¹In [the] beginning was the Word, and the Word was with God, and the Word was God.

¹Anda gor sas E Vorba, ai E Vorba sas le Devlesa, ai E Vorba sas O Del.

²*He* was in the beginning with God.

²Wo anda gor sas le Devlesa.

³All things received being through him, and without him not one [thing] received being which has received being.

³Wo kerdia swako fielo, ai kanchi so kerdilo nas kerdo bi leste.

⁴In him was life, and the life was the light of men.

⁴Ande leste sas o traio, ai o traio sas e vediara le manushenge.

⁵And the light appears in darkness, and the darkness apprehended it not.

⁵E vediara strefial ando tuniariko, ai o tuniariko shoxar chi mudardia e vediara.

⁶There was a man sent from God, his name John.

⁶Sas iek manush tradino katar O Del, lesko anav sas Iovano.

⁷He came for witness, that he might witness concerning the light, that all might believe through him.

⁷Avilo o Iovano te phenel le manushenge pai vediara. Kashke savorhe te pachanape pala leste.

⁸*He* was not the light, but that he might witness concerning the light.

⁸O Iovano nas e vediara, numa wo sas tradino te phenel pai vediara.

⁹The true light was that which, coming into the world, lightens every man.

⁹Kadia chachi vediara avel ande lumia te del vediara ka swako manush kai avela ande lumia.

¹⁰He was in the world, and the world had [its] being through him, and the world knew him not.

¹⁰Wo sas ande lumia, ai e lumia sas kerdi pala leste numa e lumia chi zhanglia les.

¹¹He came to his own, and his own received him not;

¹¹Wo avilo ka peske, ai leske chi premisarde les.

¹²but as many as received him, to them gave he [the] right to be children of God, to those that believe on his name;

¹²Uni premisarde les ai pachaiepe ande leste; wo dia len e putiera te aven shave Devleske.

¹³who have been born, not of blood, nor of flesh's will, nor of man's will, but of God.

¹³Kodola kai arakhadile, na anda rat, chi andai voia le statoski, chi andai voia le manusheski, numa katar O Del.

¹⁴And the Word became flesh, and dwelt among us (and we have contemplated his glory, a glory as of an only-begotten with a father), full of grace and truth;

¹⁴Ai E Vorba kerdile stato ai beshelas mashkar amende. Ame dikhliam lesko barimos, pherdo mishtimasa ai chachimasa, kadia sas o barimos le ieke Shavesko kai avilo katar O Dat.

¹⁵(John bears witness of him, and he has cried, saying, This was he of whom I said, He that comes after me is preferred before me, for he was before me;)

¹⁵O Iovano phendia pa leste, phenelas, "Kado si kai phendem, 'Wo avela pala mande, numa wo si mai baro mandar, ke wo sas mai anglal arakhadilem.'"

¹⁶for of his fulness we all have received, and grace upon grace.

¹⁶Ai ame savorhe liam anda lesko baro lashimos. Mishtimos pe mishtimos.

¹⁷For the law was given by Moses: grace and truth subsists through Jesus Christ.

¹⁷Ke o zakono sas dino katar o Moses, numa o mishtimos ai o chachimos avilo katar O Jesus Kristo.

¹⁸No one has seen God at any time; the only-begotten Son, who is in the bosom of the Father, *he* hath declared [him].

¹⁸Khonik shoxar chi dikhlia le Devles, ferdi o iek Shav kai si le Dadesa, ai wo si kai kerdia te zhanas les.

¹⁹And this is the witness of John, when the Jews sent from Jerusalem priests and Levites that they might ask him, Thou, who art thou?

¹⁹Ai kodia si o ramomos le Iovanosko, le Zhiduvuria trade le bare rasha ai le Levituria andai Jerusalem te phushen les,

²⁰And he acknowledged and denied not, and acknowledged, I am not the Christ.

²⁰"Tu kon san?" Ai wo phendias lenge ai chi garadia kanch, phenelas, "Chi sim O Kristo."

²¹And they asked him, What then? Art thou Elias? And he says, I am not. Art thou the prophet? And he answered, No.

