¹ECUNGOG, O taotaojo, y tinagojo: na inecungog ni y talanganmo y sinangan y pachotto.

¹Hear my teaching, my people. Turn your ears to the words of my mouth.

²Bae jubaba y pachotto gui acomparasion: bae jusangan sinangan na gui jemjom gui ampmam na tiempo.

²I will open my mouth in a parable. I will utter dark sayings of old,

³Ayosija ni y injingog yan y intingo, yan y tatanmame ni jasanganejam.

³Which we have heard and known, and our fathers have told us.

⁴Ti innafanatog sija guinin y famaguonñija, masangangane y generasion ni y manmamamaela ni y tinina sija gui Señot, yan y minetgotña yan y mannamanman na chechoña ni y jachogüe.

⁴We will not hide them from their children, telling to the generation to come the praises of Yahweh, his strength, and his wondrous works that he has done.

⁵Sa güiya munacajulo y testimonio gui as Jacob, yan japolo tinago guiya Israel, ni y janatungo sija y famaguonñija.

⁵For he established a testimony in Jacob, and appointed a teaching in Israel, which he commanded our fathers, that they should make them known to their children;

⁶Para ujatungo y generasion ni y manmamamaela, y famaguonja ni y finañagonñija; ni y ufangajulo ya ujasangane y famaguonñija.

⁶that the generation to come might know, even the children who should be born; who should arise and tell their children,

⁷Para usiña japolo y ninanggañija gui as Yuus, ya ti ufanmalefa ni y checho Yuus, lao jaadaje y tinagoña sija.

⁷that they might set their hope in God, and not forget the works of God, but keep his commandments,

⁸Ya chañija fanaegüigüije y tatañija; un generasion ni managuaguat yan ti manmalago manmanosgue: y generasion ni y ti japolo y corasonñija gui tinas, yan ayo na espirituñija y ti manfitme gui as Yuus.

⁸and might not be as their fathers, a stubborn and rebellious generation, a generation that didn’t make their hearts loyal, whose spirit was not steadfast with God.

⁹Y famaguon Efraim, guaja atmas yan manmañule y atcos sija, manalo tate gui jaanen y guera.

⁹The children of Ephraim, being armed and carrying bows, turned back in the day of battle.

¹⁰Ti jaadaje y traton Yuus, ya ti manmalago na ufanmamocat gui tinagoña.

¹⁰They didn’t keep God’s covenant, and refused to walk in his law.

¹¹Ya manmalefa ni y chechoña, yan y ninamanmanña ni y manfinanue sija.

¹¹They forgot his doings, his wondrous works that he had shown them.

¹²Namanman na güinaja finatinasña gui menan y tatañija, gui tano Egipto, gui fangualuan Soan.

¹²He did marvelous things in the sight of their fathers, in the land of Egypt, in the field of Zoan.

¹³Jadebide y tase ya janafanmalofan gui inanaco sija todo; yan janafañaga y janom taegüije y monton.

¹³He split the sea, and caused them to pass through. He made the waters stand as a heap.

¹⁴Ya y jaane janafanenesgaegaejonja ni y mapagajes; yan todo puenge y finañila y guafe.

¹⁴In the daytime he also led them with a cloud, and all night with a light of fire.

¹⁵Japanag y acho gue desierto, ya janae sija na ufanguinem taegüije na jumuyong guinin y dangculon tinadong.

¹⁵He split rocks in the wilderness, and gave them drink abundantly as out of the depths.

¹⁶Ya mañule minilalag locue guinin y acho, yan janafalalago y janom taegüije y sadog.

¹⁶He brought streams also out of the rock, and caused waters to run down like rivers.

¹⁷Lao trabia sisigueja mas isagüegüe, ya manmanembeste contra Gueftaquilo gui desierto.

¹⁷Yet they still went on to sin against him, to rebel against the Most High in the desert.

¹⁸Ya sija jatienta si Yuus gui corasonñija, yan mangagagao catne pot y güinaeyañija.

