¹Hama, kunyange munhu akabatwa pane kumwe kudarika, imwi veMweya mudzose wakadai nemweya weunyoro; uchizvichenjerera iwe, kuti iwewo urege kuidzwa.

¹Brethren, if a man be overtaken in a fault, ye which are spiritual, restore such an one in the spirit of meekness; considering thyself, lest thou also be tempted.

²Takuriranai mitoro yenyu, saizvozvo zadzisai murairo waKristu.

²Bear ye one another's burdens, and so fulfil the law of Christ.

³Nekuti kana munhu achizviona sechinhu, asati ari chinhu, unozvinyengera.

³For if a man think himself to be something, when he is nothing, he deceiveth himself.

⁴Zvino munhu umwe neumwe ngaanzvere basa rake amene, ipapo ungazvirumbidza pamusoro pake amene oga, asi kwete pamusoro peumwe.

⁴But let every man prove his own work, and then shall he have rejoicing in himself alone, and not in another.

⁵Nekuti munhu umwe neumwe uchatakura mutoro wake.

⁵For every man shall bear his own burden.

⁶Uye unodzidziswa shoko ngaagovane neunodzidzisa pazvinhu zvose zvakanaka.

⁶Let him that is taught in the word communicate unto him that teacheth in all good things.

⁷Musanyengerwa, Mwari haasekwi; nekuti chimwe nechimwe munhu chaanodzvara ndichowo chaanokohwa.

⁷Be not deceived; God is not mocked: for whatsoever a man soweth, that shall he also reap.

⁸Nekuti unodzvara kunyama yake, uchakohwa kuora kunobva panyama; asi unodzvara kumweya uchakohwa upenyu hwusingaperi, hwunobva kumweya.

⁸For he that soweth to his flesh shall of the flesh reap corruption; but he that soweth to the Spirit shall of the Spirit reap life everlasting.

⁹Asi ngatirege kuneta pakuita zvakanaka; nekuti nenguva yakafanira, tinozokohwa kana tisinganeti.

⁹And let us not be weary in well doing: for in due season we shall reap, if we faint not.

¹⁰Naizvozvo zvatine mukana, ngatiite zvakanaka kune vose, zvikuru kune veimba yerutendo.

¹⁰As we have therefore opportunity, let us do good unto all men, especially unto them who are of the household of faith.

¹¹Vonai kuti akakura sei mavara andinonyora kwamuri neruoko rwangu.

¹¹Ye see how large a letter I have written unto you with mine own hand.

¹²Vose vanoda kuonekera panyama, ndivo vanokurovererai kuti mudzingiswe; chete kuti varege kutambudzwa nekuda kwemuchinjikwa waKristu.

¹²As many as desire to make a fair shew in the flesh, they constrain you to be circumcised; only lest they should suffer persecution for the cross of Christ.

¹³Nekuti kunyange ivo pachavo vakadzingiswa havachengeti murairo, asi vanoda kuti mudzingiswe, kuti vazvirumbidze panyama yenyu.

¹³For neither they themselves who are circumcised keep the law; but desire to have you circumcised, that they may glory in your flesh.

¹⁴Asi kwandiri ngakurege kuva nekuzvirumbidza, kunze kwepamuchinjikwa waIshe wedu Jesu Kristu; kubudikidza naye nyika yakarovererwa pamuchinjikwa kwandiri, neni kunyika.

¹⁴But God forbid that I should glory, save in the cross of our Lord Jesus Christ, by whom the world is crucified unto me, and I unto the world.

¹⁵Nekuti muna Kristu Jesu kudzingiswa kana kusadzingiswa hakuna maturo, asi chisikwa chitsva.

¹⁵For in Christ Jesus neither circumcision availeth any thing, nor uncircumcision, but a new creature.

¹⁶Vose vanofamba nemurairo uyu, rugare ngaruve pamusoro pavo, netsitsi, nepamusoro pevaIsraeri vaMwari.

¹⁶And as many as walk according to this rule, peace be on them, and mercy, and upon the Israel of God.

¹⁷Kubvira zvino ngakurege kuva nemunhu unonditambudza; nekuti ndakatakura pamuviri wangu mavanga aIshe Jesu.

¹⁷From henceforth let no man trouble me: for I bear in my body the marks of the Lord Jesus.

¹⁸Nyasha dzaIshe wedu Jesu Kristu, ngadzive nomweya wenyu, hama. Ameni.

¹⁸Brethren, the grace of our Lord Jesus Christ be with your spirit. Amen.