¹Iri ibhuku renhoroondo yedzinza raAdhamu. Pazuva Mwari raakasika munhu nemufananidzo waMwari.

²Wakavasika murume nemuka­dzi; ndokuvaropafadza, akavatumidza zita rinonzi Munhu, pazuva ravakasikwa.

³Zvino Adhamu wakararama makore zana nemakumi matatu, akabereka mwanakomana wakafanana naye, wakamutodza; akamutumidza zita rinonzi Seti.

⁴Zvino mazuva aaAdhamu shure kwekubereka kwake Seti aiva makore mazana masere; akabereka vanakomana nevanasikana.

⁵Zvino mazuva ose eupenyu hwaAdhamu aiva makore mazana mapfumba­mwe nemakumi matatu, ndokufa.

⁶Zvino Seti wakararama makore zana nemashanu, akabereka Enosi;

⁷Seti ndokurarama makore mazana masere nemanomwe shure kwekubereka kwake Enosi, ndokubereka vanakomana nevanasikana.

⁸Zvino ose mazuva aSeti aiva makore mazana mapfumbamwe negumi nema­viri, ndokufa.

⁹Zvino Enosi wakararama makore makumi mapfumbamwe, ndokubereka Kenani;

¹⁰Zvino Enosi wakararama shure kwekubereka kwake Kanani makore mazana masere negumi nemashanu; ndokubereka vanako­mana nevanasikana;

¹¹Zvino mazuva ose aEno­si aiva makore mazana ma­pfumbamwe nemashanu, ndokufa.

¹²Zvino Kanani wakararama makore makumi manomwe, akabereka Maharareri;

¹³Kanani ndokurarama shure kwekubereka kwake Maharareri makore mazana masere nemakumi mana; ndokubereka vanakomana nevanasikana.

¹⁴Nemazuva ose aKanani aiva makore mazana mapfumbamwe negumi, ndokufa.

¹⁵Zvino Maharareri wakararama makore makumi matanhatu nemashanu, akabereka Jaredhi.

¹⁶Maharareri ndokuraramama­ shure kwekubereka kwake Jare­dhi makore mazana masere nemakumi matatu, ndokubereka vanakomana nevanasikana.

¹⁷Uye mazuva ose aMaharareri aiva makore mazana masere nemakumi mapfumbamwe nemashanu, ndokufa.

¹⁸Zvino Jaredhi wakararama makore zana nemakumi matanhatu nemaviri, akabereka Enoki.

¹⁹Zvino Jaredhi wakararama shure kwekubereka kwake Enoki Jaredhi makore mazana masere; ndokubereka vanakomana nevanasikana;

²⁰Zvino mazuva ose aJaredhi aiva makore mazana mapfu­mbamwe nemakumi matanhatu nemaviri, ndokufa.

²¹Zvino Enoki wakararama makore makumi matanhatu nemashanu, ndokubereka Metu­sera.

²²Zvino Enoki wakafamba naMwari shure kwekubereka kwake Metusera makore mazana matatu; ndokubereka vanakomana nevanasikana.

²³Nemazuva ose aEnoki aiva makore mazana matatu nema­kumi matanhatu nemashanu.

²⁴Enoki ndokufamba naMwari, uye haachipo, nekuti Mwari wakamutora.

²⁵Zvino Metusera wakararama makore zana nemakumi masere namanomwe, ndokubereka Rameki;

²⁶Zvino Metusera wakararama shure kwekubereka kwake Rameki ma­kore mazana manomwe namakumi masere namaviri; ndokubereka vanakomana nevanasikana.

²⁷Zvino mazuva ose aMetusera aiva makore mazana mapfu­mbamwe nemakumi matanhatu nemapfu­mbamwe, ndokufa.

²⁸Rameki ndokurarama makore zana nemakumi masere nemaviri; ndokubereka mwanakomana.

²⁹Zvino wakamutumidza zita kuti Nowa, achiti: Uyu achanyaradza pabasa redu nepakushingaira kwemaoko edu, nekuda kwepasi Jehovha paakapa rushambwa.

³⁰Rameki akararama shure kwekubereka kwake Nowa, Rameki akagara makore ana mazana mashanu namakumi mapfu­mbamwe namashanu; akabereka vanako­mana navanasikana.

³¹Nemazuva ose aRa­meki aiva makore mazana manomwe nemakumi manomwe nema­nomwe, ndokufa.

³²Zvino Nowa waiva nemakore mazana mashanu, Nowa ndokubereka Shemu, naHamu, naJafeti.