¹Maayo pa ang momho nga nauga, ug ang kalinaw uban niana, Kay sa usa ka balay nga napuno sa hudyaka nga inubanan sa pagkabingkil.

¹Better is a dry morsel with quietness, than a house full of feasting with strife.

²Ang usa ka ulipon nga nagapaagi sa pagkamanggialamon gayud magagahum sa usa ka anak nga nagapakaulaw, Ug makaambit sa bahin sa panulondon taliwala sa mga kaigsoonan.

²A servant who deals wisely will rule over a son who causes shame, and shall have a part in the inheritance among the brothers.

³Ang kolon tunawanan alang sa salapi, ug ang hasohasan alang sa bulawan; Apan si Jehova magasulay sa mga kasingkasing.

³The refining pot is for silver, and the furnace for gold, but Yahweh tests the hearts.

⁴Ang mamumuhat sa kadautan magapamati sa dautang mga ngabil; Ug ang usa ka bakakon nagapatalinghug sa usa ka dila nga makadaut

⁴An evildoer heeds wicked lips. A liar gives ear to a mischievous tongue.

⁵Bisan kinsa nga nagayubit sa kabus nagatamay sa iyang Magbubuhat; Ug ang malipay sa panahon sa pagkaalaut dili makagawas sa silot.

⁵Whoever mocks the poor reproaches his Maker. He who is glad at calamity shall not be unpunished.

⁶Ang mga anak sa mga anak maoy purongpurong sa mga tawong tigulang; Ug ang himaya sa mga anak mao ang ilang mga amahan.

⁶Children’s children are the crown of old men; the glory of children are their parents.

⁷Ang pakigpulong nga labing maayo dili mahatungod sa usa ka buang; Labing dili angay ang bakakon nga mga ngabil sa usa ka principe.

⁷Arrogant speech isn’t fitting for a fool, much less do lying lips fit a prince.

⁸Ang hiphip daw usa ka hamili nga bato diha sa mga mata kaniya nga magabaton niini; Sa bisan diin kini moliso kini magamauswagon.

⁸A bribe is a precious stone in the eyes of him who gives it; wherever he turns, he prospers.

⁹Kadtong magatabon sa usa ka kalapasan nagapangita ug gugma; Apan kadtong magabutyag sa usa ka butang nagapabulag sa labing suod nga mga higala.

⁹He who covers an offense promotes love; but he who repeats a matter separates best friends.

¹⁰Ang usa ka pagbadlong motidlum sa halalum gayud nganha sa usa nga may salabutan Kay sa usa ka gatus nga mga labud nganha sa usa ka buang.

¹⁰A rebuke enters deeper into one who has understanding than a hundred lashes into a fool.

¹¹Ang tawong dautan magapangita lamang sa usa ka kagubot; Tungod niini ang usa ka mabangis nga sinugo igapadala batok kaniya.

¹¹An evil man seeks only rebellion; therefore a cruel messenger shall be sent against him.

¹²Ipasugat sa usa ka oso nga nawad-an sa iyang mga anak ang usa ka tawo, Kay sa usa ka buang diha sa iyang binuang.

¹²Let a bear robbed of her cubs meet a man, rather than a fool in his folly.

¹³Bisan kinsa nga nagabalus ug dautan sa maayo, Ang dautan dili mopahawa gikan sa iyang balay.

¹³Whoever rewards evil for good, evil shall not depart from his house.

¹⁴Ang sinugdanan sa panagkabingkil maoy ingon sa usa nga magahuwad sa tubig: Busa biyai ang panaglalis sa dili pa ang panag-away.

¹⁴The beginning of strife is like breaching a dam, therefore stop contention before quarreling breaks out.

¹⁵Kadtong magapamatarung sa dautan, ug kadtong magasilot sa matarung, Silang duruha managsama maoy dulumtanan kang Jehova.

¹⁵He who justifies the wicked, and he who condemns the righteous, both of them alike are an abomination to Yahweh.

¹⁶Busa aduna bay bili diha sa kamot sa usa ka buang aron sa pagpalit sa kaalam, Sanglit siya wala may salabutan?

¹⁶Why is there money in the hand of a fool to buy wisdom, since he has no understanding?

¹⁷Ang usa ka higala mahagugma sa tanang panahon; Ug ang usa ka igsoon matawo nga alang sa pagkaalaut.

¹⁷A friend loves at all times; and a brother is born for adversity.

¹⁸Ang tawo nga walay salabutan magapanghampak sa kamot, Ug mahimong pasalig sa atubangan sa iyang isigkatawo.

¹⁸A man void of understanding strikes hands, and becomes collateral in the presence of his neighbor.

¹⁹Siya nga mahagugma sa pagkamalapason mahagugma sa pakigbingkil: Kadtong magaalsa sa itaas sa iyang ganghaan nagapangita sa kalumpagan.

¹⁹He who loves disobedience loves strife. One who builds a high gate seeks destruction.

²⁰Kadtong may masalaagon nga kasingkasing dili makakaplag sa maayo; Ug kadtong may usa ka masukihon nga dila mahulog sa kadautan.

²⁰One who has a perverse heart doesn’t find prosperity, and one who has a deceitful tongue falls into trouble.

²¹Kadtong nanganak ug usa ka buang nakaangkon niini sa iyang kasub-anan; Ug ang amahan sa usa ka buang walay kalipay.

²¹He who becomes the father of a fool grieves. The father of a fool has no joy.

²²Ang kasingkasing nga malipayon maoy usa ka maayong tambal; Apan ang usa kamasulob-on nga espiritu nagapauga sa mga bukog.

²²A cheerful heart makes good medicine, but a crushed spirit dries up the bones.

²³Ang tawong dautan magadawat ug usa ka hiphip gikan sa sabakan, Aron sa pagbalit-ad sa mga dalan sa justicia.

²³A wicked man receives a bribe in secret, to pervert the ways of justice.

²⁴Ang kaalam anaa sa atubangan sa nawong niadtong may salabutan; Apan ang mga mata sa usa ka buang anaa sa mga kinatumyan sa yuta.

²⁴Wisdom is before the face of one who has understanding, but the eyes of a fool wander to the ends of the earth.

²⁵Ang anak nga buangbuang maoy kasubo sa iyang amahan. Ug kapaitan niadtong nanganak kaniya.

²⁵A foolish son brings grief to his father, and bitterness to her who bore him.

²⁶Ang pagsilot usab sa matarung dili maayo, Ni ang pagbunal sa harianon alang sa ilang pagkatul-id.

²⁶Also to punish the righteous is not good, nor to flog officials for their integrity.

²⁷Kadtong nagapugong sa iyang mga pulong may kahibalo; Ug kadtong may usa ka mabugnawng espiritu maoy usa ka tawo sa salabutan.

²⁷He who spares his words has knowledge. He who is even tempered is a man of understanding.

²⁸Bisan ang usa ka buang, kong siya magahilum, pagaisipon nga manggialamon; Kong siya magatak-om sa iyang mga ngabil, siya pagatamdon nga ingon sa buotan.

²⁸Even a fool, when he keeps silent, is counted wise. When he shuts his lips, he is thought to be discerning.