¹Mweya wangu wapera, mazuva angu adzima, Hwiro hunondimirira.

²Zvirokwazvo, vanondiseka vaneni; Ziso rangu rinoramba richiona kutsamwa kwavo.

³Zvino ndipikirei, muve rubatso rwangu kwamuri; Ndianiko achabatana maoko neni?

⁴nekuti makavanzira moyo yavo kunzwisisa; Naizvozvo hamungavakudzi.

⁵Iye, anokwirira shamwari dzake kuti dzitapwe, Meso avana vake achapera.

⁶Iye akandiita shumo pakati pavanhu; Ndinosemwa pachena.

⁷Ziso rangu harichaoni nemhaka yokuchema, Mitezo yangu yose yafanana nomumvuri.

⁸Vanhu vakarurama vachakanuka nazvo, Asine mhaka achamukira vasingadi Mwari.

⁹Kunyange zvakadaro wakarurama acharambira panzira yake, Uye ana maoko akanaka acharamba achisimba.

¹⁰Asi imwi mose dzokai, muuye zvino; nekuti handingawani munhu akangwara pakati penyu.

¹¹Mazuva angu apfuura, zvandaivavarira zvakona, Iyo mifungo yomoyo wangu.

¹²Vanoisa rima pachinambo chechiedza; chiedza chiri pedo pamberi perima.

¹³Kana ndine tariro, Sheori ndiyo imba yangu; Ndakawadza nhovo yangu murima;

¹⁴Ndakati kuhwiro, Ndiwe baba vangu; Nokuhonye, Ndiwe mai vangu nehanzvadzi yangu;

¹⁵Zvino tariro yangu iripiko? Kana iri tariro yangu, ndianiko angaiona?

¹⁶Ichaburukira kumazariro eSheori, Kana zororo yavapo paguruva.