¹ויען יהוה את איוב מן הסערה ויאמר׃

¹Nang magkagayo'y sumagot ang Panginoon kay Job mula sa ipoipo, at nagsabi,

²מי זה מחשיך עצה במלין בלי דעת׃

²Sino ito na nagpapadilim ng payo sa pamamagitan ng mga salita na walang kaalaman?

³אזר נא כגבר חלציך ואשאלך והודיעני׃

³Bigkisan mo ngayon ang iyong mga balakang na parang lalake: sapagka't tatanungin kita at magpapahayag ka sa akin.

⁴איפה היית ביסדי ארץ הגד אם ידעת בינה׃

⁴Saan ka nandoon nang ilagay ko ang mga patibayan ng lupa? Ipahayag mo, kung mayroon kang unawa.

⁵מי שם ממדיה כי תדע או מי נטה עליה קו׃

⁵Sinong naglagay ng mga sukat niyaon, kung iyong nalalaman? O sinong nagunat ng panukat diyan?

⁶על מה אדניה הטבעו או מי ירה אבן פנתה׃

⁶Sa ano nalagay ang kaniyang mga patibayan? O sinong naglagay ng batong panulok niyaon;

⁷ברן יחד כוכבי בקר ויריעו כל בני אלהים׃

⁷Nang magsiawit na magkakasama ang mga bituin pang-umaga. At ang lahat ng mga anak ng Dios ay naghihiyawan sa kagalakan?

⁸ויסך בדלתים ים בגיחו מרחם יצא׃

⁸O sinong nagsara ng mga pinto sa dagat, nang magpumiglas na gaya ng pagpiglas mula sa bahay-bata?

⁹בשומי ענן לבשו וערפל חתלתו׃

⁹Nang gawin ko ang alapaap na bihisan niyaon, at ang salimuot na kadiliman na pinakabalot niyaon,

¹⁰ואשבר עליו חקי ואשים בריח ודלתים׃

¹⁰At aking itinatag doon ang aking pasiya, at nilagyan ko ng mga halang at mga pinto,

¹¹ואמר עד פה תבוא ולא תסיף ופא ישית בגאון גליך׃

¹¹At aking sinabi, Hanggang dito ay darating ka, nguni't hindi ka na lalagpas: at dito'y titigil ang iyong mga palalong alon?

¹²המימיך צוית בקר ידעתה שחר מקמו׃

¹²Nagutos ka ba sa umaga mula sa iyong mga kaarawan, at ipinabatid mo ba sa bukang liwayway ang kaniyang dako;

¹³לאחז בכנפות הארץ וינערו רשעים ממנה׃

¹³Upang humawak sa mga wakas ng lupa, at ang masasama ay maugoy doon?

¹⁴תתהפך כחמר חותם ויתיצבו כמו לבוש׃

¹⁴Nababagong parang putik sa ilalim ng tatak; at lahat ng mga bagay ay nagiging gaya ng bihisan:

¹⁵וימנע מרשעים אורם וזרוע רמה תשבר׃

¹⁵At sa masama ay inalis ang kanilang liwanag, at ang mataas na kamay ay mababali.

¹⁶הבאת עד נבכי ים ובחקר תהום התהלכת׃

¹⁶Pumasok ka ba sa mga bukal ng dagat? O lumakad ka ba sa mga landas ng kalaliman?

¹⁷הנגלו לך שערי מות ושערי צלמות תראה׃

¹⁷Nangahayag ba sa iyo ang mga pintuan ng kamatayan? O nakita mo ba ang mga pinto ng anino ng kamatayan?

¹⁸התבננת עד רחבי ארץ הגד אם ידעת כלה׃

¹⁸Iyo bang nabatid ang kaluwangan ng lupa? Ipahayag mo, kung iyong nalalamang lahat.

¹⁹אי זה הדרך ישכן אור וחשך אי זה מקמו׃

¹⁹Saan nandoon ang daan na patungo sa tahanan ng liwanag, at tungkol sa kadiliman, saan nandoon ang dako niyaon;

²⁰כי תקחנו אל גבולו וכי תבין נתיבות ביתו׃

²⁰Upang iyong madala sa hangganan niyaon, at upang iyong gunitain ang mga landas hanggang sa bahay niyaon?

²¹ידעת כי אז תולד ומספר ימיך רבים׃

²¹Marahil nalalaman mo, sapagka't ikaw nga'y ipinanganak noon, at ang bilang ng iyong mga kaarawan ay marami?

