¹И рече на учениците Си: Не е възможно да не дойдат съблазните; но горко на онзи, чрез който дохождат!

¹O Jesus phendia peske disiplonge, "Musai avel o zumaimos kai ingerel le manushen te peren ando bezex; numa nasul kodoleske kastar avel o zumaimos!

²По-добре би било за него да се окачи един голям воденичен камък на врата му и да бъде хвърлен в морето, а не да съблазни един от тия малките.

²Mai bini te avel ek baro bax phanglo ka peski kox kai te avel shudino ande bari maria, de sar te kerel iek anda kadala tsinorhe kai pachanpe ande mande te peren ando bezex.

³Внимавайте на себе си. Ако прегреши брат ти, смъмри го; и ако се покае прости му.

³"Arakhen tume! Te kerela bezex cho phral, phen leske zurale vorbi; te keilpe ai boldela palpale, iertisar les.

⁴И седем пъти на ден ако ти сгреши, и седем пъти се обърне към тебе и каже: Покайвам се, прощавай му.

⁴Te kerel bezex karing tute eftavar ande iek dies, ai eftavar avela tute, ai phenel, 'Keisailem anda so kerdem tuke.' Tu iertisar leske."

⁵И апостолите рекоха на Господа: Придай ни вяра.

⁵Le Apostles phendia le Devleske, "De ame mai pachamos."

⁶А Господ рече: Ако имате вяра колкото синапово зърно, казали бихте на тая черница: Изкорени се и насади се в морето, и тя би ви послушала.

⁶Ai O Del phendia, "Te si tume pachamos sar iek sumuntsi garchitsaki, tu sai phenena kakala krenzhaki, 'Ankli avri andai phuv, ai tho tu ande maria!' ai kodia krenzha pachala tumaro mui."

⁷А кой от вас, ако има слуга да му оре или да му пасе, ще му рече веднага, щом си дойде от нивата: Влез да ядеш?

⁷Savo anda tumende, kai si les ek sluga kai lasharel e phuv vai lel sama katar le bakre, phenela leske kana avela pal kimpuria. "Aidi sigo ai tho tu kai skafidi?"

⁸Напротив не ще ли му рече: Приготви нещо да вечерям, стегни се та ми пошетай, докато ям и пия, и подир това ти ще ядеш и пиеш?

⁸Vai chi phenela leske, "Lashar mange te xav, tho angla tute pishtiri ai podaisar ma zhi kai xav ai piiav; ai antunchi tu xasa ai pesa."

⁹Нима ще благодари на слугата за дето е извършил каквото е било заповядано? [Не вярвам].

⁹Chi trobul te naisil le slugako anda so phendiasas leske te kerel, si vai nai?

¹⁰Също така и вие, когато извършите все що ви е заповядано, казвайте: Ние сме безполезни слуги; извършихме [само] това, което бяхме длъжни да извършим.

¹⁰Vi tume, kana kerdian so godi sas phendo tumenge te keren, phenen, "Ame sam ferdi slugi; ame kerdiam ferdi so sas phendo amenge te keras."

¹¹И в пътуването Си към Ерусалим Той минаваше [границата] между Самария и Галилея.

¹¹O Jesus zhalas ando Jerusalem, ai nakhelas mashkar e Samaria ai Galilee.

¹²И като влизаше в едно село, срещнаха Го десетина прокажени, които, като се спряха отдалеч,

¹²Sar zhalas andek gav, desh manush kai sas lepra avile karing Jesus numa dural sas;

¹³извикаха със силен глас, казвайки: Исусе наставниче, смили се за нас!

¹³vazde pengo glaso, ai phende, "Jesus! Tu o Gazda! Av tuke mila anda amende!"

¹⁴И като ги видя, рече им: Идете, покажете се на свещениците. И като отиваха, очистиха се.

¹⁴Ai kana O Jesus dikhlia le, phendia lenge, "Zhan sikadion kal rasha," ai pa drom kai zhanas kal rasha sastile.

¹⁵И един от тях, като видя, че изцеля, върна се и със силен глас славеше Бога,

¹⁵Iek anda lende, kana dikhlia ke sastilo, boldiape palpale, ai naisilas le Devleske zurales,

¹⁶и падна на лице при нозете на [Исуса] и Му благодареше. И той бе самарянин.

¹⁶shudiape le mosa pe phuv kal punrhe le Jesusoske, ai naisisardia leske; kodo manush sas ek Samaritano.

¹⁷А Исус в отговор му рече: Нали се очистиха десетимата? а где са деветимата?

¹⁷O Jesus phendia, "Sastile sas le desh. Kai le kolaver inia?

¹⁸Не намериха ли се [други] да се върнат и въздадат слава на Бога, освен тоя иноплеменник?

¹⁸Ferdi kako streino avilo palpale te naisil le Devles."

