¹Wushtilo savorhe ai ningerde les ka Pilate.

¹And having risen, the whole multitude of them did lead him to Pilate,

²Ai dosharenas les, phenenas, "Kado manush rimol amaro them ai vazdelpe o narodo pe amende, ai phenel le narodoske te na pochinen ka Caesar e taksa, ai phenelas ke wo si O Kristo, ek amperato."

²and began to accuse him, saying, `This one we found perverting the nation, and forbidding to give tribute to Caesar, saying himself to be Christ a king.`

³O Pilate phushel les, "San tu o amperato le Zhidovongo?" O Jesus phendia leske, "Tu mothos."

³And Pilate questioned him, saying, `Thou art the king of the Jews?` and he answering him, said, `Thou dost say [it].`

⁴O Pilate phendia ka le bare rashange ai le narodoske, "Me chi arakhav chi iek dosh ande kado manush.

⁴And Pilate said unto the chief priests, and the multitude, `I find no fault in this man;`

⁵Numa mai xoliariko sas won, phenenas, "Kado manush vazdel o narodos, ai sicharel kodolen kai si ande Judah, zhal de Galilee ai de katsar naichidisardia.

⁵and they were the more urgent, saying — `He doth stir up the people, teaching throughout the whole of Judea — having begun from Galilee — unto this place.`

⁶Kana o Pilate ashundia e vorba "Galilee," phushlia, "Kodo manush sas Galilean?"

⁶And Pilate having heard of Galilee, questioned if the man is a Galilean,

⁷Kana ashundia ke O Jesus sas andai Galilee ai ke o Herod poronchilas ande Galilee, tradia les ka Herod. O Herod sas ande Jerusalem ande kodia vriama.

⁷and having known that he is from the jurisdiction of Herod, he sent him back unto Herod, he being also in Jerusalem in those days.

⁸Ai kana o Herod dikhlia O Jesus, raduisailo; ke demult mangelas te dikhel les, ke ashundia but vorbi pa leste; ai mangelas te dikhel les te kerel mirakluria angla leste.

⁸And Herod having seen Jesus did rejoice exceedingly, for he was wishing for a long [time] to see him, because of hearing many things about him, and he was hoping some sign to see done by him,

⁹O Herod phushlia but vorbi katar o Jesusos, numa O Jesus chi phendia leske kanchi.

⁹and was questioning him in many words, and he answered him nothing.

¹⁰Ai le bare rasha ai le Gramnoturia kotse sas, ai thonas dosh pe leste zurales.

¹⁰And the chief priests and the scribes stood vehemently accusing him,

¹¹Ai o Herod peske ketanensa kerenas zhungales le Jesusosa, ai marenas mui lestar, ai dia pe leste iek rhocha shukar, ai pale tradia les ka Pilate.

¹¹and Herod with his soldiers having set him at nought, and having mocked, having put around him gorgeous apparel, did send him back to Pilate,

¹²Sa kodo dies o Pilate ai o Herod kerdile vortacha, kai won mai anglal sas duzhmaia iek kavreske.

¹²and both Pilate and Herod became friends on that day with one another, for they were before at enmity between themselves.

¹³Ai kana o Pilate chidia le bare rashan, ai le bare kai poronchin ai le narodos andek than,

¹³And Pilate having called together the chief priests, and the rulers, and the people,

¹⁴phendia lenge, "Tume andian mange kakale manushes, ke buntuil le narodos, ai me phushlem lestar angla tumende, ai chi arakhlem chi iek dosh ande leste. Nai chi iek diela kai tume dosharen les;

¹⁴said unto them, `Ye brought to me this man as perverting the people, and lo, I before you having examined, found in this man no fault in those things ye bring forward against him;

¹⁵Ai chi o Herod chi arakhlia dosh pe leste, ke wo tradia les amende. Kado manush chi kerdia kasavestar o baio kai trobul mudardo.

¹⁵no, nor yet Herod, for I sent you back unto him, and lo, nothing worthy of death is having been done by him;

¹⁶Phenav le ketanenge te maren les le bichosa, ai porme mekav les te zhaltar."

¹⁶having chastised, therefore, I will release him,`

¹⁷Ka swako pachiv sas ek zakono kai trobulas te mekel avri iekes anda temnitsa.

¹⁷for it was necessary for him to release to them one at every feast,

¹⁸Numa savorhen tsipinas andek than, phenenas, "Mudaren les! Mekes o Barabbas te zhaltar."

¹⁸and they cried out — the whole multitude — saying, `Away with this one, and release to us Barabbas,`

¹⁹O Barabbas sas ande temnitsa kai buntuisailo sas andek foro, ai kai mudardia vari kas.