²²הבאת אל אצרות שלג ואצרות ברד תראה׃

²²Pumasok ka ba sa mga tipunan ng nieve, o nakita mo ba ang mga tipunan ng granizo,

²³אשר חשכתי לעת צר ליום קרב ומלחמה׃

²³Na aking itinaan laban sa panahon ng kabagabagan, laban sa kaarawan ng pagbabaka at pagdidigma?

²⁴אי זה הדרך יחלק אור יפץ קדים עלי ארץ׃

²⁴Sa aling daan naghiwalay ang liwanag, o sa hanging silanganan na lumalaganap sa ibabaw ng lupa?

²⁵מי פלג לשטף תעלה ודרך לחזיז קלות׃

²⁵Sinong humukay ng bangbang sa mga bugso ng tubig, o ng daanan ng kidlat ng kulog;

²⁶להמטיר על ארץ לא איש מדבר לא אדם בו׃

²⁶Upang magpaulan sa lupa, na hindi tinatahanan ng tao, sa ilang na doon ay walang tao.

²⁷להשביע שאה ומשאה ולהצמיח מצא דשא׃

²⁷Upang busugin ang giba at sirang lupa; at upang pasibulin ang sariwang damo?

²⁸היש למטר אב או מי הוליד אגלי טל׃

²⁸May ama ba ang ulan? O sinong nanganak sa mga patak ng hamog?

²⁹מבטן מי יצא הקרח וכפר שמים מי ילדו׃

²⁹Sa kaninong bahay-bata nagmula ang hielo? At ang escarcha sa himpapawid, ay ipinanganak nino?

³⁰כאבן מים יתחבאו ופני תהום יתלכדו׃

³⁰Ang mga tubig ay nakukubling gaya ng bato, at ang ibabaw ng kalaliman ay namumuno.

³¹התקשר מעדנות כימה או משכות כסיל תפתח׃

³¹Matatalian mo ba ang pagkakaumpukan ng mga bituin na Pleyade, o makakalagan ang tali ng mga bituin na Orion?

³²התציא מזרות בעתו ועיש על בניה תנחם׃

³²Mailalabas mo ba ang mga bituin na mga tanda ng Zodiaco sa kanilang kapanahunan? O mapapatnubayan mo ba ang Oso na kasama ng kaniyang mga anak?

³³הידעת חקות שמים אם תשים משטרו בארץ׃

³³Nalalaman mo ba ang mga alituntunin ng langit? Maitatatag mo ba ang kapangyarihan niyaon sa lupa?

³⁴התרים לעב קולך ושפעת מים תכסך׃

³⁴Mailalakas mo ba ang iyong tinig hanggang sa mga alapaap, upang takpan ka ng saganang tubig?

³⁵התשלח ברקים וילכו ויאמרו לך הננו׃

³⁵Makapagsusugo ka ba ng mga kidlat, upang magsiyaon, at magsabi sa iyo: Nangarito kami?

³⁶מי שת בטחות חכמה או מי נתן לשכוי בינה׃

³⁶Sinong naglagay ng karunungan sa mga pinakaloob na bahagi? O sinong nagbigay ng kaalaman sa pagiisip?

³⁷מי יספר שחקים בחכמה ונבלי שמים מי ישכיב׃

³⁷Sinong makabibilang ng mga alapaap sa pamamagitan ng karunungan? O sinong makatutuyo ng mga botelya ng langit,

³⁸בצקת עפר למוצק ורגבים ידבקו׃

³⁸Pagka ang alabok ay napuputik, at ang mga bugal ay nanganinikit na maigi?

³⁹התצוד ללביא טרף וחית כפירים תמלא׃

³⁹Huhuli ka ba ng mahuhuli na ukol sa leong babae? O bubusugin mo baga ang kagutoman ng mga batang leon,

⁴⁰כי ישחו במעונות ישבו בסכה למו ארב׃

⁴⁰Pagka sila'y nagsisihilig sa kanilang mga lungga, at nagsisitahan sa guwang upang bumakay?

⁴¹מי יכין לערב צידו כי ילדו אל אל ישועו יתעו לבלי אכל׃

⁴¹Sinong naghahanda sa uwak ng pagkain niya, pagka ang kaniyang mga inakay ay nagsisidaing sa Dios, at nagsisigala sa kakulangan ng pagkain.