¹ALABA jamyo si Jeova. O nae grasias si Jeova; sa güiya mauleg: sa y minaaseña gagaegueja para taejinecog.

¹הללויה הודו ליהוה כי טוב כי לעולם חסדו׃

²Jaye siña sumangan y gaesisiñan y checho Jeova? pot mamanue todo ni y alabansaña?

²מי ימלל גבורות יהוה ישמיע כל תהלתו׃

³Dichoso ayo sija y umadadaje y juisio, yan ayo y fumatitinas y tininas todo y tiempo.

³אשרי שמרי משפט עשה צדקה בכל עת׃

⁴Jasoyo, O Jeova, nu y finaborese ni y unnae y taotaomo; O bisitayo nu y satbasionmo;

⁴זכרני יהוה ברצון עמך פקדני בישועתך׃

⁵Para jusiña lumie y minauleg gui inayegmo, para jusiña mumagof gui minagof y nasionmo, para jusiña mumalag gui erensiamo.

⁵לראות בטובת בחיריך לשמח בשמחת גויך להתהלל עם נחלתך׃

⁶Guinin manisaojam yan y tatanmame, infatinas y tinaelaye yan inchegüe y inechong.

⁶חטאנו עם אבותינו העוינו הרשענו׃

⁷Y tatanmame ti jatungo y ninamanmanmo guiya Egipto; ti jajaso y manadan y minaasemo; lao manmanembeste gui tase, junggan gui Tasen Agaga.

⁷אבותינו במצרים לא השכילו נפלאותיך לא זכרו את רב חסדיך וימרו על ים בים סוף׃

⁸Lao jasatbaja sija pot y naanña, para usiña janamatungo y dangculon y ninasiñaña.

⁸ויושיעם למען שמו להודיע את גבורתו׃

⁹Jalalatde y Tasen Agaga locue yan janaanglo: lao jaesgaejon sija inanaco y todo gui tinadong, taegüije todo inanaco y desierto.

⁹ויגער בים סוף ויחרב ויוליכם בתהמות כמדבר׃

¹⁰Yan janafanlibre sija guinin y canae ayo y chumatlie sija, yan jarescata sija guinin y canae y enimigo.

¹⁰ויושיעם מיד שונא ויגאלם מיד אויב׃

¹¹Yan y janom sija tumampe y contrarioñija: ya taya ni uno guiya sija sebla.

¹¹ויכסו מים צריהם אחד מהם לא נותר׃

¹²Ayo nae jajonggue y sinanganña sija; jacanta y tininaña.

¹²ויאמינו בדבריו ישירו תהלתו׃

¹³Ya guse manmalefa ni y chechoña: ti janangga y pinagatña:

¹³מהרו שכחו מעשיו לא חכו לעצתו׃

¹⁴Lao manmalago megae gui jalomtano, yan matienta si Yuus gui desierto.

¹⁴ויתאוו תאוה במדבר וינסו אל בישימון׃

¹⁵Ya güiya numae sija ni y guinagaoñija; lao janamanae ni y minasogsog gui jalom y anteñija.

¹⁵ויתן להם שאלתם וישלח רזון בנפשם׃

¹⁶Ya manmanugo as Moises gui fangualuan; yan si Aaron ni y santos Jeova.

¹⁶ויקנאו למשה במחנה לאהרן קדוש יהוה׃

¹⁷Y tano mababa ya pinañot si Datan, yan mantinampe y mangachong Abirom.

¹⁷תפתח ארץ ותבלע דתן ותכס על עדת אבירם׃

¹⁸Yan y guafe manafañila gui mangachongñija; ya y mañila sumonggue y manaelaye.

¹⁸ותבער אש בעדתם להבה תלהט רשעים׃

¹⁹Ya manmamatinas tatnero guiya Horeb, yan maadora y diniriten y imagen.

¹⁹יעשו עגל בחרב וישתחוו למסכה׃

²⁰Taegüije, jatulaeca y minalagñija para nu jechuran guaca ni y chumochocho chaguan.

²⁰וימירו את כבודם בתבנית שור אכל עשב׃

²¹Manmalefa as Yuus ni y satbadotñija, ni y fumatinas y mandangculo na güinaja guiya Egipto;

²¹שכחו אל מושיעם עשה גדלות במצרים׃

²²Mannamanman na checho gui tano Cam, yan mannamaañao na güinaja gui Tasen Agaga.

²²נפלאות בארץ חם נוראות על ים סוף׃

²³Enao mina ilegña güiya, na uyunilang sija, yaguin ti si Moises ni y inayegña ti tumogue gui menaña gui finapetta, para ubira y binibuña para chaña yumuyulang sija.

²³ויאמר להשמידם לולי משה בחירו עמד בפרץ לפניו להשיב חמתו מהשחית׃

²⁴Magajet na jachatlie y güaeyayon na tano, ya ti jajonggue y finoña.

