¹قصيدة لايثان الازراحي‎. ‎بمراحم الرب اغني الى الدهر. لدور فدور اخبر عن حقك بفمي‎.

¹¶ He Makiri na Etana Eterahi. Ka waiatatia e ahau nga mahi tohu a Ihowa ake ake: ka whakapuakina e toku mangai tou pono ki nga whakatupuranga katoa.

²‎لاني قلت ان الرحمة الى الدهر تبنى. السموات تثبت فيها حقك‎.

²I mea hoki ahau, Ka hanga ake te mahi tohu mo ake tonu atu: ka whakapumautia e koe tou pono ki nga tino rangi ra ano.

³‎قطعت عهدا مع مختاري. حلفت لداود عبدي

³Kua whakarite kawenata ahau ki taku i whiriwhiri ai: kua oati ki taku pononga ki a Rawiri;

⁴الى الدهر اثبت نسلك وابني الى دور فدور كرسيك. سلاه‎.

⁴Ka pumau i ahau ou uri ake ake: ka hanga tou torona ki nga whakatupuranga katoa. (Hera.

⁵‎والسموات تحمد عجائبك يا رب وحقك ايضا في جماعة القديسين‎.

⁵¶ Ka whakamoemiti ano nga rangi, e Ihowa, ki au mahi whakamiharo; ki tou pono hoki i roto i te whakaminenga o te hunga tapu.

⁶‎لانه من في السماء يعادل الرب. من يشبه الرب بين ابناء الله‎.

⁶Ko wai oti i nga rangi hei rite mo Ihowa? Ko wai i roto i nga tama a te hunga nunui e rite ana ki a Ihowa?

⁷‎اله مهوب جدا في مؤامرة القديسين ومخوف عند جميع الذين حوله

⁷He Atua whakamataku rawa i roto i te whakaminenga o te hunga tapu, e wehingia ana i runga ake i a ratou katoa i tetahi taha, i tetahi taha ona?

⁸يا رب اله الجنود من مثلك قوي رب وحقك من حولك‎.

⁸E Ihowa, e te Atua o nga mano, ko wai te mea kaha hei rite mou, e IHA? Hei rite ranei mo tou pono i tetahi taha ou, i tetahi taha?

⁹‎انت متسلط على كبرياء البحر. عند ارتفاع لججه انت تسكنها‎.

⁹Ko koe te kingi o te huamo o te moana: ka oho ona ngaru, ko koe hei whakamarino.

¹⁰‎انت سحقت رهب مثل القتيل. بذراع قوتك بددت اعداءك‎.

¹⁰Mongamonga noa i a koe a Rahapa ano he tangata i patua: marara ana i a koe, i tou ringa kaha ou hoariri.

¹¹‎لك السموات. لك ايضا الارض . المسكونة وملؤها انت اسّستهما‏‎.

¹¹Nau nga rangi, nau te whenua: te ao me ona mea e hua ana i runga, nau ena i pumau ai.

¹²‎الشمال والجنوب انت خلقتهما. تابور وحرمون باسمك يهتفان‎.

¹²Ko te raki me te tonga nau ena i hanga: ka hari a Taporo raua ko Heremona ki tou ingoa.

¹³‎لك ذراع القدرة. قوية يدك. مرتفعة يمينك‎.

¹³He takakau marohirohi tou: he pakari tou ringa, rewa tonu tou matau ki runga.

¹⁴‎العدل والحق قاعدة كرسيك. الرحمة والامانة تتقدمان امام وجهك.

¹⁴Ko te tika me te whakawa te turanga o tou torona: e haere ana te mahi tohu me te pono i mua i tou aroaro.

¹⁵طوبى للشعب العارفين الهتاف. يا رب بنور وجهك يسلكون‎.

¹⁵¶ Ka hari te iwi e mohio ana ki te tangi whakahari: e haere ana ratou, e Ihowa, i te marama o tou mata.

¹⁶‎باسمك يبتهجون اليوم كله وبعدلك يرتفعون‎.