¹⁸They tempted God in their heart by asking food according to their desire.

¹⁹Magajet na sija manguentos contra si Yuus; ilegñija: Ada siña si Yuus jafamaulequejit lamasa gui desierto?

¹⁹Yes, they spoke against God. They said, “Can God prepare a table in the wilderness?

²⁰Sa, estagüe, na anae japanag y acho, manjuyong y janom, ya y minilalag manmachuchuda. Ada siña güe manae pan locue? umafamauleg catne para y taotaoña?

²⁰Behold, he struck the rock, so that waters gushed out, and streams overflowed. Can he give bread also? Will he provide flesh for his people?”

²¹Enao mina anae jajungog este, y Señot ninabubo: ya umasonggue y guafe contra as Jacob, yan y linalalo locue cajulo contra Israel;

²¹Therefore Yahweh heard, and was angry. A fire was kindled against Jacob, anger also went up against Israel,

²²Sa ti jajonggue si Yuus, yan ti jaangoco sija gui satbasionña.

²²because they didn’t believe in God, and didn’t trust in his salvation.

²³Lao güiya tumago y mapagajes guinin y sanjilo; yan jababa y pettan langet.

²³Yet he commanded the skies above, and opened the doors of heaven.

²⁴Yan janauchan papa y mana gui jiloñija para ujacano, yan janae sija ni y maies y langet.

²⁴He rained down manna on them to eat, and gave them food from the sky.

²⁵Y taotao cumano y na y manmetgot: güiya numae sija catne para ufanjaspog.

²⁵Man ate the bread of angels. He sent them food to the full.

²⁶Jatago y manglo sancatan na ufanguaefe gui jalom y langet: yan pot y ninasiñaña jachachalane y manglo sanjaya.

²⁶He caused the east wind to blow in the sky. By his power he guided the south wind.

²⁷Janauchan catne locue gui jiloñija taegüije y petbos; yan y pajaro ni gaepapa taegüije inae gui tase;

²⁷He rained also flesh on them as the dust; winged birds as the sand of the seas.

²⁸Ya japolo ayo sija na ufanbasnag gui entalo y campoñija, ya gui oriyan y sagañija.

²⁸He let them fall in the midst of their camp, around their habitations.

²⁹Ya sija jacano, ya mangosjaspog sija; sa güiya numae sija ni y tinangañiñija.

²⁹So they ate, and were well filled. He gave them their own desire.

³⁰Lao ti janajanao guiya sija y tinangañija; lao estabaja trabia y catneñija gui jalom y pachotñija,

³⁰They didn’t turn from their cravings. Their food was yet in their mouths,

³¹Ya y binibon Yuus mato gui jiloñija, ya japuno y mas manyomog guiya sija, yan jayute papa y patgon na taotao sija guiya Israel.

³¹when the anger of God went up against them, killed some of their fattest, and struck down the young men of Israel.

³²Lao contodo este, sigueja di maaiisao trabia: yan ti majonggue y mamnamanman na chochoña.

³²For all this they still sinned, and didn’t believe in his wondrous works.

³³Ya pot este na y jaaneñija janafanlinachae ni y banidá; yan y sacanñija gui minaañao.

³³Therefore he consumed their days in vanity, and their years in terror.

³⁴Ya anae japuno sija, ayo nae manafaesen pot güiya yan jabira sija ya maaligao guse si Yuus.

³⁴When he killed them, then they inquired after him. They returned and sought God earnestly.

³⁵Yan jajaso na si Yuus y achoñija, yan y Gueftaquilo na Yuus y Satbadotñija.

³⁵They remembered that God was their rock, the Most High God, their redeemer.

³⁶Achogja ujafaande güe ni y pachotñija yan ujadague ni y jilañija.

³⁶But they flattered him with their mouth, and lied to him with their tongue.

³⁷Sa y corasonñija ti tunas guiya güiya: ni ufanfitme gui tratuña.

