¹אהב מוסר אהב דעת ושנא תוכחת בער׃

¹Sinomang umiibig ng kasawayan ay umiibig ng kaalaman: nguni't siyang nagtatanim sa kasawayan ay hangal.

²טוב יפיק רצון מיהוה ואיש מזמות ירשיע׃

²Ang mabuting tao ay magtatamo ng lingap ng Panginoon: nguni't kaniyang parurusahan ang taong may masasamang katha.

³לא יכון אדם ברשע ושרש צדיקים בל ימוט׃

³Ang tao ay hindi matatag sa pamamagitan ng kasamaan: nguni't ang ugat ng matuwid ay hindi makikilos.

⁴אשת חיל עטרת בעלה וכרקב בעצמותיו מבישה׃

⁴Ang mabait na babae ay putong sa kaniyang asawa: nguni't siyang nakahihiya ay parang kabulukan sa kaniyang mga buto.

⁵מחשבות צדיקים משפט תחבלות רשעים מרמה׃

⁵Ang mga pagiisip ng matuwid ay ganap: nguni't ang mga payo ng masama ay magdaraya.

⁶דברי רשעים ארב דם ופי ישרים יצילם׃

⁶Ang mga salita ng masama ay mga bakay sa dugo: nguni't ililigtas sila ng bibig ng matuwid.

⁷הפוך רשעים ואינם ובית צדיקים יעמד׃

⁷Ang masama ay inilulugmok at nawawala: nguni't ang sangbahayan ng matuwid ay tatayo.

⁸לפי שכלו יהלל איש ונעוה לב יהיה לבוז׃

⁸Pupurihin ang tao ayon sa kaniyang karunungan: nguni't ang masama sa puso ay hahamakin.

⁹טוב נקלה ועבד לו ממתכבד וחסר לחם׃

⁹Maigi siyang pinahahalagahan ng kaunti, at may alipin, kay sa nagmamapuri, at kinukulang ng tinapay.

¹⁰יודע צדיק נפש בהמתו ורחמי רשעים אכזרי׃

¹⁰Ang matuwid ay nagpapakundangan sa buhay ng kaniyang hayop: nguni't ang mga kaawaan ng masama ay mabagsik.

¹¹עבד אדמתו ישבע לחם ומרדף ריקים חסר לב׃

¹¹Siyang bumubukid ng kaniyang lupain ay magkakaroon ng saganang tinapay: nguni't siyang sumusunod sa taong walang kabuluhan ay walang unawa.

¹²חמד רשע מצוד רעים ושרש צדיקים יתן׃

¹²Ninanasa ng masama ang lambat ng mga masamang tao: nguni't ang ugat ng matuwid ay nagbubunga.

¹³בפשע שפתים מוקש רע ויצא מצרה צדיק׃

¹³Nasa pagsalangsang ng mga labi ang silo sa mga masamang tao: nguni't ang matuwid ay lalabas sa kabagabagan.

¹⁴מפרי פי איש ישבע טוב וגמול ידי אדם ישוב לו׃

¹⁴Ang tao ay masisiyahan ng buti sa pamamagitan ng bunga ng kaniyang bibig; at ang mga gawain ng mga kamay ng tao ay babayaran sa kaniya.

¹⁵דרך אויל ישר בעיניו ושמע לעצה חכם׃

¹⁵Ang lakad ng mangmang ay matuwid sa kaniyang sariling mga mata: nguni't siyang pantas ay nakikinig sa payo.

¹⁶אויל ביום יודע כעסו וכסה קלון ערום׃

¹⁶Ang yamot ng mangmang ay agad nakikilala: nguni't ang mabait na tao ay nagtatakip ng kahihiyan.

¹⁷יפיח אמונה יגיד צדק ועד שקרים מרמה׃

¹⁷Ang nagbabadya ng katotohanan ay nagpapakilala ng katuwiran, nguni't ang sinungaling sa saksi ay nagdadaya.

¹⁸יש בוטה כמדקרות חרב ולשון חכמים מרפא׃

¹⁸May nagsasalitang madalas na parang saliwan ng tabak: nguni't ang dila ng pantas ay kagalingan.

¹⁹שפת אמת תכון לעד ועד ארגיעה לשון שקר׃

¹⁹Ang labi ng katotohanan ay matatatag kailan man. Nguni't ang sinungaling na dila ay sa sangdali lamang.

²⁰מרמה בלב חרשי רע וליעצי שלום שמחה׃

²⁰Pagdaraya ay nasa puso ng mga kumakatha ng kasamaan: nguni't sa mga tagapayo ng kapayapaan ay kagalakan.

²¹לא יאנה לצדיק כל און ורשעים מלאו רע׃

²¹Walang mangyayaring kapahamakan sa matuwid: nguni't ang masama ay mapupuno ng kasamaan.

²²תועבת יהוה שפתי שקר ועשי אמונה רצונו׃

²²Mga sinungaling na labi ay kasuklamsuklam sa Panginoon: nguni't ang nagsisigawang may katotohanan ay kaniyang kaluguran.

²³אדם ערום כסה דעת ולב כסילים יקרא אולת׃

²³Ang taong mabait ay nagkukubli ng kaalaman: nguni't ang puso ng mga mangmang ay nagtatanyag ng kamangmangan.

²⁴יד חרוצים תמשול ורמיה תהיה למס׃

²⁴Ang kamay ng masipag ay magpupuno: nguni't ang tamad ay malalagay sa pagatag.

²⁵דאגה בלב איש ישחנה ודבר טוב ישמחנה׃

²⁵Ang kabigatan sa puso ng tao ay nagpapahukot; nguni't ang mabuting salita ay nagpapasaya.

²⁶יתר מרעהו צדיק ודרך רשעים תתעם׃

²⁶Ang matuwid ay patnubay sa kaniyang kapuwa: nguni't ang lakad ng masama ay nakapagpapaligaw.

²⁷לא יחרך רמיה צידו והון אדם יקר חרוץ׃

²⁷Ang tamad ay hindi nagiihaw ng kahit kaniyang napapangasuhan; nguni't ang mahalagang pag-aari ng tao ay sa mga masisipag.

²⁸בארח צדקה חיים ודרך נתיבה אל מות׃

²⁸Nasa daan ng katuwiran ang buhay; at sa kaniyang landas ay walang kamatayan.