¹Asi uzivewo ichi, kuti mumazuva ekupedzisira nguva dzekutambudzika dzichasvika.

¹But know this, that in the last days grievous times shall come.

²Nekuti vanhu vachava vanozvida, vanoda mari, vanozvirumbidza, vanozvikudza, vanyombi, vasingateereri vabereki, vasingavongi, vasiri vatsvene,

²For men shall be lovers of self, lovers of money, boastful, haughty, railers, disobedient to parents, unthankful, unholy,

³vasina rudo rwechisikigo, vasingadi kuyanana, vacheri, vasingazvidzori, vane hasha, vasingadi zvakanaka,

³without natural affection, implacable, slanderers, without self-control, fierce, no lovers of good,

⁴vatengesi, vanongomhanyirira, vane manyawi, vanoda mafaro kupfuura kuda Mwari;

⁴traitors, headstrong, puffed up, lovers of pleasure rather than lovers of God;

⁵vane mufananidzo weuMwari, asi vakaramba simba rako; ubve pavanhu vakadai.

⁵holding a form of godliness, but having denied the power therefore. From these also turn away.

⁶Nekuti pane ivava varipo vanopinda mudzimba vachiverevedza, vachitapa zvikadzi nzenza, vakaremedzwa nezvivi, vanozvuzvurudzwa nekuchiva kwakasiyana siyana,

⁶For of these are they that creep into houses, and take captive silly women laden with sins, led away by divers lusts,

⁷zvinongogara zvichidzidza, asi hazvitongogoni kusvika paruzivo rwechokwadi.

⁷ever learning, and never able to come to the knowledge of the truth.

⁸Jane naJambere sezvavakapikisa Mozisi, saizvozvo ava vanoramba chokwadi, vanhu vendangariro dzakaodzwa, vakarashwa parutendo.

⁸And even as Jannes and Jambres withstood Moses, so do these also withstand the truth. Men corrupted in mind, reprobate concerning the faith.

⁹Asi havachapfuuriri mberi, nekuti upenzi hwavo hwuchaonekwa kune vose, sezvakazoita hwavowo.

⁹But they shall proceed no further. For their folly shall be evident unto all men, as theirs also came to be.

¹⁰Asi iwe wakatevera zvakazara dzidziso yangu, mufambiro, chinangwa, rutendo, moyo murefu, rudo, kutsungirira,

¹⁰But thou didst follow my teaching, conduct, purpose, faith, longsuffering, love, patience,

¹¹kushushwa, nenhamo, zvakandiwira paAndiyokiya, paIkoniyamu, napaRistra, kushushwa kwakadini kwandakatsunga makuri, uye Mwari wakandinunura maari ose.

¹¹persecutions, sufferings. What things befell me at Antioch, at Iconium, at Lystra; what persecutions I endured. And out of them all the Lord delivered me.

¹²Hongu, nevose vanoda kurarama muuMwari muna Kristu Jesu vachashushwa;

¹²Yea, and all that would live godly in Christ Jesus shall suffer persecution.

¹³asi vanhu vakaipa nevanyengeri vachaenderera mberi pakuipa vachitsausa nekutsauswa.

¹³But evil men and impostors shall wax worse and worse, deceiving and being deceived.

¹⁴Asi iwe rambira pazvinhu zvawakadzidza uye zvakasimbiswa kwauri, uchiziva kuti wakazvidzidza kuna ani,

¹⁴But abide thou in the things which thou hast learned and hast been assured of, knowing of whom thou hast learned them.

¹⁵uye kuti kubvira paucheche wakaziva magwaro matsvene, anogona kukuchenjedza kusvikira pakuponeswa kubudikidza nerutendo rwuri muna Kristu Jesu.

¹⁵And that from a babe thou hast known the sacred writings which are able to make thee wise unto salvation through faith which is in Christ Jesus.

¹⁶Rugwaro rwose rwakafemerwa naMwari runobatsira padzidziso, pakutsiura, pakururamisa, nekuraira kuri mukururama,

¹⁶Every scripture inspired of God [is] also profitable for teaching, for reproof, for correction, for instruction which is in righteousness.

¹⁷kuti munhu waMwari ave wakakwana, agadzirirwa kwazvo basa rose rakanaka.

¹⁷That the man of God may be complete, furnished completely unto every good work.