³⁷For their heart was not right with him, neither were they faithful in his covenant.

³⁸Lao güiya, bula minaase jaasie ni y tinaelayeñija, yan ti jayuyulang sija: magajet, megae na tiempo nae jabira y linalaloña, yan ti jajatsa julo y binibuña.

³⁸But he, being merciful, forgave iniquity, and didn’t destroy them. Yes, many times he turned his anger away, and didn’t stir up all his wrath.

³⁹Sa jajaso na sija catneja; y manglo na malofan ya mapos ya ti mamaela talo.

³⁹He remembered that they were but flesh, a wind that passes away, and doesn’t come again.

⁴⁰Cuanto biaje manmanembeste contra güiya gui jalomtano yan manatriste güe gui desierto!

⁴⁰How often they rebelled against him in the wilderness, and grieved him in the desert!

⁴¹Ya manalo tate ya matienta si Yuus; ya macase y Santosgüe guiya Israel.

⁴¹They turned again and tempted God, and provoked the Holy One of Israel.

⁴²Ya ti jajaso y canaeña; ni jaane anae ninafanlibre gui contrario.

⁴²They didn’t remember his hand, nor the day when he redeemed them from the adversary;

⁴³Ni y pineloña na señatña guiya Egipto: yan y ninamanmanña gui fangualuan Soan:

⁴³how he set his signs in Egypt, his wonders in the field of Zoan,

⁴⁴Yan jatulaeca y Sadog janajâgâ; yan y minilalag para chañija fanguiguimen.

⁴⁴he turned their rivers into blood, and their streams, so that they could not drink.

⁴⁵Janae megae na lalo para ufanquinano; yan rana sija para ufanyinilang.

⁴⁵He sent among them swarms of flies, which devoured them; and frogs, which destroyed them.

⁴⁶Janae y ilo oruga ni y aumentan tano; ya y finachochoñija y apacha.

⁴⁶He gave also their increase to the caterpillar, and their labor to the locust.

⁴⁷Jayulang y fangualuanñija ubas ni y ichan grano; yan y trongco igos sija ni y hielo.

⁴⁷He destroyed their vines with hail, their sycamore fig trees with frost.

⁴⁸Japolo y gañija gâgâ locue gui papa y ichan grano, ya y manadan gañija gui minaepen lamlam.

⁴⁸He gave over their livestock also to the hail, and their flocks to hot thunderbolts.

⁴⁹Jayute gui jiloñija y fijom na binibuña; binibo, linalalo, yan chinatsaga; y manadan manaelaye na angjet sija.

⁴⁹He threw on them the fierceness of his anger, wrath, indignation, and trouble, and a band of angels of evil.

⁵⁰Mamatinas chalan para y linalaloña; ya ti jachoma y antiñija guinin y finatae, lao japolo y linâlâñija gui peste.

⁵⁰He made a path for his anger. He didn’t spare their soul from death, but gave their life over to the pestilence,

⁵¹Ya japuno todo y finenena na finañagon guiya Egipto, y mas magas naminetgotñija gui jalom y tiendan Cam!

⁵¹and struck all the firstborn in Egypt, the chief of their strength in the tents of Ham.

⁵²Lao chalane juyong y taotaoña taegüije y quinilo sija, yan jaesgagaejon sija gui desierto taegüije y manadan, gâgâ.

⁵²But he led forth his own people like sheep, and guided them in the wilderness like a flock.

⁵³Ya jachule sija gui seguro, ya sija ti manmaañao: lao y tase tumampe y enimigoñija.

⁵³He led them safely, so that they weren’t afraid, but the sea overwhelmed their enemies.

⁵⁴Ya jacone sija asta y oriyan y sinantos na sagaña, güineja na ogso ni y guinanan y agapa na canaeña.

⁵⁴He brought them to the border of his sanctuary, to this mountain, which his right hand had taken.

⁵⁵Jayute juyong y nasion locue gui menañija, yan jafacae guiya sija y erensiañija ya jaraya, ya janafañaga y tribon Israel gui jalom y tiendañija.