¹⁹who had been, because of a certain sedition made in the city, and murder, cast into prison.

²⁰OPilate mai phendia lenge, "Meken le Jesusos te zhaltar."

²⁰Pilate again then — wishing to release Jesus — called to them,

²¹Numa narodo tsipilas, phenelas, "Karfosar les! Karfosar les!"

²¹but they were calling out, saying, `Crucify, crucify him.`

²²O Pilate mai phendia lenge e trito data, "Savestar baio kerdia kado manush? Chi arakhlem kanch ande leste te avel mudardo: No mekava les kana avela mardo."

²²And he a third time said unto them, `Why, what evil did he? no cause of death did I find in him; having chastised him, then, I will release [him].`

²³Numa o narodo tsipilas mai zurales, ai mangena te karfon les. Pala pengo tsipimos o Pilate kerdia pe lende.

²³And they were pressing with loud voices asking him to be crucified, and their voices, and those of the chief priests, were prevailing,

²⁴O Pilate phendia, "So mangen avela pe tumaro."

²⁴and Pilate gave judgment for their request being done,

²⁵Meklia kodoles kai sas ande temnitsa kai kerdiasas baio ai mudardiasas kodo kai won mangenas; numa meklia le Jesusos pe lenge vas te keren so won mangen lesa.

²⁵and he released him who because of sedition and murder hath been cast into the prison, whom they were asking, and Jesus he gave up to their will.

²⁶Sar ningerenas les, line pesa ieke manushes kai busholas Simon, andak foro kai busholas Cyrene, wo avelas andai them, ai thode les te ningerel o trushul pala Jesus.

²⁶And as they led him away, having taken hold on Simon, a certain Cyrenian, coming from the field, they put on him the cross, to bear [it] behind Jesus.

²⁷Ai linepe pala leste but narodo, ai zhuvlia kai rovenas ai nekezhinas pala leste.

²⁷And there was following him a great multitude of the people, and of women, who also were beating themselves and lamenting him,

²⁸O Jesus boldiape karing kodola zhuvlia, ai phendia, "Sheiale anda Jerusalem, na roven pe mande, numa roven pe tumende, ai pe tumare glate.

²⁸and Jesus having turned unto them, said, `Daughters of Jerusalem, weep not for me, but for yourselves weep ye, and for your children;

²⁹Ashun! Le diesa avena kai phenenas, "Raduime kodala zhuvlia kai nashti aven le glate, kodala kai shoxar nas le glate, ai kodala kai shoxar chi dine chuchi."

²⁹for, lo, days do come, in which they shall say, Happy the barren, and wombs that did not bare, and paps that did not give suck;

³⁰Antunchi phenena le plaienge, "Peren pe amende;" ai phenena le plaiorhange, "Garaven ame."

³⁰then they shall begin to say to the mountains, Fall on us, and to the hills, Cover us; —

³¹Ke te kerena kadia le khashtensa kai si zeleno, so kerena kana si shuko?"

³¹for, if in the green tree they do these things — in the dry what may happen?`

³²Aver dui manush sas ningerde le Jesusosa te aven mardo.

³²And there were also others — two evil-doers — with him, to be put to death;

³³Kana areslo po than, kai bushol "Calvary vai Shero," kotse karfosarde les po trushul, ai vi le duie choren, iek pe rik e chachi, ai iek pe rik o stingo.

³³and when they came to the place that is called Skull, there they crucified him and the evil-doers, one on the right hand and one on the left.

³⁴Antunchi O Jesus phendia, "Murho Dat, iertis le; ke chi zhanen so keren." Ai hulade leske tsalia, ai thodepe te dikhen kon niril leske tsalia.

³⁴And Jesus said, `Father, forgive them, for they have not known what they do;` and parting his garments they cast a lot.

³⁵O narodo sas kotse ai dikhelas. Ai le bare manush kai poronchin marenas mui lestar, phenenas, "Skepisardia kavren; mek te skepil pe pes, te si wo O Kristo, kai alosardia O Del."

³⁵And the people were standing, looking on, and the rulers also were sneering with them, saying, `Others he saved, let him save himself, if this be the Christ, the choice one of God.`

³⁶Ai le ketani marenas mui lestar, ai avile leste, ai denas les shut.

³⁶And mocking him also were the soldiers, coming near and offering vinegar to him,

³⁷Ai phenenas leske, "Te san tu o amperato le Zhidovongo, skepisar tu tut."

³⁷and saying, `If thou be the king of the Jews, save thyself.`

³⁸Opral pa lesko shero ramolaspe ande shiba le Greksisko, ai Latinesko, ai Zhiduviska, "Kado si O AMPERATO LE ZHIDOVONGO."