¹⁶E hari ana ratou ki tou ingoa i te roa o te ra: a ma tou tika ka kake ai ratou.

¹⁷‎لانك انت فخر قوتهم وبرضاك ينتصب قرننا‎.

¹⁷Ko koe hoki te kororia o to ratou kaha: ma tau manako ano ka ara ai to matou haona.

¹⁸‎لان الرب مجننا وقدوس اسرائيل ملكنا

¹⁸Na Ihowa hoki to matou whakangungu rakau: a na te Mea Tapu o Iharaira to tatou kingi.

¹⁹حينئذ كلمت برؤيا تقيك وقلت جعلت عونا على قوي. رفعت مختارا من بين الشعب‎.

¹⁹¶ I korero moemoea koe i reira ki tau Mea Tapu, i mea, Kua hoatu e ahau he kaha ki runga ki tetahi marohirohi; kua whakanuia e ahau tetahi i whiriwhiria i roto i te iwi.

²⁰‎وجدت داود عبدي. بدهن قدسي مسحته‎.

²⁰Kua kitea e ahau taku pononga, a Rawiri: kua whakawahia ia e ahau ki taku hinu tapu:

²¹‎الذي تثبت يدي معه. ايضا ذراعي تشدده‎.

²¹Ka u atu toku ringa hei awhina mona: ma toku takakau ano ia e whakakaha.

²²‎لا يرغمه عدو وابن الاثم لا يذلله‎.

²²E kore te hoariri e whai wahi ki a ia: e kore ano hoki te tama a te kino e tukino i a ia.

²³‎واسحق اعداءه امام وجهه واضرب مبغضيه‎.

²³Maku e tukituki ona hoariri ki tona aroaro: ka whiua e ahau te hunga e kino ana ki a ia.

²⁴‎اما امانتي ورحمتي فمعه وباسمي ينتصب قرنه‎.

²⁴Otira ka mau ki a ia toku pono me taku mahi tohu: a ma toku ingoa ka ara ai tona haona.

²⁵‎واجعل على البحر يده وعلى الانهار يمينه‎.

²⁵Maku ano tona ringa ka pa ai ki te moana: tona matau ki nga awa.

²⁶‎هو يدعوني ابي انت. الهي وصخرة خلاصي‎.

²⁶Ka karanga ia ki ahau, Ko koe toku Papa, toku Atua, te kohatu o toku whakaoranga.

²⁷‎انا ايضا اجعله بكرا اعلى من ملوك الارض‎.

²⁷Ka waiho ano ia hei matamua maku ki runga ake i nga kingi o te whenua.

²⁸‎الى الدهر احفظ له رحمتي. وعهدي يثبت له‎.

²⁸Ka rongoatia e ahau taku mahi tohu mona ake tonu atu: ka mau tonu taku kawenata ki a ia.

²⁹‎واجعل الى الابد نسله وكرسيه مثل ايام السموات‎.

²⁹Ka meinga hoki e ahau ona uri kia mau tonu ake ake, tona torona ano ko nga ra o te rangi.

³⁰‎ان ترك بنوه شريعتي ولم يسلكوا باحكامي

³⁰Ki te whakarerea e ana tamariki taku ture, a kahore e haere i aku whakaritenga;

³¹ان نقضوا فرائضي ولم يحفظوا وصاياي

³¹Ki te takahi ratou i aku tikanga; a kahore e pupuri i aku whakahau;

³²افتقد بعصا معصيتهم وبضربات اثمهم‎.

³²Katahi ka whaia ta ratou mahi tutu e taku rakau, o ratou kino e te whiu.

³³‎اما رحمتي فلا انزعها عنه ولا اكذب من جهة امانتي‎.

³³Otira e kore e tangohia rawatia e ahau taku mahi tohu i a ia, e tuku ranei i toku pono kia he.

³⁴‎لا انقض عهدي ولا اغيّر ما خرج من شفتيّ‎.

³⁴E kore taku kawenata e takahia e ahau, e kore ano e whakarereketia te mea i puta i oku ngutu.

³⁵‎مرة حلفت بقدسي اني لا اكذب لداود‎.

