¹Zvino wakatangazve kudzidzisa pagungwa; kukaungana kwaari chaunga chikuru zvekuti wakapinda muchikepe akagara mugungwa; uye chaunga chese chakange chiri pagungwa panyika.

¹And again he began to teach by the sea, and there was gathered unto him a great multitude, so that he, having gone into the boat, sat in the sea, and all the multitude was near the sea, on the land,

²Akavadzidzisa zvinhu zvizhinji nemifananidzo, akati kwavari padzidziso yake:

²and he taught them many things in similes, and he said to them in his teaching:

³Teererai; tarirai, mukushi wakabuda kunokusha.

³`Hearken, lo, the sower went forth to sow;

⁴Zvino zvakaitika pakukusha, imwe yakawira parutivi rwenzira; shiri dzekudenga dzikauya dzikaidya dzikaipedza.

⁴and it came to pass, in the sowing, some fell by the way, and the fowls of the heaven did come and devour it;

⁵Asi imwe yakawira panzvimbo dzine mabwe, payakange isina ivhu zhinji; pakarepo ikamera, nekuti yakange isina udziku hwevhu;

⁵and other fell upon the rocky ground, where it had not much earth, and immediately it sprang forth, because of not having depth of earth,

⁶asi zuva rakati rabuda, yakapiswa, uye nekuti yakange isina mudzi ikasvava.

⁶and the sun having risen, it was scorched, and because of not having root it did wither;

⁷Uye imwe yakawira pamhinzwa, mhinzwa ikakura ikaivhunga, ikasabereka chibereko.

⁷and other fell toward the thorns, and the thorns did come up, and choke it, and fruit it gave not;

⁸Uye imwe yakawira muvhu rakanaka; ikabereka chibereko chakakura ikawedzera, ikabereka, imwe makumi matatu, neimwe makumi matanhatu, neimwe zana.

⁸and other fell to the good ground, and was giving fruit, coming up and increasing, and it bare, one thirty-fold, and one sixty, and one an hundred.`

⁹Ndokuti kwavari: Une nzeve dzekunzwa, ngaanzwe.

⁹And he said to them, `He who is having ears to hear — let him hear.`

¹⁰Zvino wakati ava oga, vakange vakamukomba nevanegumi nevaviri vakamubvunza zvemufananidzo.

¹⁰And when he was alone, those about him, with the twelve, did ask him of the simile,

¹¹Uye akati kwavari: Kwamuri kwakapiwa kuziva chakavanzika cheushe hwaMwari; asi kune avo vari kunze, zvose zvinoitwa nemifananidzo;

¹¹and he said to them, `To you it hath been given to know the secret of the reign of God, but to those who are without, in similes are all the things done;

¹²kuti vachiona vaone asi varege kuonesesa, vachinzwa vanzwe asi vasinganzwisisi, zvimwe chero nguva varege kutendeuka, vakangamwirwe zvivi.

¹²that seeing they may see and not perceive, and hearing they may hear and not understand, lest they may turn, and the sins may be forgiven them.`

¹³Zvino akati kwavari: Hamuzivi mufananidzo uyu here? Zvino muchaziva sei mifananidzo yose?

¹³And he saith to them, `Have ye not known this simile? and how shall ye know all the similes?

¹⁴Mukushi unokusha shoko.

¹⁴He who is sowing doth sow the word;

¹⁵Zvino ava ndivo veparutivi rwenzira, apo panokushwa shoko, uye kana vachirinzwa, pakarepo Satani unouya ndokubvisa shoko rakakushwa mumoyo yavo.

¹⁵and these are they by the way where the word is sown: and whenever they may hear, immediately cometh the Adversary, and he taketh away the word that hath been sown in their hearts.

¹⁶Uye saizvozvo ava ndivo vakakushwa panzvimbo dzine mabwe, ivo kana vanzwa shoko, pakarepo vanorigamuchira nemufaro,

¹⁶`And these are they, in like manner, who on the rocky ground are sown: who, whenever they may hear the word, immediately with joy do receive it,

¹⁷asi havana mudzi mavari, asi ndevenguva; pashure kana matambudziko nekushushwa zvichiuya nekuda kweshoko, pakarepo vanogumburwa.

¹⁷and have not root in themselves, but are temporary; afterward tribulation or persecution having come because of the word, immediately they are stumbled.

¹⁸Zvino ava ndivo vanokushwa mumhinzwa, vanonzwa shoko,

¹⁸`And these are they who toward the thorns are sown: these are they who are hearing the word,

¹⁹asi kuzvidya moyo kwezvenyika ino nekunyengera kwefuma neruchiva pamusoro pezvimwe zvinhu zvichipinda, zvichivhunga shoko, rova risingabereki.

¹⁹and the anxieties of this age, and the deceitfulness of the riches, and the desires concerning the other things, entering in, choke the word, and it becometh unfruitful.

²⁰Naava ndivo vakakushwa muvhu rakanaka, ndivo vanonzwa shoko, ndokugamuchira, vagobereka chibereko, umwe makumi matatu, uye umwe makumi matanhatu, uye umwe zana.