³⁸And there was also a superscription written over him, in letters of Greek, and Roman, and Hebrew, `This is the King of the Jews.`

³⁹Iek andal chor kai sas pasha leste, marelas mui lestar, phenelas, "Te san tu O Kristo, skepisar tu tut, ai ame."

³⁹And one of the evil-doers who were hanged, was speaking evil of him, saying, `If thou be the Christ, save thyself and us.`

⁴⁰Numa kolaver chor phendia kolavreske, phenelas, "Chi daras katar O Del, tu kai mudardias ai avela kris pe tute?

⁴⁰And the other answering, was rebuking him, saying, `Dost thou not even fear God, that thou art in the same judgment?

⁴¹Ame, si kris pe amende; ke ame keras amensa kadia, ke chorhe sam kai kerdiam baiuria: numa kado chi kerdia chi iek baio.

⁴¹and we indeed righteously, for things worthy of what we did we receive back, but this one did nothing out of place;`

⁴²Ai phendia le Jesusoske "Devla, desa tu goji mande kana avesa ando chi amperetsia."

⁴²and he said to Jesus, `Remember me, lord, when thou mayest come in thy reign;`

⁴³Ai O Jesus phendia leske, "Phenav tuke chachimasa, adies vi tu avesa mansa ando rhaio."

⁴³and Jesus said to him, `Verily I say to thee, To-day with me thou shalt be in the paradise.`

⁴⁴Kal desh u dui po mashkar le diesesko tuniariko avilo pe sa e lumia zhi kai trin chasuria.

⁴⁴And it was, as it were, the sixth hour, and darkness came over all the land till the ninth hour,

⁴⁵Ai o kham chi mai strefialas, ai e selia (kortina) ande tampla shindili ande donde de opral zhi tele.

⁴⁵and the sun was darkened, and the vail of the sanctuary was rent in the midst,

⁴⁶Ai kana O Jesus dias mui andek baro glaso, "Murho Dat, thav murho duxo ande che vas, ai phendia kadala vorbi, mulo.

⁴⁶and having cried with a loud voice, Jesus said, `Father, to Thy hands I commit my spirit;` and these things having said, he breathed forth the spirit.

⁴⁷Akana kana o ketano diklia so kerdilia, luvudisardia O Del, phenelas, "Chaches kado manush vorta sas."

⁴⁷And the centurion having seen what was done, did glorify God, saying, `Really this man was righteous;`

⁴⁸Ai sa o narodo kai chidelas andek than te dikhel, kana dikhle so kerdilia, marenas pe kolin ai geletar khere.

⁴⁸and all the multitudes who were come together to this sight, beholding the things that came to pass, smiting their breasts did turn back;

⁴⁹Sa leske vortacha, ai le zhuvlia kai linepe pala leste andai Galilee, de dural beshenas,dikhenas so kerdiolas.

⁴⁹and all his acquaintances stood afar off, and women who did follow him from Galilee, beholding these things.

⁵⁰Sas iek manush kai busholas Josef andai foro kai bushol Arimathea, kado manush lasho sas ai vorta.

⁵⁰And lo, a man, by name Joseph, being a counsellor, a man good and righteous,

⁵¹Wo nas kana dosharde le Jesusos, wo sas andek foro busholas Arimathea, o foro le Zhidovongo, wo azhukerelas e amperetsia le Devleski.

⁵¹— he was not consenting to their counsel and deed — from Arimathea, a city of the Jews, who also himself was expecting the reign of God,

⁵²Kodo manush gelo ka Pilate, ai manglia te len o stato le Jesusosko.

⁵²he, having gone near to Pilate, asked the body of Jesus,

⁵³Gelo ai lia les tele pa trushul, ai vuluisardia les ando tsolo, ai thodia les ando greposhevo kai sas ando bax, kai inker khonik nas thodino.

⁵³and having taken it down, he wrapped it in fine linen, and placed it in a tomb hewn out, where no one was yet laid.

⁵⁴Parashtuine sas, ai o Savato nachinuilas.

⁵⁴And the day was a preparation, and sabbath was approaching,

⁵⁵Ai le zhuvlia kai avile lesa andai Galilee linepe pala lende, ai dikhle o greposhevo ai sar sas thodino lesko stato.

⁵⁵and the women also who have come with him out of Galilee having followed after, beheld the tomb, and how his body was placed,

⁵⁶Porme gele palpale khere, ai lasharde le vuloia ai duxi le statoski; ai hodinisarde po dies le Savatosko, sar o zakono phenel te kerel.

⁵⁶and having turned back, they made ready spices and ointments, and on the sabbath, indeed, they rested, according to the command.