¹ועתה שחקו עלי צעירים ממני לימים אשר מאסתי אבותם לשית עם כלבי צאני׃

¹¶ Inaianei ia e kataina mai ana ahau e te hunga tamariki rawa i ahau, e te hunga kihai nei ahau i whakaae kia uru o ratou matua ki roto ki nga kuri o taku kahui.

²גם כח ידיהם למה לי עלימו אבד כלח׃

²Ae ra, hei aha maku te kaha o o ratou ringa? He hanga pirau nei hoki to ratou koroheketanga.

³בחסר ובכפן גלמוד הערקים ציה אמש שואה ומשאה׃

³Tupuhi ana ratou i te rawakore, i te hemokai; e ngau ana ratou i te oneone pakapaka, i roto i te pouritanga o te tuhea, o te ururua.

⁴הקטפים מלוח עלי שיח ושרש רתמים לחמם׃

⁴E whawhaki ana ratou i nga marou i roto o nga rakau ririki; a ko nga pakiaka hunipa hei kai ma ratou.

⁵מן גו יגרשו יריעו עלימו כגנב׃

⁵He mea pei atu ratou i roto i nga tangata; e karangarangatia ana ratou ano he tahae.

⁶בערוץ נחלים לשכן חרי עפר וכפים׃

⁶Me noho rawa atu ratou i nga kapiti o nga awaawa, i nga waro o te whenua, i nga kamaka.

⁷בין שיחים ינהקו תחת חרול יספחו׃

⁷Tangi a kaihe ana ratou i roto i nga rakau ririki; huihuia ana ratou ki raro i nga ongaonga.

⁸בני נבל גם בני בלי שם נכאו מן הארץ׃

⁸He tamariki ratou na nga kuware, ae ra, he tamariki na te hunga ingoakore; he hunga i patua atu i runga i te whenua.

⁹ועתה נגינתם הייתי ואהי להם למלה׃

⁹Inaianei ia kua waiho ahau hei waiata ma ratou, ae, hei whakatauki ma ratou.

¹⁰תעבוני רחקו מני ומפני לא חשכו רק׃

¹⁰E whakarihariha mai ana ratou ki ahau, e neke rawa atu ana i ahau, a kahore e kaiponuhia e ratou te huware ki toku mata.

¹¹כי יתרו פתח ויענני ורסן מפני שלחו׃

¹¹Kua oti hoki tana aho te wewete e ia, a e whakatupuria kinotia ana ahau e ia, a kua tukua e ratou te paraire i toku aroaro.

¹²על ימין פרחח יקומו רגלי שלחו ויסלו עלי ארחות אידם׃

¹²I te taha ki matau ka ara te marea; taia ana e ratou oku waewae, a akina ana nga ara o a ratou whakangaromanga ki ahau.

¹³נתסו נתיבתי להותי יעילו לא עזר למו׃

¹³E taka kino ana ratou i toku ara, e whakatupu ana i te he moku, a kahore he hoa mahi mo ratou.

¹⁴כפרץ רחב יאתיו תחת שאה התגלגלו׃

¹⁴Rite tonu ki te wai nui e pakaru mai ana to ratou haerenga mai: i taua whakangaromanga nei, huri mai ana ratou ki runga ki ahau:

¹⁵ההפך עלי בלהות תרדף כרוח נדבתי וכעב עברה ישעתי׃

¹⁵¶ Kua tahuri mai nga whakawehi ki ahau, e aru ana ratou i toku whakaaro rangatira ano he hau; ko te whakahauora moku, pahemo ke ana ano he kapua.

¹⁶ועתה עלי תשתפך נפשי יאחזוני ימי עני׃

¹⁶Na inaianei kua maringi toku wairua i roto i ahau: mau pu ahau i nga ra o te tangi.

¹⁷לילה עצמי נקר מעלי וערקי לא ישכבון׃

¹⁷I te po e werohia ana oku wheua i roto i ahau; kahore hoki he okiokinga o nga mamae e ngau nei i ahau.

¹⁸ברב כח יתחפש לבושי כפי כתנתי יאזרני׃

¹⁸He kaha nui no toku mate i ahua ke ai toku kakahu; e awhi nei i ahau, e penei ana me te whiri o toku koti.

¹⁹הרני לחמר ואתמשל כעפר ואפר׃

¹⁹Kua maka ahau e ia ki te paru, kua rite ahau ki te puehu, ki te pungarehu.

²⁰אשוע אליך ולא תענני עמדתי ותתבנן בי׃

²⁰E tangi ana ahau ki a koe, heoi kahore koe e whakao mai ki ahau; e tu ana, heoi ka titiro kau mai koe ki ahau.

²¹תהפך לאכזר לי בעצם ידך תשטמני׃

²¹Kua huri ke, kua kino tau mahi ki ahau: ko te kaha o tou ringa kei te tukino i ahau.

²²תשאני אל רוח תרכיבני ותמגגני תשוה׃

²²Kua hapainga ake ahau e koe ki te hau, a meinga ana tera e koe hei hoiho moku; a whakamotitia iho ahau e koe i roto i te tupuhi.

²³כי ידעתי מות תשיבני ובית מועד לכל חי׃

²³E mohio ana hoki ahau tera ahau e kawea e koe ki te mate, ki te whare hoki i whakaritea mo te hunga ora katoa.

²⁴אך לא בעי ישלח יד אם בפידו להן שוע׃

²⁴E kore ano ia tona ringa e totoro iho ki te urupa; ahakoa hei mate mona ka mea ia ki te karanga, he whakaaro ki enei mea.

²⁵אם לא בכיתי לקשה יום עגמה נפשי לאביון׃

²⁵Kihai ianei ahau i tangi ki te tangata he mate nei tona? kihai ranei toku wairua i pouri ki te rawakore?

²⁶כי טוב קויתי ויבא רע ואיחלה לאור ויבא אפל׃

²⁶I ahau i tatari ai ki te pai, heoi kua tae mai te kino; tumanako atu ana ahau ki te marama, heoi kua tae mai te pouri.

²⁷מעי רתחו ולא דמו קדמני ימי עני׃

²⁷Ko oku whekau, me te mea e koropupu ana, te ata takoto; haukotia mai ana ahau e nga ra o te tangi.

²⁸קדר הלכתי בלא חמה קמתי בקהל אשוע׃

²⁸E haereere pouri ana ahau, kahore he ra; ko taku whakatikanga ake i roto i te whakaminenga, ka karanga awhina.

²⁹אח הייתי לתנים ורע לבנות יענה׃

²⁹Hei teina ahau ki nga tarakona, hei hoa mo nga ruru.

³⁰עורי שחר מעלי ועצמי חרה מני חרב׃

³⁰Ko toku kiri mangu tonu, e ngahoro ana i ahau, kaia ana oku wheua i te wera.

³¹ויהי לאבל כנרי ועגבי לקול בכים׃

³¹No reira i tahuri ke ai taku hapa ki te tangi, me taku okana ki te reo o te hunga e uhunga ana.