¹Anak ko, kong dawaton mo ang akong mga pulong, Ug tigumon mo ang akong mga sugo diha kanimo;

¹My son, if thou receivest my words, and layest up my commandments with thee,

²Aron nga ikiling mo ang imong igdulungog ngadto sa kaalam, Ug bansayon mo ang imong kasingkasing sa pagsabut;

²so that thou incline thine ear unto wisdom [and] thou apply thy heart to understanding;

³Oo, kong ikaw magasangpit sa salabutan, Ug magapatugbaw sa imong tingog alang sa pagpakasabut;

³yea, if thou criest after discernment [and] liftest up thy voice to understanding;

⁴Kong ikaw mangita kaniya ingon nga salapi, Ug magapangita kaniya ingon sa tinipigan nga mga bahandi:

⁴if thou seekest her as silver and searchest for her as for hidden treasures:

⁵Unya ikaw makasabut sa pagkahadlok kang Jehova, Ug hikaplagan mo ang kahibalo sa Dios.

⁵then shalt thou understand the fear of Jehovah, and find the knowledge of God.

⁶Kay si Jehova mohatag ug kaalam; Gikan sa iyang baba magagula ang kahibalo ug pagpakasabut:

⁶For Jehovah giveth wisdom; out of his mouth [come] knowledge and understanding.

⁷Siya magatigum ug halalum nga kaalam alang sa matul-id; Siya mao ang taming kanila nga nagalakat sa pagkahingpit sa kasingkasing;

⁷He layeth up sound wisdom for the upright; [he] is a shield to them that walk in integrity;

⁸Aron iyang mabantayan ang mga alagianan sa justicia, Ug ampingan ang dalan sa iyang mga balaan.

⁸guarding the paths of just judgment and keeping the way of his godly ones.

⁹Unya masabut mo ang pagkamatarung ug ang justicia, Ug sa pagkatul-id, oo , ang tagsatagsa ka maayong alagianan.

⁹Then shalt thou understand righteousness and judgment and equity: every good path.

¹⁰Kay ang kaalam mosulod ngadto sa imong kasingkasing, Ug ang kahibalo makapahimuot sa imong kalag;

¹⁰When wisdom entereth into thy heart and knowledge is pleasant unto thy soul,

¹¹Ang pagkabuotan magabantay sa ibabaw nimo; Ang pagpakasabut magahupot kanimo:

¹¹discretion shall keep thee, understanding shall preserve thee:

¹²Aron sa pagluwas kanimo gikan sa dalan sa dautan, Gikan sa mga tawong nagsulti sa mga binalit-ad nga butang;

¹²To deliver thee from the way of evil, from the man that speaketh froward things;

¹³Nga nagabiya sa mga alagianan nga matul-id, Aron sa paglakat sa mga dalan sa kangitngit;

¹³[from those] who leave the paths of uprightness, to walk in the ways of darkness;

¹⁴Nga nagamaya sa pagbuhat ug dautan, Ug nagakalipay sa pagkabinalitad sa tawong dautan;

¹⁴who rejoice to do evil, [and] delight in the frowardness of evil;

¹⁵Nga mga baliko sa ilang mga dalan, Ug mga sukwahi sa ilang mga alagianan:

¹⁵whose paths are crooked, and who are perverted in their course:

¹⁶Aron sa pagluwas kanimo gikan sa babaye nga dumuloong, Bisan gikan sa dumuloong nga nagaulog-ulog pinaagi sa iyang mga pulong;

¹⁶To deliver thee from the strange woman, from the stranger who flattereth with her words;

¹⁷Nga nagabiya sa higala sa iyang pagkabatan-on, Ug nahikalimot sa tugon sa iyang Dios:

¹⁷who forsaketh the guide of her youth, and forgetteth the covenant of her God;

¹⁸Kay ang iyang balay nagaharag ngadto sa kamatayon, Ug ang iyang mga alagianan ngadto sa mga minatay;

¹⁸-- for her house inclineth unto death, and her paths unto the dead;

¹⁹Walay mahiadto kaniya nga mahibalik pag-usab, Ni makadangat sila ngadto sa mga alagianan sa kinabuhi:

¹⁹none that go unto her return again, neither do they attain to the paths of life:

²⁰Aron ikaw magalakaw sa dalan sa mga maayong tawo, Ug magabantay sa mga alagianan sa mga matarung.

²⁰-- that thou mayest walk in the way of the good, and keep the paths of the righteous.

²¹Kay ang mga matul-id magapuyo sa yuta, Ug ang hingpit magapabilin diha niana.

²¹For the upright shall dwell in the land, and the perfect shall remain in it;

²²Apan ang mga dautan pagaputlon gikan sa yuta, Ug ang mabudhion pagalukahon gikan niini.

²²but the wicked shall be cut off from the land, and the unfaithful shall be plucked up out of it.