¹Now there was a man of the Pharisees, named Nicodemus, a ruler of the Jews:

¹Karon may usa ka tawo sa mga Fariseo nga ginganlan si Nicodemo, punoan sa mga Judio.

²the same came unto him by night, and said to him, Rabbi, we know that thou art a teacher come from God; for no one can do these signs that thou doest, except God be with him.

²Kini miduol kaniya sa gabii, ug miingon kaniya: Rabbi, nahibalo kami nga ikaw magtutudlo nga nagagikan sa Dios, kay walay tawo nga makabuhat niini nga mga katingalahan nga imong gibuhat, gawas kong ang Dios anaa kaniya.

³Jesus answered and said unto him, Verily, verily, I say unto thee, Except one be born anew, he cannot see the kingdom of God.

³Si Jesus mitubag ug miingon kaniya: Sa pagkamatuod, sa pagkamatuod, naga-ingon ako kanimo, gawas kong ang tawo magapakatawo pag-usab, dili siya makakita sa gingharian sa Dios.

⁴Nicodemus saith unto him, How can a man be born when he is old? can he enter a second time into his mother's womb, and be born?

⁴Si Nicodemo miingon kaniya: Unsaon sa tawo ang pagpakatawo kong siya tigulang na? Makasulod ba siya pag-usab sa tiyan sa iyang inahan, ug magpakatawo?

⁵Jesus answered, Verily, verily, I say unto thee, Except one be born of water and the Spirit, he cannot enter into the kingdom of God!

⁵Mitubag si Jesus: Sa pagkamatuod, sa pagkamatuod, nagaingon ako kanimo: Gawas kong ang tawo magpakatawo sa tubig ug sa Espiritu, dili siya makasulod sa gingharian sa Dios.

⁶That which is born of the flesh is flesh; and that which is born of the Spirit is spirit.

⁶Ang gianak sa unod, unod man; ang gianak sa Espiritu, espiritu man.

⁷Marvel not that I said unto thee, Ye must be born anew.

⁷Dili ka mahibulong nga ako nagsulti kanimo: Kinahanglan magpakatawo kamo pag-usab.

⁸The wind bloweth where it will, and thou hearest the voice thereof, but knowest not whence it cometh, and whither it goeth: so is every one that is born of the Spirit.

⁸Ang hangin nagahuros ngadto sa buot niyang padulngan, ug hingbatian mo ang iyang kinanaas, apan dili mo mahibaloan kong diin gikan, ug asa siya padulong, ingon niana ang tanan nga gianak sa Espiritu.

⁹Nicodemus answered and said unto him, How can these things be?

⁹Si Nicodemo mitubag ug miingon kaniya: Unsaon pagkahimo niining mga butanga?

¹⁰Jesus answered and said unto him, Art thou the teacher of Israel, and understandest not these things?

¹⁰Si Jesus mitubag ug miingon kaniya: Ikaw ba ang magtutudlo sa Israel, ug dili mahibalo niining mga butanga?

¹¹Verily, verily, I say unto thee, We speak that which we know, and bear witness of that which we have seen; and ye receive not our witness.

¹¹Sa pagkamatuod, sa pagkamatuod, nagaingon ako kanimo: Kami nagasulti sa among hingbaloan, ug nagapamatuod sa among hingkit-an; ug kamo wala modawat sa among pagpamatuod.

¹²If I told you earthly things and ye believe not, how shall ye believe if I tell you heavenly things?

¹²Kong nagsulti ako kaninyo sa mga butang nga yutan-on, ug wala kamo motoo, unsaon ninyo pagtoo kong ako magsulti kaninyo sa mga butang nga langitnon?

¹³And no one hath ascended into heaven, but he that descended out of heaven, [even] the Son of man, who is in heaven.

¹³Ug walay tawo nga nakasaka sa langit, kondili ang nanaug gikan sa langit, ang Anak sa tawo nga anaa sa langit.

¹⁴And as Moses lifted up the serpent in the wilderness, even so must the Son of man be lifted up;

¹⁴Ug maingon nga si Moises nagpatindog sa halas sa kamingawan, mao usab, kinahanglan nga pagapatindugon ang Anak sa tawo,

¹⁵that whosoever believeth may in him have eternal life.

¹⁵Aron ang tanan nga motoo kaniya dili mawala, kondili may kinabuhi nga walay katapusan.

¹⁶For God so loved the world, that he gave his only begotten Son, that whosoever believeth on him should not perish, but have eternal life.

¹⁶Kay gihigugma sa Dios ang kalibutan, sa pagkaagi nga gihatag niya ang iyang Anak nga ugtong, aron ang tanan nga motoo kaniya dili mawala, kondili may kinabuhi nga walay katapusan.

¹⁷For God sent not the Son into the world to judge the world; but that the world should be saved through him.

¹⁷Kay ang Dios wala magpaanhi sa iyang Anak sa kalibutan aron sa paghukom sa silot sa kalibutan, kondili aron ang kalibutan maluwas tungod kaniya.

¹⁸He that believeth on him is not judged: he that believeth not hath been judged already, because he hath not believed on the name of the only begotten Son of God.

