakampa siki

³⁷and saying, `If thou be the king of the Jews, save thyself.`

³⁷wakisema: "Kama kweli wewe ni Mfalme wa Wayahudi, jiokoe mwenyewe."

³⁸And there was also a superscription written over him, in letters of Greek, and Roman, and Hebrew, `This is the King of the Jews.`

³⁸Vilevile maandishi haya yalikuwa yameandikwa na kuwekwa juu yake: "Huyu ndiye Mfalme wa Wayahudi."

³⁹And one of the evil-doers who were hanged, was speaking evil of him, saying, `If thou be the Christ, save thyself and us.`

³⁹Mmoja wa wale wahalifu waliotundikwa msalabani, alimtukana akisema: "Je, si kweli kwamba wewe ndiwe Kristo? Basi, jiokoe mwenyewe, utuokoe na sisi pia."

⁴⁰And the other answering, was rebuking him, saying, `Dost thou not even fear God, that thou art in the same judgment?

⁴⁰Lakini yule mhalifu mwingine akamkemea mwenzake akisema: "Wewe humwogopi Mungu hata kidogo? Wewe umepata adhabu hiyohiyo.

⁴¹and we indeed righteously, for things worthy of what we did we receive back, but this one did nothing out of place;`

⁴¹Wewe na mimi tunastahili, maana haya ni malipo ya yale tuliyotenda. Lakini mtu huyu hakufanya chochote kibaya."

⁴²and he said to Jesus, `Remember me, lord, when thou mayest come in thy reign;`

⁴²Kisha akasema, "Ee Yesu! Unikumbuke wakati utakapoingia katika ufalme wako."

⁴³and Jesus said to him, `Verily I say to thee, To-day with me thou shalt be in the paradise.`

⁴³Yesu akamwambia, "Nakwambia kwa hakika, leo utakuwa pamoja nami peponi."

⁴⁴And it was, as it were, the sixth hour, and darkness came over all the land till the ninth hour,

⁴⁴Ilikuwa yapata saa sita mchana; jua likaacha kuangaza, giza likafunika nchi yote mpaka saa tisa,

⁴⁵and the sun was darkened, and the vail of the sanctuary was rent in the midst,

⁴⁵na pazia lililokuwa limetundikwa Hekaluni likapasuka vipande viwili.

⁴⁶and having cried with a loud voice, Jesus said, `Father, to Thy hands I commit my spirit;` and these things having said, he breathed forth the spirit.

⁴⁶Yesu akalia kwa sauti kubwa: "Baba, naiweka roho yangu mikononi mwako." Alipokwisha sema hayo, akakata roho.

⁴⁷And the centurion having seen what was done, did glorify God, saying, `Really this man was righteous;`

⁴⁷Hapo, yule jemadari alipoona yaliyotukia akamsifu Mungu akisema: "Hakika huyu alikuwa mtu mwema."

⁴⁸and all the multitudes who were come together to this sight, beholding the things that came to pass, smiting their breasts did turn back;

⁴⁸Watu wale wote waliokuwa wamekusanyika hapo kwa ajili ya tukio hilo, walipoona hayo yaliyotukia, walirudi makwao wakijipiga vifua kwa huzuni.

⁴⁹and all his acquaintances stood afar off, and women who did follow him from Galilee, beholding these things.

⁴⁹Marafiki zake wote pamoja na wale wanawake walioandamana naye kutoka Galilaya, walisimama kwa mbali kutazama tukio hilo.

⁵⁰And lo, a man, by name Joseph, being a counsellor, a man good and righteous,

⁵⁰Kulikuwa na mtu mmoja jina lake Yosefu, mwenyeji wa kijiji kimoja cha Wayahudi kiitwacho Armathaya. Alikuwa mtu mwema anayeheshimika;

⁵¹— he was not consenting to their counsel and deed — from Arimathea, a city of the Jews, who also himself was expecting the reign of God,

⁵¹Alikuwa akitazamia kuja kwa Ufalme wa Mungu. Ingawa alikuwa mmoja wa Baraza kuu la Wayahudi, hakuwa amekubaliana nao katika kitendo chao.

⁵²he, having gone near to Pilate, asked the body of Jesus,

⁵²Basi, yeye alikwenda kwa Pilato, akaomba apewe mwili wa Yesu.

⁵³and having taken it down, he wrapped it in fine linen, and placed it in a tomb hewn out, where no one was yet laid.

⁵³Kisha, akaushusha mwili huo kutoka msalabani, akauzungushia sanda ya kitani, akauweka katika kaburi lililokuwa limechongwa kwenye mwamba, ambalo halikuwa limetumika.

⁵⁴And the day was a preparation, and sabbath was approaching,

⁵⁴Siku hiyo ilikuwa Ijumaa, na maandalio ya siku ya Sabato yalikuwa yanaanza.

⁵⁵and the women also who have come with him out of Galilee having followed after, beheld the tomb, and how his body was placed,

⁵⁵Wale wanawake walioandamana na Yesu kutoka Galilaya walimfuata Yosefu, wakaliona lile kaburi na jinsi mwili wake Yesu ulivyowekwa

⁵⁶and having turned back, they made ready spices and ointments, and on the sabbath, indeed, they rested, according to the command.

⁵⁶Halafu, walirudi nyumbani, wakatayarisha manukato na marashi kuyapaka mwili wa Yesu. Siku ya Sabato walipumzika kama ilivyoamriwa na sheria.