¹Elihu also proceeded, and said,

¹¶ I korero ano a Erihu, i mea,

²Suffer me a little, and I will show thee; For I have yet somewhat to say on God's behalf.

²Tukua ahau, kia iti nei, a ka whakaatu ahau ki a koe; he kupu ano hoki aku mo ta te Atua.

³I will fetch my knowledge from afar, And will ascribe righteousness to my Maker.

³Ka tikina atu e ahau toku mohio i tawhiti, ka whakatikaia e ahau ta toku Kaihanga.

⁴For truly my words are not false: One that is perfect in knowledge is with thee.

⁴E kore rawa hoki aku kupu e teka: tenei kei a koe te tangata kua tino nui tona matauranga.

⁵Behold, God is mighty, and despiseth not any: He is mighty in strength of understanding.

⁵¶ Nana, he pakari te Atua, e kore ano ia e whakahawea: pakari tonu te kaha o tona matauranga.

⁶He preserveth not the life of the wicked, But giveth to the afflicted [their] right.

⁶E kore te tangata kino e whakaorangia e ia; mana te hunga mate e whiwhi ai ki nga mea e tika ana ma ratou.

⁷He withdraweth not his eyes from the righteous: But with kings upon the throne He setteth them for ever, and they are exalted.

⁷E kore e mutu tana titiro ki te tangata tika; engari ka whakanohoia ngatahitia ratou e ia me nga kingi ki runga ki te torona ake ake, a ka whakanekehia ake hoki ratou.

⁸And if they be bound in fetters, And be taken in the cords of afflictions;

⁸Ki te mea kua herea ratou ki te mekameka, mau pu i te rahiri, ara i nga mate,

⁹Then he showeth them their work, And their transgressions, that they have behaved themselves proudly.

⁹Na ka whakakitea e ia ki a ratou ta ratou mahi, me o ratou he, i mea ai ratou i nga mea whakapehapeha.

¹⁰He openeth also their ear to instruction, And commandeth that they return from iniquity.

¹⁰Ka whakapuaretia ano e ia o ratou taringa ki te ako, a ka ki kia hoki i te kino.

¹¹If they hearken and serve [him], They shall spend their days in prosperity, And their years in pleasures.

¹¹Ki te rongo ratou, a ka mahi ki a ia, ka pau o ratou ra i runga i te pai, o ratou tau i runga i nga ahuareka.

¹²But if they hearken not, they shall perish by the sword, And they shall die without knowledge.

¹²Otira ki te kore ratou e rongo, ka ngaro ratou i te hoari, hemo iho ratou, kahore hoki he matauranga.

¹³But they that are godless in heart lay up anger: They cry not for help when he bindeth them.

¹³Ko te hunga whakaponokore o ratou ngakau, puranga rawa i a ratou te riri; kahore a ratou karanga awhina ina herea ratou e ia.

¹⁴They die in youth, And their life [perisheth] among the unclean.

¹⁴Ka mate ratou i te taitamarikitanga, a ka ngaro to ratou ora i roto i te hunga poke.

¹⁵He delivereth the afflicted by their affliction, And openeth their ear in oppression.

¹⁵¶ Ko tana he whakaora i te rawakore ina mate, e whakapuaretia ana e ia o ratou taringa ina tukinotia.

¹⁶Yea, he would have allured thee out of distress Into a broad place, where there is no straitness; And that which is set on thy table would be full of fatness.

¹⁶Ae ra, me koe ano, tera koe e riro i a ia i roto i te kuititanga ki te wahi whanui; a ki tonu i te ngako te mea e whakatakotoria ki runga ki tau tepu.

¹⁷But thou art full of the judgment of the wicked: Judgment and justice take hold [on thee].

¹⁷Otiia ki tonu koe i te tikanga a te tangata kino; a mau pu koe i nga tikanga, i te whakarite whakawa.

¹⁸For let not wrath stir thee up against chastisements; Neither let the greatness of the ransom turn thee aside.

¹⁸Na i te mea he riri tenei, kia tupato kei riro koe i te nui o au rawa; aua hoki koe e whakapeautia e te nui o te utu.

¹⁹Will thy cry avail, [that thou be] not in distress, Or all the forces of [thy] strength?

¹⁹E ranea ranei ou rawa, e kore ai koe e taka he? nga uaua katoa ranei o tou kaha?

²⁰Desire not the night, When peoples are cut off in their place.

²⁰Kaua e hiahiatia te po, te wa e riro ai nga tangata i runga i to ratou whai.

²¹Take heed, regard not iniquity: For this hast thou chosen rather than affliction.

²¹Kia tupato, kaua e tahuri ki te kino; ki tau hoki he pai ake tenei i nga mate.

²²Behold, God doeth loftily in his power: Who is a teacher like unto him?

²²Nana, ko te Atua, ko tona kaha hei whakanui, ko wai te kaiwhakaako hei rite mona?

²³Who hath enjoined him his way? Or who can say, Thou hast wrought unrighteousness?

²³Ko wai te kaitohutohu i te ara mona? Ko wai hei mea, Kua he tau mahi?

²⁴Remember that thou magnify his work, Whereof men have sung.

²⁴¶ Kia mahara kia whakanuia e koe tana mahi, e waiatatia nei e te tangata.

²⁵All men have looked thereon; Man beholdeth it afar off.

²⁵Kua tirohia nei e nga tangata katoa e matakitakina mai nei e te tangata i tawhiti.

²⁶Behold, God is great, and we know him not; The number of his years is unsearchable.

²⁶Nana, he nui te Atua, e kore ano e mohiotia e tatou; e kore ano hoki te maha o ona tau e taea te rapu atu.

²⁷For he draweth up the drops of water, Which distil in rain from his vapor,

²⁷Ko ia nei hei ngongo ake i nga pata wai, ka tauia i tona kohu hei awha:

²⁸Which the skies pour down And drop upon man abundantly.

²⁸Ka ringihia iho nei e nga kapua, a ka maturuturu nui ki runga ki te tangata.

²⁹Yea, can any understand the spreadings of the clouds, The thunderings of his pavilion?

²⁹Ae ra, e mohiotia ana ranei e tetahi nga horahanga o nga kapua, te ngangau o tona tapenakara?

³⁰Behold, he spreadeth his light around him; And he covereth the bottom of the sea.

³⁰Nana, e horahia ana e ia tona marama a tawhio noa i a ia; e hipokina ana hoki e ia te takere o te moana.

³¹For by these he judgeth the peoples; He giveth food in abundance.

³¹Ko ana mea hoki ena hei whakawa mo nga iwi, nui tonu te kai e homai ana e ia.

³²He covereth his hands with the lightning, And giveth it a charge that it strike the mark.

³²E hipokina ana e ia ona ringa ki te uira, a whakahaua iho e ia te wahi e pa atu ai.

³³The noise thereof telleth concerning him, The cattle also concerning [the storm] that cometh up.

³³Hei kaiwhakaatu i a ia tona haruru, e waitohu ana hoki ki nga kararehe i te tupuhi meake puta mai.