¹¶ Ko te tangata e aroha ana ki te kupu ako e aroha ana ki te matauranga; na, ko te tangata e kore e pai kia riria tona he, he poauau tera.

¹Whoso loveth discipline loveth knowledge, but he that hateth reproof is brutish.

²¶ Ko te tangata pai ka whiwhi ki ta Ihowa whakapai; otiia ka whakahengia e ia te tangata ngarahu kino.

²A good [man] obtaineth favour of Jehovah; but a man of mischievous devices will he condemn.

³¶ E kore ta te tangata e u i te kino: na, ko te pakiaka o te hunga tika, e kore tera e whakakorikoria.

³A man shall not be established by wickedness; but the root of the righteous shall not be moved.

⁴¶ He wahine e u ana tona pai, hei karauna tera ki tana tane; tena ko te wahine i whakama ai ia, hei pirau tera i roto i ona wheua.

⁴A woman of worth is a crown to her husband; but she that maketh ashamed is as rottenness in his bones.

⁵¶ Ko nga whakaaro o te hunga tika he tika: ko nga whakaaro ia o te hunga kino he tinihanga.

⁵The thoughts of the righteous are right; the counsels of the wicked are deceit.

⁶¶ Ko nga kupu a te hunga kino e mea ana kia tauwhanga i te toto: ma te mangai ia o te hunga tika ratou ka ora ai.

⁶The words of the wicked are a lying-in-wait for blood; but the mouth of the upright shall deliver them.

⁷¶ Ka hurihia iho te hunga kino, a kore iho; ko te whare ia o te hunga tika ka tu tonu.

⁷Overthrow the wicked, and they are no [more]; but the house of the righteous shall stand.

⁸¶ Ka rite ki tona ngarahu te whakamoemiti mo te tangata; ko te ngakau parori ki ia ka whakahaweatia.

⁸A man is commended according to his wisdom; but he that is of a perverted heart shall be despised.

⁹¶ Ko te tangata e whakahaweatia ana, he pononga nei tana, pai ake ia i te tangata e whakanui ana i a ia ano, a kahore ana kai.

⁹Better is he that is lightly esteemed, and hath a servant, than he that honoureth himself, and lacketh bread.

¹⁰¶ Ko te tangata tika e whakaaro ana ia ki te ora o tana kararehe; he nanakia ia nga mahi atawhai a te hunga kino.

¹⁰A righteous man is concerned for the life of his beast; but the tender mercies of the wicked are cruel.

¹¹¶ Ko te tangata e mahi ana i tona oneone ka makona ia i te taro; tena ko te tangata e whai ana i te hunga tekateka noa, kahore ona ngakau mahara.

¹¹He that tilleth his land shall be satisfied with bread; but he that followeth the worthless is void of understanding.

¹²¶ Ko ta te tangata kino e minamina ai ko te kupenga a te hunga kino; e whai hua ana ia te pakiaka o te hunga tika.

¹²The wicked desireth the net of evil [men]; but the root of the righteous yieldeth [fruit].

¹³¶ Ka mau te tangata kino i te pokanga ketanga o ona ngutu; ka puta mai ia te tangata tika i roto i te raru.

¹³In the transgression of the lips is an evil snare; but a righteous [man] shall go forth out of trouble.

¹⁴¶ Ma nga hua o tona mangai ka makona ai te tangata i te pai; ka riro mai ano i te tangata nga utu o ta ona ringa.

¹⁴A man is satisfied with good by the fruit of his mouth; and the recompense of a man's hands shall be rendered unto him.

¹⁵¶ He tika tonu ki ona kanohi ake te ara o te kuware: e whakarongo ana ia te tangata whakaaro nui ki te kupu whakatupato.

¹⁵The way of a fool is right in his own eyes; but he that is wise hearkeneth unto counsel.

¹⁶¶ Ko te kuware, e mohiotia wawetia ana tona riri: e hipokina ana ia te whakama e te tangata ngarahu tupato.

¹⁶The vexation of the fool is presently known; but a prudent [man] covereth shame.

¹⁷¶ Ko ta te tangata korero pono he whakapuaki i te tika; ko ta te kaiwhakaatu teka ia he tinihanga.

¹⁷He that uttereth truth sheweth forth righteousness; but a false witness deceit.

¹⁸¶ He tangata ano ko ana korero maka noa, me te mea ko nga werohanga a te hoari; he rongoa ia te arero o te hunga whakaaro nui.

¹⁸There is that babbleth like the piercings of a sword; but the tongue of the wise is health.

¹⁹¶ Ka u tonu te ngutu pono a ake ake; mo naianei kau ia te arero teka.

¹⁹The lip of truth shall be established for ever; but a lying tongue is but for a moment.

²⁰¶ He tinihanga kei roto i te ngakau o nga kaitito i te kino; he koa ia to nga kaiwhakatakoto korero e mau ai te rongo.

²⁰Deceit is in the heart of them that devise evil; but to the counsellors of peace is joy.

²¹¶ E kore tetahi kino e pa ki te tangata tika; engari te hunga kino ka ki i te kino.

²¹There shall no evil happen to a righteous [man]; but the wicked shall be filled with mischief.

²²¶ He mea whakarihariha ki a Ihowa nga ngutu teka; ko tana e ahuareka ai ko nga kaimahi i te pono.

²²Lying lips are an abomination to Jehovah; but they that deal truly are his delight.

²³¶ Hipoki ai te tangata tupato i te matauranga: e karanga nui ana ia te ngakau o nga kuware i te kuwaretanga.

²³A prudent man concealeth knowledge; but the heart of the foolish proclaimeth folly.

²⁴¶ Mo te ringa o nga uaua te kingitanga; hei homai takoha ia te mangere.

²⁴The hand of the diligent shall bear rule; but the slothful [hand] shall be under tribute.

²⁵¶ Ma te pouri i roto i te ngakau o te tangata e piko ai ia: ma te kupu pai ia ka marama ai.

²⁵Heaviness in the heart of man maketh it stoop; but a good word maketh it glad.

²⁶¶ Hira ake te tangata tika i tona hoa; te hunga kino ia ka whakapohehetia e to ratou ara ano.

²⁶The righteous guideth his neighbour; but the way of the wicked misleadeth them.

²⁷¶ Kahore te tangata mangere e tunu i tana mea i hopu ai: ma te tangata uaua ia te taonga utu nui a nga tangata.

²⁷The slothful roasteth not what he took in hunting; but man's precious substance is to the diligent.

²⁸¶ He ora kei te ara o te tika; kahore hoki he mate i tona ara.

²⁸In the path of righteousness is life, and in the pathway thereof there is no death.