⁵⁵He also drove out the nations before them, allotted them for an inheritance by line, and made the tribes of Israel to dwell in their tents.

⁵⁶Lao sija trabia jatietentaja, yan manmanembebesteja contra y Gueftaquilo na Yuus, yan ti jaadaje y tinagoña.

⁵⁶Yet they tempted and rebelled against the Most High God, and didn’t keep his testimonies;

⁵⁷Lao manalo tate, yan manmafatinas dinague taegüije y tatañija: ya manmabira sija gui un banda taegüije y dacon na atco.

⁵⁷but turned back, and dealt treacherously like their fathers. They were turned aside like a deceitful bow.

⁵⁸Sa macase güe ya mannalalalo pot y sagañija ni taquilo ya masuog güe ya manafanugo ni y imageñija ni tinaga.

⁵⁸For they provoked him to anger with their high places, and moved him to jealousy with their engraved images.

⁵⁹Anae jajungog este si Yuus, ninabubo, yan jagoschatlie iya Israel.

⁵⁹When God heard this, he was angry, and greatly abhorred Israel;

⁶⁰Ya pot ayo na jadingo y tabetnaculo guiya Silo, yan y tienda ni y japolo gui entalo taotao sija.

⁶⁰So that he forsook the tent of Shiloh, the tent which he placed among men;

⁶¹Ya janae ni y minetgotña y cautibo, ya y minalagña gui canae y contrario.

⁶¹and delivered his strength into captivity, his glory into the adversary’s hand.

⁶²Janae y espada ni y taotaoña: yan ninabubo ni y erensiaña.

⁶²He also gave his people over to the sword, and was angry with his inheritance.

⁶³Linachae ni y guafe y manpatgon na lalaje; ya y manpatgon na famalaoan taya cantan umasagua.

⁶³Fire devoured their young men. Their virgins had no wedding song.

⁶⁴Ya y mamaleñija manmodong gui espada; ya y manbiuda sija ti ninafantriste.

⁶⁴Their priests fell by the sword, and their widows couldn’t weep.

⁶⁵Ya y Señot magmata taegüije y uno ni y guinin mamaego, yan taegüije y matatñga na taotao ni y ninaaagang pot rason di y bino.

⁶⁵Then the Lord awakened as one out of sleep, like a mighty man who shouts by reason of wine.

⁶⁶Ya japuno y enimiguña sija ni y mañasaga gui santate: yan japolo sija güi taejinecog na minamajlao.

⁶⁶He struck his adversaries backward. He put them to a perpetual reproach.

⁶⁷Ademas jarechasa y tabetnaculo gui as José, ya ti jaayeg y tribon Efraim.

⁶⁷Moreover he rejected the tent of Joseph, and didn’t choose the tribe of Ephraim,

⁶⁸Lao jaayeg tribon Juda, ayo ogso Sion ni y güinaeyaña.

⁶⁸But chose the tribe of Judah, Mount Zion which he loved.

⁶⁹Ya jafatinas y sinantos na sagaña taegüije y manaquilo na sagayan sija, taegüije y tano na japlanta para taejinecog.

⁶⁹He built his sanctuary like the heights, like the earth which he has established forever.

⁷⁰Jaayeg si David locue na tentagoña, yan jacone güe guinin y quelat y quinilo,

⁷⁰He also chose David his servant, and took him from the sheepfolds;

⁷¹Chinile güe ni guinin jatatitiye y manmanago na quinilo ya jacone para unafañocho y taotaoña gui as Jacob yan y erensiaña guiya Israel.

⁷¹from following the ewes that have their young, he brought him to be the shepherd of Jacob, his people, and Israel, his inheritance.

⁷²Ya taegüije janafañocho sija segun y tininas y corasonña; yan jaesgaejon sija pot y tiningon y canaeña.

⁷²So he was their shepherd according to the integrity of his heart, and guided them by the skillfulness of his hands.