²¹Ai won phushen les, "Kon san tu, Tu san o Elijah?" ai wo phendia, "Chi sim!" Antunchi won phushle, "Tu san o profeto?" ai wo phendia, "Nichi."

²²They said therefore to him, Who art thou? that we may give an answer to those who sent us. What sayest thou of thyself?

²²Porme phende leske, "Kon san tu? Te das atweto kodolenge kai tradine ame. So phenes pa tute, kon san?"

²³He said, I [am] [the] voice of one crying in the wilderness, Make straight the path of [the] Lord, as said Esaias the prophet.

²³O Iovano phendia, "Me sim o glaso kodoleske kai tsipil ande pusta, "Vorton o drom le Devlesko" sar phendia o Isaiah o profeto."

²⁴And they were sent from among the Pharisees.

²⁴Won kai sas tradine, sas anda le Farizeanuria.

²⁵And they asked him and said to him, Why baptisest thou then, if thou art not the Christ, nor Elias, nor the prophet?

²⁵Ai mai phushle les, phenenas, "Antunchi, sostar boles te chi san e Messiah vai chi o Elijah, vai chi o profeto?"

²⁶John answered them saying, I baptise with water. In the midst of you stands, whom ye do not know,

²⁶O Iovano dia le atweto, phenelas "Me bolav ando pai, numa mashkar tumende, si vari kon kai chi zhanen.

²⁷he who comes after me, the thong of whose sandal I am not worthy to unloose.

²⁷Wo si kai avela pala mande, chi sim dosta lasho te phutrav le doria leske papuchenge."

²⁸These things took place in Bethany, across the Jordan, where John was baptising.

²⁸Kadala dieli kerdionas ando Bethany inchal o Jordan, kai o Iovano bolelas.

²⁹On the morrow he sees Jesus coming to him, and says, Behold the Lamb of God, who takes away the sin of the world.

²⁹Pe terharin o Iovano dikhlia O Jesus sar avelas leste, ai phendia, Dikh! O Bakriorho le Devlesko, kai lel e bezex le lumiako!

³⁰He it is of whom I said, A man comes after me who takes a place before me, because he *was* before me;

³⁰Pa kado si kai phendem, "Pala mande avel iek manush kai si mai baro mandar, ke wo sas mai anglal mandar."

³¹and I knew him not; but that he might be manifested to Israel, therefore have I come baptising with water.

³¹Me chi zhanavas les; numa avilem te bolav le paiesa, kashke sai Israel te zhanel les."

³²And John bore witness, saying, I beheld the Spirit descending as a dove from heaven, and it abode upon him.

³²Porme o Iovano phendia, "Dikhlem O Swunto Duxo sar hulelas anda cheri sar iek gulumbo, ai beshlo pe leste.

³³And I knew him not; but he who sent me to baptise with water, *he* said to me, Upon whom thou shalt see the Spirit descending and abiding on him, he it is who baptises with [the] Holy Spirit.

³³Ai chi zhanavas les, numa kodo kai tradia ma te bolav ando pai, phendia mange, "Pe kodo kai dikhesa O Swunto Duxo te hulela, ai te beshela pe leste, kodo si kai bolel le Swuntone Duxosa."

³⁴And I have seen and borne witness that this is the Son of God.

³⁴Ai dikhlem, ai phenav tumenge ke wo si O Shav le Devlesko."

³⁵Again, on the morrow, there stood John and two of his disciples.

³⁵Pe terharin o Iovano mai sas pe kodo than duiensa anda leske disipluria.

³⁶And, looking at Jesus as he walked, he says, Behold the Lamb of God.

³⁶Kana dikhlias O Jesus nakhelas, wo phendia, "Katse si O Bakrorho le Devlesko!"

³⁷And the two disciples heard him speaking, and followed Jesus.

³⁷Le dui disipluria ashunenas le vorbi kai phendia, ai linepe pala Jesus.

³⁸But Jesus having turned, and seeing them following, says to them, What seek ye? And *they* said to him, Rabbi (which, being interpreted, signifies Teacher), where abidest thou?

³⁸Porme O Jesus boldinisailo ai dikhlia ke avenas pala leste, ai phushlia len, "So roden?" Ai won dine atweto, "Xazhainona, kai beshes?" (xazhainono znachil o manush kai sicharel).