¹⁹И рече му: Стани и си иди; твоята вяра те изцели.

¹⁹Porme O Jesus phendia, "Wushti ai zhas: cho pachamos sastiardian tu."

²⁰А [Исус] попитан от фарисеите, кога ще дойде Божието царство, в отговор им каза: Божието царство не иде така щото да се забелязва;

²⁰Uni Farizeanuria phushle katar O Jesus kana avela e amperetsia le Devleski. O Jesus phendia lenge, "E amperetsia le Devleski chi avel te dikhen la le manush

²¹нито ще рекат: Ето тук е! или Там е! защото, ето Божието царство е всред вас.

²¹Khonik chi phenela, "Dikh! Katarlo!" vai "Kotelo!" Ke e amperetsia le Devleski mashkar tumende lo."

²²И рече на учениците: Ще дойдат дни, когато ще пожелаете да видите[ поне] един от дните на Човешкия Син, и няма да видите.

²²O Jesus phendia le disiplonge, "Avena uni diesa kana mangenas te dikhen iek andal diesa O Shav le Manushesko, numa chi dikhena les.

²³И като ви рекат: Ето, тук е! да не отидете, нито да тичате подире[ им].

²³Uni phenena tumenge, "Dikh! Katar lo!" vai "Kote lo!" Na zhan pala lende.

²⁴Защото, както светкавицата, когато блесне от единия край на хоризонта, свети до другия край на хоризонта, така ще бъде и Човешкият Син в Своя ден.

²⁴Sar o rhunjito sikadiol ai strefial anda iek gor le cheresko zhando kolaver gor, kadia aven O Shav le Manushesko kana avela lesko dies.

²⁵Но първо Той трябва да пострада много и да бъде отхвърлен от това поколение.

²⁵Numa trobul mai anglal te chinuil but, te gonin les le manush.

²⁶И както стана в Ноевите дни, така ще бъде и в дните на Човешкия Син;

²⁶"Sar sas ando dies kana sas o Noah, sakadia si te avel kana avela O Shav le Manushesko.

²⁷ядяха, пиеха, женеха се и се омъжваха до деня, когато Ное влезе в ковчега, и дойде потопът и ги погуби всички.

²⁷Le manush xanas, penas, ansurinas penge shaven zhi ka dies kai o Noah gelo ande pharaxodo, avilo baro pai, ai savorhe xasaile.

²⁸Така също, както стана в Лотовите дни; ядяха, пиеха, купуваха, продаваха, садяха и градяха,

²⁸Sar sas ando dies kana sas o Lot; sakadia le manush xanas ai penas, chinenas ai bichinenas, bariarenas ai kerenas khera;

²⁹а в деня, когато Лот излезе от Содом, огън и сяра наваляха от небето и ги погубиха всички, -

²⁹Numa o dies kai o Lot anklisto avri anda Sodom, iag ai Sulfer pelo anda cheri sar breshind, ai savorhe xasaile.

³⁰подобно на това ще бъде и в деня, когато Човешкият Син ще се яви.

³⁰Sakadia avela kana O Shav le Manushesko sikadiola.

³¹В оня ден, който се намери на къщния покрив, ако вещите му са в къщи, да не слиза да ги вземе; също и който е на нива да не се връща назад.

³¹"Ande kodo dies, kodo kai si opral pesko kheresko, ai si les leske dieli ando kher, nashti hulela tele te les le; ai kuko kai si ando kimpo (niva), nashti zhal palpale ka pesko kher.

³²Помнете Лотовата жена.

³²Den tume goji kai zhuvli le manushesko kai busholas Lot.

³³Който иска да спечели живота {Или: Душата} си, ще го изгуби; а който го изгуби, ще го опази.

³³"Kodo kai rodela te skepil pesko traio xasarela les; ai kodo kai xasarela pesko traio skepila les.

³⁴Казвам ви, в онази нощ двама ще бъдат на едно легло; единият ще се вземе, а другият ще се остави.

³⁴Phenav tumenge, kodia riat dui manush sovena ande iek pato; iek avela lino, ai iek ashela.

³⁵Две жени ще мелят заедно; едната ще се вземе, а другата [ще се вземе, а другата]{Повторението на тези думи вероятно е печатна грешка в изданието от 1940 г.} ще се остави.

³⁵Dui zhuvlia licharena jiv andek than; iek avela lini, ai iek ashela.

³⁶[Двама ще бъдат на нива; единият ще се вземе, а другият ще се остави].

³⁶Dui manush si te aven ande niva (kimpo); iek avel lino, ai iek ashela."

³⁷Отговарят Му, казвайки: Къде, Господи? А Той им рече: Където е трупът, там ще се съберат и орлите.

³⁷Ai le disipluria phushle les, "Kai kerdiola kadia diela, Devla?" O Jesus phendia, "Kai si ek mulo stato, kotse chidenape le ulruria."