¹⁸Ang motoo kaniya dili hinukman sa silot; apan ang dili motoo kaniya ginahukman na sa silot, kay siya wala motoo sa ngalan sa bugtong nga Anak sa Dios.

¹⁹And this is the judgment, that the light is come into the world, and men loved the darkness rather than the light; for their works were evil.

¹⁹Ug kini mao ang paghukom sa silot; nga ang kahayag mianhi sa kalibutan, ug ang mga tawo nahigugma sa kangitngit labi kay sa kahayag; kay ang ilang mga buhat mga dautan.

²⁰For every one that doeth evil hateth the light, and cometh not to the light, lest his works should be reproved.

²⁰Kay ang tanan nga nagabuhat sa dautan nagadumot sa kahayag, ug dili moduol sa kahayag aron dili pagbadlongon ang ilang mga buhat.

²¹But he that doeth the truth cometh to the light, that his works may be made manifest, that they have been wrought in God.

²¹Apan ang nagabuhat sa kamatuoran moduol sa kahayag, aron ang iyang mga buhat ikapadayag, nga sila nangahimo sa Dios.

²²After these things came Jesus and his disciples into the land of Judea; and there he tarried with them, and baptized.

²²Sa human kining mga butanga, si Jesus ug ang iyang mga tinon-an miadto sa yuta sa Judea, ug didto mipuyo siya uban kanila ug nagabautismo.

²³And John also was baptizing in Enon near to Salim, because there was much water there: and they came, and were baptized.

²³Ug si Juan usab nagabautismo didto sa Enon, haduol sa Salem, kay didto may daghang tubig; ug sila nanagpangabut ug nanagpabautismo.

²⁴For John was not yet cast into prison.

²⁴Kay si Juan wala pa ikasulod sa bilanggoan.

²⁵There arose therefore a questioning on the part of John's disciples with a Jew about purifying.

²⁵Busa miabut ang paglalisay sa mga tinon-an ni Juan ug usa ka Judio mahitungod sa pagkahinlo;

²⁶And they came unto John, and said to him, Rabbi, he that was with thee beyond the Jordan, to whom thou hast borne witness, behold, the same baptizeth, and all men come to him.

²⁶Ug nangadto sila kang Juan ug miingon kaniya: Rabbi, ang kauban nimo didto sa unahan sa Jordan, ang imong ginapamatud-an, ania karon, hingkaplagan nga nagabautismo, ug ang tanang mga tawo mingdugok kaniya.

²⁷John answered and said, A man can receive nothing, except it have been given him from heaven.

²⁷Si Juan mitubag ug miingon: Ang tawo dili makadawat bisan unsa gawas kong kini ginahatag kaniya gikan sa langit.

²⁸Ye yourselves bear me witness, that I said, I am not the Christ, but, that I am sent before him.

²⁸Kamo sa inyong kaugalingon nagapamatuod kanako, nga ako miingon: Ako dili mao ang Cristo, kondili ako gisugo pag-una kaniya.

²⁹He that hath the bride is the bridegroom: but the friend of the bridegroom, that standeth and heareth him, rejoiceth greatly because of the bridegroom's voice: this my joy therefore is made full.

²⁹Ang nagabaton sa pangasaw-onon mao ang pamanhonon, apan ang abyan sa pamanhonon nagatindog ug nagapatalinghug kaniya, nalipay ug daku gayud tungod sa tingog sa pamanhonon. Tungod niana kining akong kalipay natuman.

³⁰He must increase, but I must decrease.

³⁰Siya kinahanglan motubo, apan ako kinahanglan magakubos.

³¹He that cometh from above is above all: he that is of the earth is of the earth, and of the earth he speaketh: he that cometh from heaven is above all.

³¹Ang nagagikan sa ibabaw, labing hataas sa tanan; ang nagagikan sa yuta, iya sa yuta, ug nagasulti mahitungod sa yuta. Ang nagagikan sa langit labing hataas sa tanan.

³²What he hath seen and heard, of that he beareth witness; and no man receiveth his witness.

³²Ang iyang hingkit-an ug hing-dunggan, kana mao ang iyang gipamatud-an, ug walay tawo nga magadawat sa iyang pagpamatuod.

³³He that hath received his witness hath set his seal to [this], that God is true.

³³Ang midawat sa iyang pagpamatuod, mibutang sa iyang timaan niini, nga ang Dios matuod.

³⁴For he whom God hath sent speaketh the words of God: for he giveth not the Spirit by measure.

³⁴Kay ang gisugo sa Dios nagasulti sa mga pulong sa Dios, kay ang Dios wala magahatag kaniya sa Espiritu pinaagi sa tinaksanay.

³⁵The Father loveth the Son, and hath given all things into his hand.

³⁵Ang Amahan nahagugma sa Anak ug nagatugyan sa tanang mga butang ngadto sa iyang mga kamot.

³⁶He that believeth on the Son hath eternal life; but he that obeyeth not the Son shall not see life, but the wrath of God abideth on him.

³⁶Ang motoo sa Anak may kinabuhi nga walay katapusan, apan ang dili magatuman sa Anak dili makakaplag sa kinabuhi, kondili ang kaligutgut sa Dios pabilin sa ibabaw niya.