¹Zvino zvakaitika mumazuva aAmuraferi mambo weShinari, Arioki ma­mbo weErasari, Kedhoriraomeri ma­mbo weEramu, naTidhari, mambo wemarudzi,

²kuti vakaita hondo naBhera mambo weSodhoma, naBherisha mambo weGomora, Shinabhi mambo weAdhamu, naShemebheri mambo weZebhoimi, namambo weBhera (rinova Zoari).

³Ava vose vakasangana mumu­pata weSidhimu unova Gungwa reMunyu.

⁴Makore gumi nemaviri vakashandira Kedhoriraomeri, asi vakamumukira negore regumi nematatu.

⁵Zvino mugore regumi nemana Kedhoriraomeri wakauya, nemadzimambo aiva naye, vakarova vaRefaimi paAshitoreti karinaimi, nevaZuzimi paHamu, nevaEmimi paShavhe-kiriataimi,

⁶nevaHori pagomo ravo Seiri, kusvi­kira paEriparani riri pedo nerenje.

⁷Zvino va­kadzoka vakasvika Enimishipati rinova Kadheshi, ndokurova nyika yose yevaAmareki, nevaAmoriwo, vaigara paHazazoni-Tamari.

⁸Zvino kwakabuda mambo weSodhoma nama­mbo weGomora, namambo weAdhamu namambo weZebhoimi, namambo weBhera rinova Zoari, vakabuda vakarongedza hondo kuzorwa navo pamupata weSidhimu,

⁹kuti varwe naKedhorirao­meri mambo weEramu, naTidhari, mambo wemarudzi, naAmuraferi mambo weShinari, naArioki, mambo weErasari; madzimambo mana akamirisana nemadzi­mambo mashanu.

¹⁰Zvino mupata weSi­dhimu waiva nemakomba ane tara, uye madzimambo eSodhoma neGomora akatiza, ndokuwiramo; uye vakasara vakatizira kugomo,

¹¹ndokutora nhumbi dzose dzeSo­dhomu neGomora, nechikafu chavo chose, vakaenda.

¹²Zvino vakatora Roti, mwanakomana wemunin'ina waAbhu­ramu, waigara paSodhoma, nenhumbi dzake, ndokuenda.

¹³Zvino kwakauya wakange apuku­nyuka ndokuudza Abhuramu muHebheru, waigara pamiouki* yaMamure muAmori, mu­nin'ina waEshikori nemunin'ina waAneri vakange vaita sungano naAbhuramu.

¹⁴Zvino Abhuramu wakati anzwa kuti hama yake yatapwa, akashongedza zvombo vakange vadzidziswa, vaka­zvarwa muimba yake, mazana ma­tatu negumi nevasere, akavateverera ku­svikira paDhani.

¹⁵Zvino wakazvikamura kurwa navo usiku, iye nevaranda vake, akavarova, akavateverera kusvikira paHobha, riri kurudyi rweDhamasiko.

¹⁶Zvino wakadzosa nhumbi dzose, naRotiwo hama yake nenhumbi dzake, nevakadziwo neva­nhu.

¹⁷Mambo weSodhoma ndoku­buda kunosangana naye adzoka pakuuraya Kedhoraomari nemadzimambo aiva naye pamupata weShavhe unova mupata wamambo.

¹⁸Merikizedheki mambo weSaremi ndokuuisa chingwa newaini; uye iye mupristi waMwari Wekumusoro-soro.

¹⁹Zvino wakamuropafadza akati: Ngaaropafadzwe Abhuramu naMwari Wekumusoro-soro, Muridzi wematenga nepasi.

²⁰Uye ngaaropafadzwe Mwari Wekumusoro-soro, wakakumikidza vavengi vako mumaoko ako. Ndokumupa chegumi chezvose.

²¹Zvino mambo weSodhoma wakati kuna Abhuramu: Ndipe vanhu, ugozvitorera nhumbi.

²²Abhuramu ndokuti kuna mambo weSodhoma: Ndasimudzira ruoko rwa­ngu kuna Jehovha Mwari Wekumusoro-soro, muridzi wekumatenga nepasi,

²³kuti handingatori kubva kurushinda kusvika kurukanda rwe­shangu pane chose chaunacho, kuti murege kuzoti: Ini ndakafumisa Abhuramu.

²⁴Kunze kweizvo chete majaya zvaakadya, nemugove wevarume vakainda neni, va­naAneri, Eshikori, naMamure, ngava­tore mugove wavo.