²⁴וימאסו בארץ חמדה לא האמינו לדברו׃

²⁵Lao mangonggong gui sa tiendañíja; ya ti jaecungog y inagang Jeova.

²⁵וירגנו באהליהם לא שמעו בקול יהוה׃

²⁶Enao mina jajatsa y canaeña contra sija; para uyute sija gui jalom y desierto:

²⁶וישא ידו להם להפיל אותם במדבר׃

²⁷Para uyute y semiyañija locue gui nasion sija, yan para uchalapon sija gui jalom y tano sija.

²⁷ולהפיל זרעם בגוים ולזרותם בארצות׃

²⁸Ya mandaña sija gui Baal-peor; ya jacano y inefresen y manmatae.

²⁸ויצמדו לבעל פעור ויאכלו זבחי מתים׃

²⁹Taegüine sija mannalalalo güe nu y chechoñija: ya derepente mato gui jiloñija sija chetnot.

²⁹ויכעיסו במעלליהם ותפרץ בם מגפה׃

³⁰Ya janatojgue julo si Finees, ya jafatinas y juisio: ya y chetnot pumara.

³⁰ויעמד פינחס ויפלל ותעצר המגפה׃

³¹Yan ayo nae jatufong iya güiya y tininas, gui todo y generasion sija para taejinecog.

³¹ותחשב לו לצדקה לדר ודר עד עולם׃

³²Ya sija mannalalalo güe locue gui janom guiya Meriba: ya jumuyong daño para si Moises pot causañija.

³²ויקציפו על מי מריבה וירע למשה בעבורם׃

³³Sa sija chumoma y espirituña; sa jasangan sin jinaso pot labiosña.

³³כי המרו את רוחו ויבטא בשפתיו׃

³⁴Ya ti jayulang y nasion sija, taegüije si Jeova ni y mantinago sija.

³⁴לא השמידו את העמים אשר אמר יהוה להם׃

³⁵Lao mandaña sija yan y nasion sija, yan jaeyag y chechoñija:

³⁵ויתערבו בגוים וילמדו מעשיהם׃

³⁶Yan jasetbe y idolosñija: jumuyong un laso para sija.

³⁶ויעבדו את עצביהם ויהיו להם למוקש׃

³⁷Magajet na jaofrese y lajeñija yan y jagañija gui anite,

³⁷ויזבחו את בניהם ואת בנותיהם לשדים׃

³⁸Yan jachuda y jâgâ y manaeisao, magajet na y jâgâ y lajeñija yan y jagañija ni jaofrese gui idolos guiya Cananea: yan y tano ni y ninaáplacha ni y jâgâ.

³⁸וישפכו דם נקי דם בניהם ובנותיהם אשר זבחו לעצבי כנען ותחנף הארץ בדמים׃

³⁹Ya taegüije munafanáplacha pot y chechoñijaja, yan ninafanábale ni y finatinasñija.

³⁹ויטמאו במעשיהם ויזנו במעלליהם׃

⁴⁰Enao mina y binibon Jeova sinenggue contra y taotaoña, ya jaguefchatlie y erensiañija.

⁴⁰ויחר אף יהוה בעמו ויתעב את נחלתו׃

⁴¹Ya janae nu sija gui canae y nasion sija; yan ayo y chumatlie sija janafanmagas gui jiloñija.

⁴¹ויתנם ביד גוים וימשלו בהם שנאיהם׃

⁴²Ya y enimigoñija locue chumiguet sija, yan sija chumule asta y jalom inesgue gui papa y canaeñija.

⁴²וילחצום אויביהם ויכנעו תחת ידם׃

⁴³Megae na biaje nae janafanlibre sija; lao sija maembeste güe ni y pinagatñija, yan manmachile papa gui tatpapa ni y tinaelayeñija.

⁴³פעמים רבות יצילם והמה ימרו בעצתם וימכו בעונם׃

⁴⁴Lao jaatan y pinitiñija, anae jajungog y inagangñija.

⁴⁴וירא בצר להם בשמעו את רנתם׃

⁴⁵Ya jajaso para sija y tratuña, yan ninafanmañotsot según y minegae y minaaseña.

⁴⁵ויזכר להם בריתו וינחם כרב חסדו׃

⁴⁶Janafangaease locue ni ayo y cumone sija preso.

⁴⁶ויתן אותם לרחמים לפני כל שוביהם׃

⁴⁷Nafanlibrejam, O Jeova, Yuusmame, yan nafandañajam gui entalo y nasion sija, para unae grasias y santos na naanmo, yan ufangana gui alabansamo.

⁴⁷הושיענו יהוה אלהינו וקבצנו מן הגוים להדות לשם קדשך להשתבח בתהלתך׃

⁴⁸Bendito si Jeova ni Yuus Israel guinin y taejinecog para y taejinecog. Polo ya todo taotao ilegñija. Amen. Alaba jamyo si Jeova.

⁴⁸ברוך יהוה אלהי ישראל מן העולם ועד העולם ואמר כל העם אמן הללו יה׃