³⁹He says to them, Come and see. They went therefore, and saw where he abode; and they abode with him that day. It was about the tenth hour.

³⁹Phendia lenge, "Aven ai dikhen." Won avile ai dikhle kai beshelas, beshlo lesa kodo dies. Kodo sas pala miazutso karing le shtar chasuria.

⁴⁰Andrew, the brother of Simon Peter, was one of the two who heard [this] from John and followed him.

⁴⁰O Andre, phral le Simonosko Petri, sas iek andal dui manush kai ashundia so phendia o Iovano, ai liape pala Jesus.

⁴¹He first finds his own brother Simon, and says to him, We have found the Messias (which being interpreted is Christ).

⁴¹Strazo o Andre arakhlia peske phrales o Simon, ai phendia leske, "Arakhliam e Messiah,," (E vorba znachil "Kristo.")

⁴²And he led him to Jesus. Jesus looking at him said, Thou art Simon, the son of Jonas; thou shalt be called Cephas (which interpreted is stone).

⁴²Ai o Andre angerdia o Simon karing O Jesus. Kana O Jesus dikhlia pe leste, phendia, "Tu san o Simon o shav le Iovanosko, te aves akhardo Cephas." O anav Cephas znachil Petri vai bax.

⁴³On the morrow he would go forth into Galilee, and Jesus finds Philip, and says to him, Follow me.

⁴³Pe terharin O Jesus manglia te zhal ando them kai busholas Galilee. Wo arakhlia le Filipos, ai phendia leske, "Le tu pala mande." '

⁴⁴And Philip was from Bethsaida, of the city of Andrew and Peter.

⁴⁴O Filip sas anda foro, kai busholas Bethsaida, o foro kai beshle o Andre ai o Petri.

⁴⁵Philip finds Nathanael, and says to him, We have found him of whom Moses wrote in the law, and the prophets, Jesus, the son of Joseph, who is from Nazareth.

⁴⁵O Filip arakhlia le Nathanael ai phendia leske, "Arakhliam kodoles kai o Moses ai le profeturia ramosarde ande klishka le zakonosko, wo si O Jesus andai Nazareth, o shav le Josefosko."

⁴⁶And Nathanael said to him, Can anything good come out of Nazareth? Philip says to him, Come and see.

⁴⁶O Nathanael phendia leske, "Sai avel anda Nazareth vari so lasho?" O Filip phendia leske, "Aidi ai Dikh."

⁴⁷Jesus saw Nathanael coming to him, and says of him, Behold [one] truly an Israelite, in whom there is no guile.

⁴⁷O Jesus dikhlia o Nathanael avelas leste, ai phenel pa leste, "Dikh! Iek chacho Zhidovo. Nai chi iek atsaimos ande leste!"

⁴⁸Nathanael says to him, Whence knowest thou me? Jesus answered and said to him, Before that Philip called thee, when thou wast under the fig-tree, I saw thee.

⁴⁸O Nathanael phendia leske, "Katar zhanes ma tu?" O Jesus phendia leske, "Mai anglal o Filip akhardia tu, kana sanas telal pruing le figenge, Me dikhlem tu."

⁴⁹Nathanael answered and said to him, Rabbi, thou art the Son of God, thou art the King of Israel.

⁴⁹Porme o Nathanael phendia leske, "Gazda, tu san O Shav le Devlesko. Tu san O Amperato le Zhidovongo."

⁵⁰Jesus answered and said to him, Because I said to thee, I saw thee under the fig-tree, believest thou? Thou shalt see greater things than these.

⁵⁰O Jesus phendia leske, "Anda kodia ke phendem tuke, "Dikhlem tu telai pruing le figenge, tu pachas? Numa dikhesa mai bare dieli sar kadala."

⁵¹And he says to him, Verily, verily, I say to you, Henceforth ye shall see the heaven opened, and the angels of God ascending and descending on the Son of man.

⁵¹Phenel leske, Chachimasa, chachimasa, phenav tumenge chachimos, dikhena o cheri phuterdiol, ai le angeluria le Devleske anklen ai hulen tele po Shav le Manushesko.