³⁵Kotahi aku oatitanga i toku tapu; e kore ahau e teka ki a Rawiri.

³⁶‎نسله الى الدهر يكون وكرسيه كالشمس امامي‎.

³⁶Ka mau tonu tona uri ake ake; a ka rite tona torona ki te ra i toku aroaro.

³⁷‎مثل القمر يثبت الى الدهر. والشاهد في السماء امين. سلاه

³⁷Ka rite tona pumau ki to te marama ake ake: hei kaiwhakaatu pono ano i runga i te rangi. (Hera.

³⁸لكنك رفضت ورذلت. غضبت على مسيحك‎.

³⁸¶ Na kua panga nei koe, kua whakarihariha, kua riri ki tau i whakawahi ai.

³⁹‎نقضت عهد عبدك. نجست تاجه في التراب‎.

³⁹Kua weriweri koe ki te kawenata ki tau pononga: kua whakanoaia e koe tona karauna, taka noa ki te whenua.

⁴⁰‎هدمت كل جدرانه. جعلت حصونه خرابا‎.

⁴⁰Kua pakaruhia e koe ona taiepa katoa; whakamotitia iho e koe ona pa kaha.

⁴¹‎افسده كل عابري الطريق. صار عارا عند جيرانه‎.

⁴¹E pahua ana i a ia nga tangata katoa e tika ana i te ara: he tawainga ia na ona hoa tata.

⁴²‎رفعت يمين مضايقيه. فرحت جميع اعدائه‎.

⁴²Kua whakarewaina e koe te ringa matau o ona hoa whawhai: kua meinga e koe kia hari ona hoa whawhai katoa.

⁴³‎ايضا رددت حد سيفه ولم تنصره في القتال‎.

⁴³Ae, e ngore ana i a koe te mata o tana hoari: kihai ano koe i tautoko i a ia ki te tatauranga.

⁴⁴‎ابطلت بهاءه والقيت كرسيه الى الارض‎.

⁴⁴Kua whakamutua e koe tona kororia, kua maka tona torona ki raro ki te whenua.

⁴⁵‎قصرت ايام شبابه غطيته بالخزي. سلاه

⁴⁵Kua poroa e koe nga ra o tona taitamarikitanga: kua hipokina ia e koe ki te whakama. (Hera.

⁴⁶حتى متى يا رب تختبئ كل الاختباء. حتى متى يتقد كالنار غضبك

⁴⁶Kia pehea te roa, e Ihowa, e whakangaro ai koe i a koe, ake tonu atu? Kia pehea te roa e toro ana tou riri ano he ahi?

⁴⁷اذكر كيف انا زائل. الى اي باطل خلقت جميع بني آدم‎.

⁴⁷Kia mahara ki te poto rawa o toku taima: he aha i hanga ai e koe nga tangata katoa hei kore noa iho?

⁴⁸‎اي انسان يحيا ولا يرى الموت اي ينجي نفسه من يد الهاوية. سلاه‎.

⁴⁸Ko wai tena tangata e ora nei, a e kore e kite i te mate? E mawhiti koia i a ia tona wairua i te kaha o te reinga? (Hera.

⁴⁹‎اين مراحمك الأول يا رب التي حلفت بها لداود بامانتك‎.

⁴⁹E te Ariki, kei hea au arohatanga o mua i oatitia ai e koe ki a Rawiri i runga i tou pono?

⁵⁰‎اذكر يا رب عار عبيدك. الذي احتمله في حضني من كثرة الامم كلها

⁵⁰Maharatia, e te Ariki, te tawai ki au pononga; e mau nei ki toku uma te tawai a nga iwi nunui katoa:

⁵¹الذي به عير اعداؤك يا رب الذين عيّروا آثار مسيحك‎.

⁵¹Te tawai a ou hoariri, e Ihowa, ta ratou tawai nei ki nga hikoinga o tau i whakawahi ai.

⁵²‎مبارك الرب الى الدهر. آمين فآمين

⁵²Kia whakapaingia a Ihowa ake ake. Amine, ae Amine.