²⁰`And these are they who on the good ground have been sown: who do hear the word, and receive, and do bear fruit, one thirty-fold, and one sixty, and one an hundred.`

²¹Zvino wakati kwavari: Mwenje unouiswa kuti uiswe pasi pedengu kana pasi pemubhedha here? Kwete kuti uiswe pachigadziko chemwenje here?

²¹And he said to them, `Doth the lamp come that under the measure it may be put, or under the couch — not that it may be put on the lamp-stand?

²²Nekuti hapana chakavigwa chisingazovhundunurwi, kana chakachengetwa chakavanda, asi kuti zvibude pachena.

²²for there is not anything hid that may not be manifested, nor was anything kept hid but that it may come to light.

²³Kana munhu ane nzeve dzekunzwa, ngaanzwe.

²³If any hath ears to hear — let him hear.`

²⁴Zvino wakati kwavari: Chenjererai zvamunonzwa; nechiyero chamunoyera nacho chichayerwa kwamuri, nekwamuri imwi munonzwa, chichawedzerwa.

²⁴And he said to them, `Take heed what ye hear; in what measure ye measure, it shall be measured to you; and to you who hear it shall be added;

²⁵Nekuti ani nani unacho uchapiwa; asi usina uchatorerwa kunyange nechaanacho.

²⁵for whoever may have, there shall be given to him, and whoever hath not, also that which he hath shall be taken from him.`

²⁶Zvino akati: Hwakadaro ushe hwaMwari, sezvinonzi munhu unokusha mbeu muvhu.

²⁶And he said, `Thus is the reign of God: as if a man may cast the seed on the earth,

²⁷Zvino ovata nekumuka usiku nemasikati, mbeu inomera ichikura iye asingazivi kuti sei.

²⁷and may sleep, and may rise night and day, and the seed spring up and grow, he hath not known how;

²⁸Nekuti ivhu rinozviberekera chibereko pacharo, pakutanga chipande, pashure hura, pashure zviyo zvakakora pahura.

²⁸for of itself doth the earth bear fruit, first a blade, afterwards an ear, afterwards full corn in the ear;

²⁹Asi kana chibereko chaibva, pakarepo unotuma jeko nekuti kukohwa kwasvika.

²⁹and whenever the fruit may yield itself, immediately he doth send forth the sickle, because the harvest hath come.`

³⁰Zvino wakati: Tichafananidza nei ushe hwaMwari? Tingahuenzanisa nemuenzaniso upi?

³⁰And he said, `To what may we liken the reign of God, or in what simile may we compare it?

³¹Setsanga yemasitadha*, iyo kana ichidzvarwa muvhu, idukusa kumbeu dzose dzepanyika;

³¹As a grain of mustard, which, whenever it may be sown on the earth, is less than any of the seeds that are on the earth;

³²asi kana yadzvarwa, inokura ichiva huru kumirivo yose, ichiita matavi makuru zvekuti shiri dzekudenga dzinogona kuvakira pamumvuri wawo.

³²and whenever it may be sown, it cometh up, and doth become greater than any of the herbs, and doth make great branches, so that under its shade the fowls of the heaven are able to rest.`

³³Zvino nemifananidzo mizhinji yakadaro, akataura shoko kwavari, sepavaigona kunzwa napo.

³³And with many such similes he was speaking to them the word, as they were able to hear,

³⁴Asi kunze kwemifananidzo haana kutaura kwavari; asi vava vega, wakadudzira vadzidzi vake zvose.

³⁴and without a simile he was not speaking to them, and by themselves, to his disciples he was expounding all.

³⁵Zvino nezuva iroro ava madekwana, wakati kwavari: Ngatiyambukire mhiri.

³⁵And he saith to them on that day, evening having come, `We may pass over to the other side;`

³⁶Vakarega chaunga chichiinda, vakaenda naye akangodaro muchikepe. Zvino kwaivawo nemamwe magwa naye.

³⁶and having let away the multitude, they take him up as he was in the boat, and other little boats also were with him.

³⁷Zvino kwakamuka dutu guru remhepo, mafungu akazviroverera muchikepe, zvekuti chakange zvino chozadzwa.

³⁷And there cometh a great storm of wind, and the waves were beating on the boat, so that it is now being filled,

³⁸Asi iye wakange ari shure muchikepe avete pamutsago; vakamumutsa, vakati kwaari: Mudzidzisi, hamuna hanya kuti toparara here?

³⁸and he himself was upon the stern, upon the pillow sleeping, and they wake him up, and say to him, `Teacher, art thou not caring that we perish?`

³⁹Akamuka akatsiura mhepo, akati kugungwa: Nyarara, gadzikana! Mhepo ikamira, kukava nekudzikama kukuru.

³⁹And having waked up, he rebuked the wind, and said to the sea, `Peace, be stilled;` and the wind did lull, and there was a great calm:

⁴⁰Ndokuti kwavari: Munotyirei zvakadaro? Hamuna rutendo sei?

⁴⁰and he said to them, `Why are ye so fearful? how have ye not faith?`

⁴¹Vakatya nekutya kukuru, vakati umwe kune umwe: Zvino ndiani uyu, kuti kunyange mhepo negungwa zvinomuteerera?

⁴¹and they feared a great fear, and said one to another, `Who, then, is this, that even the wind and the sea do obey him?`